Kolosi 1:12 - Nouveau Testament en Guidar

¹² Say məgəɗ sən soko sən Ɗəfdaya də zukum neki vi ndəni dəɗɗukum ka kəɓapən gən wərəh zəga mogon pak məs azaɓan sit ɗii nan adəv məlĩ natəki babara.

Bible en Guidar

¹² məgəɗ sən soko sən Afəni, məs dəkkpaŋgokum də əɓap nawrəh haran nokum səza an məzaɓan sit ɗiy salala addəv əkeɗeɗe'e.

Kolosi 1:12 ပူးပေါင်းရင်းမြစ်များ

Matiye 25:34

Məlĩ wanah sit ɗiiyen naka van dəzəŋ na: Mide munokum məs Affu agəɗ sukum zəzaya, mətoŋ adəv məlĩ an məzaɓan vikum daga wətəŋ na dəlva fuŋ.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Yohanna 20:17

Zezu apsət na: Kədawrəŋgu ɓa, amma doku nah sit milmiŋgiɗu na, əntatə vi nəɓəl wəpeŋ aza Affu ɓa, Affukumi ya'a, aza Maŋgəlva nawa, Maŋgəlva nokumi ya'a.

Yohanna 4:23

Amma pay nan wade, adek kakaŋ səkay, Əmpəs dərban gən goŋga na Maŋgəlva, waɓap wənah sit ɗii dəzuliyaŋ sənən gən Maŋgəlva ko aŋga pakə. Maŋgəlva Əmpəssi, ɗii dəŋglaŋ wəzuliyaŋ sənən na say dəsoŋ gən məwet də Əmpəs an gesiŋ. Zemvit məzu zuliyaŋ eskiŋ Maŋgəlva aŋgələ.

Wəza net Masləŋɗe 20:32

Kakaŋ na nəppokumək ava Maŋgəlva də mbəlembəle nani. Waɓap wəɓay gukum waɓap wəgəɗ sukum zəzay də zəzay məs azaɓan viyit ɗii nan pakə.

Wəza net Masləŋɗe 26:18

Vi kəkol sitigin hereti, kəgilgitigin səra guzliyo kəke gin ara təki babara, kəkohgitigin sədəv sembe na Satan, dətoŋgoŋ gən adəv sembe na Maŋgəlva, də wətaf neti, vi dərəhaŋ gən tive naviyan mambray neti, dətoŋgoŋ gən atəki neti aweleŋgit ɗii məs Maŋgəlva aweli də wətafwa.

Roma 11:17

Kiva wəlaŋga maɓɓan məngohni səza hereme na weleŋgit wəleŋɗe. Ndəni mətipkum agəlani va meleketekum məs dəzoŋ səza hereme nawra. Kəsapaŋgək dit dembərgit Israyelɗe, munokum tatərəhaŋ sembe səza siwere na hereme ana waleŋgit wəleŋɗe məsgilti.

Roma 15:27

Aɗumoŋgək aka wənnan kaɗɗan də mekret taka wənnan taya zet va dewle na baah sit ɗii məsaheŋɗe də zəga, vi ɗii na Maŋgəlva Yahudiyenɗe na Zerusalem awɗakanənək zəga mogon net na Əmpəsa dit ɗii məs Yahudiyenɗeŋ ɓa, ndəni tam bo ɗii na Maŋgəlva məs Yahudiyenɗeŋ ɓa, adaw ɗakanən zəga na gəɓa zə ɗəf tam dit Yahudiyenɗe.

Roma 8:17

Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.

Roma 9:23

Azet ɗii meɓɓet bo, aŋgələk ərban gakdak nan diiɗa, awlak səsahti, azaɓan sitik daga far laŋka vi dərəhən gən gakdak nani.

1Korintus 8:6

Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.

1Korintus 9:23

As pak nədaɗɗan na vi labara neneki, ka nərah gən haran naw səza zəzay nani.

2Korintus 11:14

Zəga nagətakani ɓa, vi Satan sən kiyən bo, tay ɗi zən va maslay an nara təki babara.

2Korintus 5:5

Ko kakaŋka Maŋgəlva tayəɗɗa wəza amakramə, vi dəgəɗ gən vaska Apsəmək əmpəs nan va zəga narban goŋga na zəga mogon məs məɗiyən pak vimə.

Efesus 1:11

Də əsap də Krestu mədarəh haran nam aza əkoho, Maŋgəlva məgəɗ zəga pak va aza əŋgla nani də əɗum nani, awelmək daga farə ka mərah gəni.

Efesus 1:18

Maŋgəlva dəkol sukum maɗulokum də təki babar nani, vi kəsənən gən wəgrak na tive an məs muyukum akan ka kəgapaŋ gən adaka, vi kəsənən gən gakdak na arya nan məs nagət akani an azaɓan sit ɗii nani.

Efesus 2:18

Vi wənna Krestuwi mənam pakə, Yahudiyenɗe dit ɗii məs dəsənən Maŋgəlva ɓa, mərah wətoŋ aba Maŋgəlva də wəbaah na əmpəs taka.

Efesus 3:6

Aŋki wən maɗama vani, də wəsap də Zezu Krestuwi ɗii məs dəsənən Maŋgəlva ɓa asoŋ ɗii nawrəh haran net səza zəzay na Maŋgəlva dakadaka dit Yahudiyenɗe, wakpaŋgaŋ geɓa zə Krestu, warəhaŋ zam məs Maŋgəlva annah na wapsit Israyelɗe. As pak də labara nenek adaɗɗa.

Efesus 4:6

Maŋgəlva takayi, ndəni Affit ɗii pakə, məs dəzəm məlĩ aket ɗii pakə, tay daw dənɗaŋ pay pakə, tay san dənɗaŋ pay pakə.

Efesus 5:11

Kədaw sapaŋ dit məɗɗaŋ wəza ɗəɗar na guzliyəŋ ɓa, ətər wəray nan tay ɓa, amma mərban wəza nokum appaka.

Efesus 5:20

Məgəɗ soko sən Maŋgəlva Affəni, pay pakə, vi zəga pakə də iya na Ɗəfdaya nam Zezu Krestu.

Efesus 5:4

Vaski bo wənna willi wənna ɗarɗarə də an darnyaw tay lew ɓa, amma ɗəɗaah wəɗɗa soko sen Maŋgəlva də mokum,

Efesus 5:8

Vi lahəŋka ara guzli kənanaŋ, amma kakaŋ na ara təki babar kənanaŋ vi kəsapaŋgək də Ɗəfdaya, mədaw va ɗii nara təki babara.

Kolosi 2:2

Nədawgay vasna kəsoŋ gən ɓəlɓələ də wəsap adəv wəŋgla, kəkpaŋgaŋ gən ɗii məziweŋ aka goŋga pakə, dəsənən gən wən məɗama na Maŋgəlva ndəni Krestu.

Kolosi 3:15

Wəsənən an gesiŋ məs Krestu apsukuməŋka, məppan dəgəɗ wəza amakrokum. Maŋgəlva dəsapokum, va gəɓa zən taka vi kəsoŋ gən də wəsən nani. Məgəɗ sən soko.

Kolosi 3:17

Məs kədaɗɗaŋ, məs kədawpeleŋ pak dəsan də iya na Ɗəfdaya Zezu. Vi wənnani, wəkoh nokum pak asani, soko sən Maŋgəlva Ɗəfdaya.

Titus 2:14

Nan apanək kiyən vimə, vi kamam səka mambray nam pakə, də wəɗɗəm ɗii nan məs akpaŋget salala*, tay də kotorok na wəza mogoni.

Ibriɗe 12:23

Kəzoŋguk atəki wəkal net kirtin Maŋgəlva en dabəŋ, en məs məver iya net a disiŋ. Kəzoŋguk aza Maŋgəlva məs nawtaw kita aket ɗii pakə, kəzoŋguk aza zeŋgillet ɗii məs də goŋga, məs Maŋgəlva akpeŋget salala ha faɗə.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

Yakob 3:9

Də hərzləm ɗəffi bo mədaw gakdakan Ɗəfdaya nam Affəmə, dəni mədawret ɗii məs Maŋgəlva azəməɗ də gulyoŋ va ndəni.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

1Yohanna 1:3

Zəga an məs muwəl də haramə, an məs məpprəm də sləmamə, ndəni mədaw nah sukum tamə, vi kəsapaŋ gən də mənamə, vi wəsap nam dəsan gən də Affəni gəm də Wətəni ndəni Zezu Krestu.

Hənhən 21:23

Wəray tay na paya walla na təla ɓa, vi də kasak gən awalaŋ gəla nan ɓa, Botol na Maŋgəlvayi pitirla na walaŋ gəla nani.

Hənhən 22:14

Zəzay azet ɗii məs dəskoɓən kulutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgille, warəhaŋ wətoŋ kla madambeɗe na walaŋ gəla metiŋ neki.

Hənhən 22:5

Dəfəɗ taya dak ɓa, wəray tay na pitirla adak ɓa, walla na pay ɓa, vi Ɗəfdaya Maŋgəlva sən kiyən wasan təki babar neti. Wazəmaŋ məlĩ ha dudan.