Kolosi 2:12 - Nouveau Testament en Guidar

¹² Adan kərəhaŋgək baptem, kəkpaŋgaŋgək va məndəkkum də Krestu. Dəndəni kədawsilyoŋ sətəki əmta də zeŋgille meleketeni, vi kətafən sembe na Maŋgəlva məs asil gən Krestu sətəki əmta.

Bible en Guidar

¹² Adan məndəkkumi dəndən addəv baptem, addəvni yi'e kəsilyoŋ səka əmta də ətafa, də wəza na Maŋgəlva məs dəsilgin səret ɗiy mimtiti.

Kolosi 2:12 ပူးပေါင်းရင်းမြစ်များ

Luka 17:5

Yaŋ masləŋɗe apsənən Ɗəfdaya na: Apsəm meŋgesl wətafa.

Wəza net Masləŋɗe 14:27

Adan agapaŋ a Antakiya, akkeletinik kretiyenɗe pakə, anahsitinik an Maŋgəlva agəɗ dənɗaŋ pakə, va akol tive sit ɗii məs Yahudiyenɗeŋ ɓa, dətafən gən Zezu.

Wəza net Masləŋɗe 2:24

Amma yaŋ Maŋgəlva asil gən sətəki net ɗii mimtiti, yaŋ akoh gən səma wəssiya na əmta, vi əmta tay də sembe narman ɓa.

Wəza net Masləŋɗe 2:32

Zezu wəŋka Maŋgəlva asil gənək səzet ɗii mimtiti, mənam pak mənam tatəɗɗa saydawa aka wənnani.

Roma 4:24

An mətafək Maŋgəlva, waŋɗam azan ka ɗii təstəssə, ndəni dəsil gən Ɗəfdaya nam Zezu Krestu səkəti əmta.

Roma 7:4

Vaski bo də munokum milmiŋgiɗwa, kəmtaŋgək də Krestu. Vaski məmtukum kənanaŋ klaza ma henziŋ. Kakaŋ na, na ɗəf mbərən kənanaŋ ɓa, ɗəf məs dəsil səkəti əmta kənanaŋ. Kakaŋ na wakəɓapaŋ wətər wəray sən Maŋgəlva də wəza nokum.

1Korintus 12:13

Mənam pakə, Yahudiyenɗe dit ɗii məs Yahudiyenɗeŋ ɓa, balemɗe dit ɗii məs balemɗeŋ ɓa pakə, mərahək baptem də əmpəs məs taka naka, ka vi məsap gən adəv gəɓa zə ɗəf taka, mənam pak məkpaŋgək ɗii məsaaŋ əmpəs taka bo.

1Korintus 15:20

Amma gesiŋ, Krestu asilik səkəti əmta, vini ɗii mimtit pak wasilyoŋ.

Galatiyen 3:27

Vi munokum pakə, ko naway dərah baptem də iya na Zezu Krestu, kəsapaŋgək dəndən, kəgulunək Zezu Krestu.

Efesus 2:8

Vi də mbəlembəleyi kaaka kədaw kohoŋ, də wətafa, nan bo də wəza nokumi ɓa, wəvəl na Maŋgəlvayi.

Efesus 3:17

Vi Krestu dəsan gən amokrokum an məs kəŋglaŋ də wətafa. Intatə kamani kəsoŋ gən də siwerkum kərəh adəv wəŋgla.

Efesus 3:7

Maŋgəlva avay suwək mbəlembəle, yaŋ nəkpaŋ məgəɗ wəza nani, nawpel Wən Nenek nani, vaski arban sembe nan azawa.

Efesus 4:5

Yo Ɗəfdaya takayi, wətaf bo taka, baptem taka,

Efesus 5:14

An zəga arbanək zəni, wakpaŋ təki babara. Vini annah na: Afɗaahə iskəŋ məleŋguk kəŋkə, asil səzet ɗii mimtiti. Asna Krestu wakasak azok va paya.

Filipi 1:29

Maŋgəlva apsəmək wəŋgla naɗɗa weza sən Krestu, vi wətafəni kaka ɓa, amma də wəzəm saha vi wənnani.

Kolosi 1:29

Vini nədaɗɗa wəza də wəgay vini, də sembe məs Krestu avayə, ndəni də daɗɗa wəza nan amakrawa.

Kolosi 2:13

Laŋka Maŋgəlva tayulukum va məmtukum, vi wənna mambray nokum, vi Krestu dəɓəl wəskəlkum awra tagay ɓa. Amma kakaŋ na Maŋgəlva aməs kəmbəl gukum, sap də Krestu aviyan sukumək mambray nokum pakə.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 6:2

Wərban wənna baptem temtemi, də wəɗi va ɗəf aka ɗəffa, də usilyo sətəki əmta də kita an ha faɗə.

1Piyer 3:21

Vasna iŋkileŋki, ana baptem adarbanəni. Məs dədaw koh gukum kakaŋka, də wəskoɓ haramba na gəɓa zə ɗəffi ɓa, amma adəvəni mədaw sler də Maŋgəlva, də viyan səmə gən mambray sə makramə, baptem wakoh gukum də wəsil gən Zezu Krestu sətəki əmta.