Kolosi 1:16 - Nouveau Testament en Guidar

¹⁶ Dəni Maŋgəlva azəməɗ zəga pakə, na disiŋ də annaka dəlva fuŋ pakə, an məs hara ɗəf adawlay kaaka ɓa, amma də an məs hara ɗəf awlan ɓa pakə, va wənəh na sembeɗ dit məlyeŋge, dit ɗii gakdekɗe na disiŋ pakə. Də Krestuwi Maŋgəlva azəməɗ zəga pakə vini azəməɗ zigeɗ veti.

Bible en Guidar

¹⁶ vi dəndəni Maŋgəlva azəməɗ zəga pakə, a disiŋ də aka dəlvafuŋ pakə, an hara ɗəf adawla də an hara ɗəf awlan ɓa pakə, dəssoŋ mezeŋgeɗ na məlyã, gagdak net deyeɗe, gagdakɗe, əɓapɗe pakə. Zəga pak dəndəni gəm səni məzəməɗən.

Kolosi 1:16 ပူးပေါင်းရင်းမြစ်များ

Roma 11:36

Maŋgəlva azəməɗək zəga pakə, səzani zəga pak ade azani adaw milyoŋ pakə bo. Gakdak pak na Maŋgəlvayi ha faɗə. Amin!

Yohanna 1:3

Maŋgəlva aɗɗak ko mi pak də wəpel nani. Zəga tay ko taka məɗɗan məza dəndən ɓaɓa.

1Korintus 8:6

Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.

Ibriɗe 2:10

Vi vaski Maŋgəlva dəzəməɗ zəga pakə ndən dədawgani, makran aŋgluwək vaska, akpaŋganək Zezu təstəssə də wəppan adəv bonoy, vi dəke gin kirin diiɗa adəv gakdak nani. Vi Zezuwi dədawket atəki nawkoho.

Ibriɗe 1:2

Amma aza wəgrak na pay nan kana, Maŋgəlva apel səmək də ma Wətəni. Dəni Maŋgəlva azəməɗ dəlva də təki a disiŋ, Maŋgəlva awelik ka zəga pak dəsan gən kanan ha faɗə.

Efesus 1:10

aɗumək wakkelet zigeɗ pak amba təl Krestu, zigeɗ na disiŋ dit zigeɗ na duniya pakə.

Kolosi 1:15

Krestu tayərban səm Maŋgəlva məs awlanən ɓa, vi Krestu van agilik va ndəni. Ndəni Tizi na zəga məs Maŋgəlva azəməɗ pakə.

Kolosi 2:10

Dəni kərəhən zəga pak grakə də wəsap də Krestu. Krestu adayək kiyit sembeɗ pak dit əmpəsɗe pakə, də gakdak nani.

Filipi 2:10

Vi an məyani iya na Zezu, dewle zəga məs məzəməɗən pakə, ana disiŋ də ana fuŋ də ana təki net ɗii mimtiti, wakdukun takpret abani.

Kolosi 1:20

Ndəni dəŋglu wəsleren zəga pak məs agəɗə, dəndəni Wətən aɗɗa wəsler nan də mbel nani, amtək aka wəlaŋga məzliwrihe. Vaski Maŋgəlva agrak wəsleren zəga na duniya pak dəndən, ko na fuŋ ko na disiŋ.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.

Kolosi 2:15

Vaski kan aynet sembeɗ dit əmpəsɗe pakə, arbi sitik wil abet ɗii pakə, pay məs ake minet aweleŋgit kretiyenɗe nani.

Efesus 6:12

Vi əgay nam dit ɗiiyi ɓa, amma dit əmpəsɗe mbreyit məs nakawalaŋ disiŋ də dəlva fuŋ, məs dəsoŋ məlĩyeŋge də sembe pak neti, adəv payan kakaŋkəŋka məs dəsan guzliyəŋka.

Roma 8:38

Nəsənək gesiŋ, zəga tay nawɗakam də əŋgla nan ɓa, ko əmta, ko zeŋgille, ko maslayɗe, ko sembeɗ meɓɓet temme, ko wənziya an kakaŋka, ko wənziya an dədazani,

Yohanna 1:10

Wəpel nan taya dəv dəlva, Maŋgəlva aɗɗa dələv pak dəni, amma dələv dəsən ɓa.

Roma 9:5

ndəɗaŋgəŋ dəhiŋgiɗəm madabəŋ. Ko Krestu, səza əlfa neti. Usoko sən Maŋgəlva məs dəsan metiŋ aka zəga pakə, ha faɗə. Amin.