Kolosi 2:11 - Nouveau Testament en Guidar

¹¹ Də əsap dəni mərəh zev wəskəl awra maɓɓani. Amma wəskəl awra nan də wərəŋ gən gəɓa zə ɗəffi ɓa, amma wəskəl awra məs dəde səza Krestu. Wəskəl awra nan tay va wəskoɓ mambray məs də sembe aka gəɓa zukum.

Bible en Guidar

¹¹ Addəvni kəskəlaŋawra, əskəlawra məs məɗɗan də va ɗəf də ərəŋgən gəɓa zə ɗəfi ɓa, əskəlawra məs dəde səza Kristu yi.

Kolosi 2:11 ပူးပေါင်းရင်းမြစ်များ

Markus 14:58

Məpprəmək anahək na: Wanəɓzlu gəla metiŋ naw zuliya* məs ɗii arkaŋ də veti, pay hoku wanərka maɓɓani məza də vet ɗii ɓa.

Luka 2:21

Yaŋ wəvoŋ buhul dərɓaga wənnani, pay agapək nawkan wəskələn awra də wəlvani, apsənənək iya Zezu, iya nan maslay dənah sət man daga təɓəl wəɗi daway ɓa.

Wəza net Masləŋɗe 17:24

Maŋgəlva məs dəzəməɗ dəlva fuŋ də zəga nadəvən pakə. Ndəni Ɗəfdaya na disiŋ də dəlva fuŋ, awsan adəv gəla mərkan də vet ɗii ɓa.

Wəza net Masləŋɗe 7:48

Amma Maŋgəlva daya na disiŋ awsan adəv gəla mərkan də vet ɗii ɓa, va məs kleŋ anah na:

Roma 2:29

Ɗəf məs dəskəl awra aza zəni, nan Yahudiyen an də goŋgay ɓa, say an məs dəskəl awra amakrani. Wəskəl awra an də goŋga, say də Əmpəs na Maŋgəlva adawsani, asanna də wənna dəv ɗerewel na ma henziŋ ɓa, Yahudiyen an də goŋga, akay na gakdak nan avet ɗii ɓa, say aza Maŋgəlva kaaka'ə.

Roma 6:6

Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa.

Roma 7:24

Maɗulaw aŋgluwək ma henziŋ na Maŋgəlva, amma wəza naw tayəsban ma henziŋ na mambraya. Midi haya, na saha nani! Zəga tay dəpəl su əmpa ɓa, say əmta. Naway nawgilgu sədəv wəzəm saha nawəŋ di? Soko sən Maŋgəlva vi zəzay na Zezu Krestu, Ɗəfdaya namə.

2Korintus 5:1

Məsənka, an gəla nam kakaŋkəŋka, va wənah na gəɓa zə ɗəf məs dəlva fuŋ an aɓəslka, gəla nam maɓɓan taya disiŋ. Maŋgəlva sən kiyən dərka. Gəla nan wasan ha faɗə.

2Korintus 5:17

Ko naway an asapək də Krestu na, akpaŋgək ɗəf meleketeni. Zən va asan lahəŋ pak atrayka, zəga pak akpaŋgək meleketeni.

Galatiyen 2:20

vi nədaw saw madaraw sən kiyu ɓa, amma Zezu də ɗiyu madarawa. Zeŋgille ana gəɓa zu nəsaw dəndən kakaŋka, əntatə saw də wətaf aza Wətən Maŋgəlva*, an məs dəŋgəluwa, appanək zeŋgillen viwa.

Galatiyen 5:24

Ɗiiyen də Krestu akpa'ənək gəɓa zit də wəsim zəga neti.

Efesus 4:22

Vi wənnani, say muɗak də ɗəf məsvani, va wənah na wəza nokum məsvanəŋka. Va məs kəsoŋ lahəŋka, wəsim zəga məzu mbəɗanən ɗəffa də wəzzani.

Filipi 3:3

Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

Kolosi 3:5

Say məbay dambər gən wəsim zəga məs dəmbər azokum, wəɗɗa ɗarɗarə, wəɗɗa mbrayen, də wəɗɗa mana'a, də wəkay zəga mbrayen gəm wəsim zəga (zəga takayi də wəŋgla na zəga də na zuli sən matuya.)

Ibriɗe 9:11

Amma kakaŋka na Krestu adeke. Ndəni daya net məs dəlveŋge aka zəga mogon məs dəde səm kakaŋka. Tayəɗɗa wəza adəv gəla na gabaga nalma* an dədayki an lahəŋ də metiŋgin də mogoni. Də vet ɗii məɗɗa gəla nan ɓa, va anah na, səka dəlvəŋki ɓa.

Ibriɗe 9:24

Vi Krestu dətoŋ atəki salala məs məɗɗan də vet ɗii ɓa, va wənəh na foto ɗar mekeleŋ. Amma atoŋguk a disiŋ, aziwik aba Maŋgəlva kakaŋ vimə.