Ibriɗe 9:24 - Nouveau Testament en Guidar

²⁴ Vi Krestu dətoŋ atəki salala məs məɗɗan də vet ɗii ɓa, va wənəh na foto ɗar mekeleŋ. Amma atoŋguk a disiŋ, aziwik aba Maŋgəlva kakaŋ vimə.

Bible en Guidar

²⁴ Vi Kristu dətoŋ addəv gəla matuya məs məɗɗan də vet ɗiy məs dəsan zeŋgile zəga an gesiŋ ɓa. Ya a disiŋ zək nan atoŋguk, karban zən aba Maŋgəlva kakaŋ vimə.

Ibriɗe 9:24 ပူးပေါင်းရင်းမြစ်များ

Matiye 18:10

Məzi zukum kədawzeletin səmbet muzliyeɗ nawəŋ ko taka ɓa. Əntatə nah sukum: Maslayɗe net tahəŋ aba Affu na disiŋ ziw ziwi.

Markus 14:58

Məpprəmək anahək na: Wanəɓzlu gəla metiŋ naw zuliya* məs ɗii arkaŋ də veti, pay hoku wanərka maɓɓani məza də vet ɗii ɓa.

Markus 16:19

[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

Luka 24:51

Daga daya adaw gəɗ sit zəzaya, awɗakək dənɗaŋ, apeŋgək a disiŋ.

Yohanna 16:28

Səza Affən nəde, nədek a duniya. Kakaŋ əntatə pan duniya wa nəmndaw aza Affuwa.

Yohanna 6:62

Mbari kan an kulanənək Wətən Ɗəf tay peŋ atəki məs asan far di?

Wəza net Masləŋɗe 3:21

Dewle Zezu wasan a disiŋ tagay, ha payan Maŋgəlva aɗi dəgrak gəni məs akpaŋgan zəga pak meleketeni. Va anah də met məs kleŋɗe en salala laŋka.

Roma 8:33

Naway nawzəm kiyit ɗiiyen Maŋgəlva awel di? Ɗəf tay ɓa, vi Maŋgəlva arbetik na, ɗii təstəssəŋ abani.

2Korintus 5:1

Məsənka, an gəla nam kakaŋkəŋka, va wənah na gəɓa zə ɗəf məs dəlva fuŋ an aɓəslka, gəla nam maɓɓan taya disiŋ. Maŋgəlva sən kiyən dərka. Gəla nan wasan ha faɗə.

Kolosi 3:2

Məɗum aka zəga ana dak pay pakə, məza aka zəga na duniya ɓa.

Ibriɗe 1:3

Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Ibriɗe 6:20

Zezu atoŋguk dabəŋ kiyəm mənam məs nawtoŋ adaka, vi mi atoŋ adaka, akpaŋgək daya net məs dəlveŋge ha faɗə va Malkisadaka asani.

Ibriɗe 8:2

Aɗɗak wəza na məs dələv metiŋgin net məs dəlveŋge, atəki an salala* dəday pak adəv gəla məɗɗan də gabaga nalma* də Maŋgəlva, an də goŋga an məs Ɗəfdaya agəɗə, məza də va ɗəf ɓa.

Ibriɗe 8:5

Wəza net məs dəlveŋge aɗɗaŋ aŋkəŋka, tay va foto va zeŋgille zəga aza zəga ana disiŋ. Vaski də an Moyis agəɗɗa'a, pay adaŋgla wəzaɓ gəla na gabaga nalma*, Maŋgəlva apsəna, say aɗɗa pak də tive nan va nərban suk aka gərma.

Ibriɗe 9:1

Wən minan na Maŋgəlva an dabəŋ tay dədawka aka wənna zuli sən Maŋgəlva. Təki maɓɓan tay salala məs ɗii aɗɗaŋ.

Ibriɗe 9:23

Zəgas pak fotoyi aza zəga na disiŋ, dewle say dəsan gən salala*. Amma zigeɗ na disiŋ wəray tay na sazlaga dayki ana duniya.

Ibriɗe 9:9

Gəla madabəŋ tayərban səm an dəgəɗ kakaŋka. Zəga nan aŋgəl wənah na: Wətaw wəlla zəga sən Maŋgəlva də wəpsən zəga aɓapna kaw zaɓan makra ɗəf məzu zuli dəsan gən təstəs ɓa.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.

Hənhən 8:3

Yaŋ maslay maɓɓan ade ziw gu'o də təki nawtaw wəla zəga sən Maŋgəlva, makasli na meleŋge taya van kãwwa. Məpsəni tursan diiɗa də sapan gən də wəzuli net ɗii na Maŋgəlva dətəlsən gən Maŋgəlva, aka təki məs məɗɗan də meleŋge nawtaw wəla zəga sən Maŋgəlva aba mazaŋga na məlĩ asani.