Kolosi 1:9 - Nouveau Testament en Guidar

⁹ Vi wənnani kan mədakkaman Maŋgəlva, səza məpprəm labara nokum. Mənam tatəkkaman Maŋgəlva, dərban sukum gən wəŋgla nan pakə, dəpsukum gən maɗula naw sənən də Əmpəs nani.

Bible en Guidar

⁹ Sən aski, təŋ səza pay nam məprəm wən nokum, məppan gabba əkkam vikum ɓa. Mənam tat əkkaman Maŋgəlva dəknahkumgən də əsən an gərak na əŋgla nani, dəpsukum maɗɗula gəm əsən də Əmpəsa.

Kolosi 1:9 ပူးပေါင်းရင်းမြစ်များ

Yohanna 7:17

Ko naway dəŋglu wəɗɗa an məs Maŋgəlva aŋgələ, wasənna wəpel nawəŋ səza Maŋgəlva ade sa, walla də sembe naw nədawpele.

Wəza net Masləŋɗe 12:5

Sozeɗ bo tahəŋ wəganən vaska, amma ɗii na Maŋgəlva bo tahəŋ wəkkamanən Maŋgəlva aka wənnan zit soksoku.

Roma 12:2

Kədasbanən wəsuwa vanet ɗii na duniya ɓa, amma məppan Maŋgəlva də kpaŋgan makrokum də wəkpaŋgan maɗulokum. Asna wakəsənən wəŋgla na Maŋgəlva, wakəsənən zəga an mogoni.

1Korintus 1:5

Də Zezu Krestuwi kərəhaŋ zəga pakə, də wəpel nani, də wəsən zəga nokum adanzləran abe abe,

Efesus 1:8

Awan səmək diiɗa apsəmək wəsənna də maɗula pakə.

Efesus 5:10

Məsok zukum uɗakan wən məs dəda neken zə Ɗəfdaya.

Efesus 5:17

Vi vaski kədasoŋ dərweŋge ɓa, amma məpprəman na, awani Ɗəfdaya aŋgəl azokum di.

Efesus 6:6

Məpprəm meti, say dereti kaaka vi dəŋglaŋ gən wən nokum ɓa, amma məɗɗa wəŋgla na Maŋgəlva də mokrokum taka, va balemɗe na Krestu.

Filipi 1:4

Pay nədawzuli vikum pakə, əntat zuli de weneken zuwa,

Kolosi 1:6

Ɗii tahəŋ wərbanən Wən Nenek amba dələv pakə, wənnan tay ki zəzay sit ɗiiyi. Vaski bo anokumda, daga pay labara na mbəlembəle na Maŋgəlva agap anokumda dabəŋ nani, daga kətəŋ gən wəsən labara nenek də goŋga.

Kolosi 3:16

Məppan labara na Krestu dəknah makrokum, mərban wənnan awlaŋ zukum, məbaah sən zukum də zəga naw səna də maɗula pakə. Məgakdakan Maŋgəlva də gəlya də wəsoko də makrokum, məyə sən gəlya an na Zabura naɗi kini də gəlya an Əmpəs apsukum.

Kolosi 4:12

Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.

Kolosi 4:5

Məzi zukum aza wədaw nokum aweleŋgit ɗii məs dətafən Maŋgəlva ɓa. Ko dewɗe kərəhaŋ va pak mərban wətaf nokum, məɗɗa vaska.

1Tesaloniki 1:3

Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

1Tesaloniki 5:17

Məzuliyə kədapanən ɓa.

2Tesaloniki 1:11

Vi vaski məda zuli pay pak məza wəppan ɓa vikum, mənam tatə kaman Maŋgəlva namə dəkpaŋgokum gən ɗiiyen məs dəslaŋ narəh zeŋgille an məs məyukum akani. Dəpsukum sembe nani dəknah gən wəɗum nokum kəɗɗaŋ gən an nagrak an wəza nawtaf nokum.

Filemon 1:4

Məlmu Filemon pay məs nədaw zuli sən Maŋgəlva pak əntatəɗum akoko, əntatəgəɗ sən soko.

Filemon 1:6

Intatəssohon Maŋgəlva vi wəkkal nam məs dəsapam də ətafa, də baah səmə gən ərban səm zəzay məs mərah də Krestu.

Ibriɗe 10:36

Say kəsoŋ gən də wəɓəsən, vi kəɗɗanən gən wəŋgla na Maŋgəlva, vi kərəhən gən an məs anah na wapsit ɗii nani.

Ibriɗe 13:21

Maŋgəlva dəpsəm zamə, də wəbaah sukum kəɗɗanən gən wəza mogon an məs aŋgəl azokum. Ndən sən kiyən waɗɗa wəza an məs aŋgəl van adəvəmə. Də Zezu adaɗɗani. Gakdak sən Krestuwi ha faɗə dudan. Amin.

Yakob 1:5

An ɗəf səmbokum maɗulan nawsən an va adaɗɗa tay diiɗa ɓa, say də kaman Maŋgəlva wapsəni, wapsən ko naway pak də wəŋgla agbakan na ɓa.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

1Piyer 2:15

Vi aŋki wəŋgla na Maŋgəlva, kəkpaŋgetin gin ɗii məs dəsənaŋ zəga ɓa dit dirweŋge, də mogon məs kədaɗɗaŋ.

1Piyer 4:2

Təŋ kakaŋka, də wəmbat abe pay nanziya nokum egge pakə, say kədawaŋ gən va an məs Maŋgəlva aŋgələ, məza də mambray ɓa məza va makrokum adaŋgla ɓa.

1Yohanna 2:17

Duniya də zəga nadəv pak wagrak də an məs ɗəf aŋgəl adəvən pakə, amma ɗəf məgəɗ əŋgla na Maŋgəlva nan wasan ha faɗə.

1Yohanna 5:20

Məsənka Wətən Maŋgəlva* adeke, apsəmək maɗula, vi məsən gən Maŋgəlva an gesiŋ. Mərahək wəsap də Maŋgəlva an gesiŋ də Wətən Zezu Krestu, ndəni Maŋgəlva an gesiŋ ndəni də zeŋgille nasuwa ha faɗə.