Ibriɗe 9:28 - Nouveau Testament en Guidar

²⁸ Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Bible en Guidar

²⁸ vaski yi'e Kristu apsən ki zən təl taka vi kaskoɓ mambray net ɗiy diyɗa, ya warban zən masula'ən, vi wən na mambrayi əmpa ɓa, vi kawkõhgit ɗiy məzuganəni yi.

Ibriɗe 9:28 ပူးပေါင်းရင်းမြစ်များ

Matiye 20:28

Ko Wətən dəffa dəde vi ɗii dəɗɗaŋ sənəŋ gən wəza ɓa, amma vi dəgəɗ gən wəza sit ɗiiyi, apanək zeŋgillen vi kawkohgit ɗii diiɗa.

Matiye 25:31

Pay Wətən Ɗəf* adazan də gakdak nan dit maslayɗe nani, wasan aka mazaŋga na məlĩ nani.

Matiye 26:28

Vi eŋki mbel zuwəŋ ndəɗaŋgəŋ tive nawsleret ɗii də Maŋgəlva azoŋguk viyit ɗii diiɗa, mbel nawsleret ɗii də Maŋgəlvaŋgə.

Yohanna 14:3

An nəzaɓan sukumək təkiya, wanəmil azokum, wanəkukum atəki nawa, vi təki məs nədadawa adak kədosoŋ.

Wəza net Masləŋɗe 1:11

Assohotinke: Munokum ɗii na Galile vimi kədawlaŋ a disiŋ di? Zezu məs dəteŋ a disiŋ sə walaŋkuməŋka, wamil va ateŋ a disiŋgəŋka.

Roma 3:25

Maŋgəlva aɗiyək aban ka ɗəf nawsleren dit ɗii na duniya pakə. Mbel nan məs dənzuwaŋ aka wəlaŋga məzliwrihe ndəɗaŋgəŋ dəda kpaŋgetin ɗii məs dətafaŋ təstəs aba Maŋgəlva. Daga far laŋka Maŋgəlva aɓəsəka dətaw kita aka mambray net ɓa. Amma kakaŋ na, tay əviyan sit mambray neti. Vaski kan arban təstəs nani. Gesiŋ də payan nam kakaŋki aŋgəl wərban vaska. Maŋgəlva təstəssi, tay ɗi ɗii məs dətafən Zezu pak ka ɗii təstəssə.

Roma 5:15

Wən an Adam aray gənəŋ asləna də əvəl na Maŋgəlva na mekeleŋgəŋ məs avəl də ɗəffəŋ ɓa. Gesiŋ ɗii diiɗa amtaŋgək vi mambray na ɗəf taka. Amma mbəlembəle na Maŋgəlva dəday kiyən əmpa də diiɗa, vaski kan avəlsit ɗii diiɗa vi wənna ɗəf taka ndəni Zezu Krestu.

Roma 6:10

Klaza mambray na təl takayi amtə, amma yaŋ kadawsan kan kakaŋ də zeŋgille meleketeni, vi Maŋgəlva.

Roma 8:23

Duniyayi kaaka ɓa, amma də mənam kirtin əmpəs na Maŋgəlva məs wəvəl nan dabəŋ, mənam tatənɗəsa. Mamaka əŋgla kaw sam də Maŋgəlva va kirtini, amamək səza wəzzan gəɓa zamə.

Roma 8:3

Maŋgəlva sən kiyən aɓapək wəɗɗa an ma henziŋ dəɓap wəɗɗan ɓa, vi mədakəm mənani. Aslənək Wətən də gəba zən va ɗəffa, məs dənan wərak na mambray vanet ɗii pakə. Adəv gəɓa zə ɗəffi ataw kita aka mambraya. Də vaski kan adayki mambraya.

1Korintus 1:7

Əvəl na Maŋgəlva adambər sukum ɓa, munokum məzu ganən pay naziya na Ɗəfdaya nam Zezu Krestu wəŋ ɓa.

1Korintus 15:54

An agəɗək vasna, asna əpel na kleŋ wasan gesiŋ: Əmta azəka, əska wəla nan agraka.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

2Tesaloniki 2:1

Milmiŋgiɗmə, munokum tatə ganən Ɗəfdaya nam Zezu Krestu pay adazani waməkkal azani, amma mənam tatə kamokum.

2Timote 4:8

Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Ibriɗe 1:14

Mədəŋgaŋ maslayɗe di? Ndəɗaŋgəŋ Əmpəsɗe məzəɗɗaŋ sənən wəza sən Maŋgəlva. Maŋgəlva tay slinit dəbaahaŋ sitin gən ɗii məs dədawkohoŋ.

Ibriɗe 10:10

Zezu aɗɗak an Maŋgəlva aŋgələ, ndəni kan məskoɓum səka mambray namə də sazlaga na gəɓa zəni, məs agəɗ təl taka kaaka məki ha faɗə.

Ibriɗe 12:14

Məsok zukum wəsuwa zamə dit ɗii pakə. Məsok zukum wəmbat abe də salala, an də wəsuwa vaski ɓana, ɗəf tay nawla Ɗəfdaya ɓa.

Ibriɗe 2:3

Mbar mbar mədawkoh kan an məsganək wəkoh metiŋginiŋ di? Ɗəfdaya sən kiyən arbanək wəkoh van dabəŋ, ɗii məs dəpprəməni, arbanenək wənani aziw gininke.

Ibriɗe 4:15

Daya net məs dəlveŋge nam waɓap ula saha akamə vi wəvir namə, vi nani mərakani va nam pak dakadaka, amma nan dəgəɗ mambray ɓa.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Ibriɗe 7:27

Dəgil va məs dəlveŋge meɓɓet ɓa, nan wərayən taya za wəpsən zəga mətaw wəlan pay pak ɓa, vanet adapsənən dabəŋ vi mambray neti, asna wapsənən vi mambray net ɗiiyi. Amma yaŋ nan apsən zeŋgillen ka sazlaga, ndəni sazlaga an taka, təl taka bo məkki ha faɗə.

Ibriɗe 9:25

Daya net məs dəlveŋge net Yahudiyenɗe, tay toŋ atəki salala adəv wəsva pak təl taka də mbel na zəga mamaya. Amma Krestu atoŋ na ɗayɗay vi kəpsən zeŋgillen təl ɓəɓɓay ɓa.

1Piyer 2:24

Krestu sən kiyən aslanək mambray namə adəv gəɓa zəni, aka wəlaŋga məzliwrihe vi məsam gən madaram klaza wən təstəssə, asna məsam gən məmtəm klaza mambraya. Vi gəla huwa nani kərəhaŋ əmbəla.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

2Piyer 3:12

Dawga pay nani, məgəɗ wəza pay nan dəgap gən gu'u, va wənah na pay məs disiŋ adawzla də wəzza, ngirzleɗ bo wewereŋ sənən offo.

1Yohanna 3:2

Bayneŋgiɗwa, kakaŋ na kirtin Maŋgəlva mənani, an va mədakpaŋ səɓan abe na məsən tagay ɓa. Amma məsənka pay Krestu adazan na, waməsam va ndəni, vi mulak va asani.

1Yohanna 3:5

Kəsənənka Zezu Krestu ade a duniya na, vi kaviyan mambray nami, nan mambray taya zan ko taka ɓa.

Zuda 1:21

Məga zukum adəv əŋgla na Maŋgəlva. Adan munokum tatə ganən Ɗəfdaya nam Zezu Krestu dəpsukum gən mbəlembəle də zeŋgille nasuwa ha faɗə.

Hənhən 1:7

Awla tayəzan aka slay buna, ɗii pak wawlanəni. Dit ɗii məs dəppanən wənnan pak zlaŋ wawlanəni. Ɗii naka dələv pak waskaŋ morkoyo aka wənna əziya nani. Vaski wagəɗ vaska.