Kolosi 1:6 - Nouveau Testament en Guidar

⁶ Ɗii tahəŋ wərbanən Wən Nenek amba dələv pakə, wənnan tay ki zəzay sit ɗiiyi. Vaski bo anokumda, daga pay labara na mbəlembəle na Maŋgəlva agap anokumda dabəŋ nani, daga kətəŋ gən wəsən labara nenek də goŋga.

Bible en Guidar

⁶ məs dəgap anokumda; tay ənzləra gəm əɓay ammba dələv pakə, vaski yi'e anokumda, təŋ səza pay məs kəprəmnən gəm kəsənnən mbəlembəle na Maŋgəlva addəv gesiŋ nani.

Kolosi 1:6 ပူးပေါင်းရင်းမြစ်များ

Matiye 24:14

Halabara nenek na məlĩ na Maŋgəlva wapel a duniya pakə, vi dəgəɗ gən saydawa azet ɗiiyi, asna wəgrak nan wade kana.

Matiye 28:19

Vi vaski məduwaŋ, azet ɗii pak məkpaŋget dəsoŋ gən gewleɗ nawa məɗɗe sit baptem də iya na Affən də iya na Wətən də iya na Əmpəs Salala.

Markus 16:15

Yaŋ anah sit na: Mədoŋ ko aŋga aka dələv pakə, məpel Wən Nenek na Maŋgəlva azet ɗii pakə.

Markus 4:8

Amma zemve maɓɓan abətək kəmpa aka ba'arə, agilke, aɓayka, aɗiyək aran sawɓa. Maɓɓan kaklaw hoku, maɓɓan kaklaw slire, maɓɓan səkatə.

Yohanna 15:16

Yaŋ na munokum kəwelwən ɓa, amma in nəwel kum. Nənah sukumək də kakara kədoŋ gəni. Kətəraŋ gən wəraya, wətər wəray nokum bo dəsan gən ha faɗə Affən wapsukum ko mi kəssohoŋ də iya nawa.

Yohanna 17:19

Wanəpan zeŋgillewa viti vi dəsoŋ gən ɗii nok gesiŋ.

Yohanna 4:23

Amma pay nan wade, adek kakaŋ səkay, Əmpəs dərban gən goŋga na Maŋgəlva, waɓap wənah sit ɗii dəzuliyaŋ sənən gən Maŋgəlva ko aŋga pakə. Maŋgəlva Əmpəssi, ɗii dəŋglaŋ wəzuliyaŋ sənən na say dəsoŋ gən məwet də Əmpəs an gesiŋ. Zemvit məzu zuliyaŋ eskiŋ Maŋgəlva aŋgələ.

Wəza net Masləŋɗe 11:18

Adan apprəmən wənnani, aɓətaŋka agakdakanənək Maŋgəlva, aɓɗaŋ na: Mbaraka Maŋgəlva apsitik tive sit ɗii məza Yahudiyenɗe həŋ ɓa də tubiyaŋ gəni dərəhaŋ gən wəkoho!

Wəza net Masləŋɗe 12:24

Amma wənna Maŋgəlva tayənzləra abe abe.

Wəza net Masləŋɗe 16:14

Ɗak taka səmbeti, məs adawyətən na Lidiya, ɗak nat sə Tiyatira tə. Məgəɗ terere net lukutɗe peppreŋɗe tə, məzu zuli sən Maŋgəlva tə, tatəpprəm wən narba namə, Ɗəfdaya akoluk maɗulata vi tətaf gən an Pol adawpele.

Wəza net Masləŋɗe 26:18

Vi kəkol sitigin hereti, kəgilgitigin səra guzliyo kəke gin ara təki babara, kəkohgitigin sədəv sembe na Satan, dətoŋgoŋ gən adəv sembe na Maŋgəlva, də wətaf neti, vi dərəhaŋ gən tive naviyan mambray neti, dətoŋgoŋ gən atəki neti aweleŋgit ɗii məs Maŋgəlva aweli də wətafwa.

Roma 1:13

Milmiŋgiɗwa, nəŋgəl kəsənən gən na, təl ɓəɓɓay nəkay tive naw mbat anokumda, amma ha kakaŋka Maŋgəlva dəvay su tive tagay ɓa. Nəŋgəl na nərah gən ɗii naw tubi anokumda, va nərah anet ɗii da aka dələv maɓɓani.

Roma 15:19

De sembe na sokene də wəza nagət akani, də sembe na Əmpəs Salala. Nətəŋ wərban Labara Nenek na Krestu daga sə Zerusalem ha tuwəɗ kiyən ha gap Illiriya.

Roma 15:28

Pay nəgrak wənnəska, wanəpsit zəga məs kəkkalaŋ, wanəmbat a Espay wanətoŋ kla nokumda an nadawa.

Roma 16:26

Amma kakaŋ na, wən məɗama nak arbanək zən appaka də ɗerewel net məs kleŋɗe: Va dawka məs Maŋgəlva aɗi ha faɗə, apelik wənnan viyit ɗii namba dələv pak dəsənən gən wənnani, dətafən gəni, dəpprəmən gən mani.

2Korintus 10:14

An məkaɓka, asna mətoŋguk ki meŋge, gesiŋ bo məgapək annokumda də labara nenek na Krestu.

2Korintus 6:1

Namə məɗɗaŋ wəza də Maŋgəlva mənani. Vini məda komokum: Kərəhaŋgək mbəlembəle na Maŋgəlva, məzi zukum adawza səvokum ɓa.

Efesus 3:2

Kəpprəmənək wənnan na, Maŋgəlva avayək tive nərban gən mbəlembəle nan vikum,

Efesus 4:21

Kəpprəmənək əpel aka wənnani, ya kətafənka, mərban sukumi wən an gesiŋ, məs dəde səza Zezu.

Efesus 4:23

Məppan makrokum də maɗulokum dəsan meleketen pay pakə.

Efesus 5:9

Vi wətər wəray na təki babar na: ndəni mogoni, təstəssə də goŋga.

Filipi 1:11

Zeŋgillekum wasan məknahən də zəga an təstəssə, məs dəde səza Zezu Krestu, vi gakdak na Maŋgəlva də wəɗi kini.

Filipi 4:17

Kəda ɗumoŋ na sulayɗe nokum nədaw kayeti ɓa, nəŋgəl na arya nokum dənzlər gən va wənah na ətaf nokum də tər gən wəraya.

Kolosi 1:10

Asna wakə ɓapən wəɗɗa an va Ɗəfdaya aŋgələ, an məs dəslə azani. Wədaw nokum wanzlər gən wəza mogon temtemi, wəsən Maŋgəlva nokum wambat abe abe.

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

1Tesaloniki 2:13

Vi wənnani məppana wəɗɗa soko sən Maŋgəlva ɓa, vi kətafənək labara na Maŋgəlva səmamə, kətafən va wəpel net ɗii ɓa, amma va wəpel na Maŋgəlva kətafəni. Gesiŋgi ndəni wəpel na Maŋgəlva məzəɗɗa wəza amakrokum munokum məs kətafaŋ.

2Tesaloniki 2:13

Milmiŋgiɗwa pay pak mənam tatəɗɗa soko sən Maŋgəlva vikum, annokumi. Ɗəfdaya aŋgələ, Maŋgəlva awel kumko vi kəsoŋ gən kana koh dabəŋ. Wakəkohoŋ vi Əmpəs na Maŋgəlva tayəɗɗa wəza amkrokum, vi kətafənək goŋga nani.

1Piyer 5:12

Nəver sukum wənnəs suɗike də əbaah na Silas, ndəni məlmu an nəsən fəkatə vikum. Mawaka əsɓokum, də əɗɗa sukum, saydawa aka wənnəska, ndəni mbəlembəle an gesiŋ gesiŋ. Məsok zukum də sembe adəvən.