Ibriɗe 9:12 - Nouveau Testament en Guidar

¹² Krestu atoŋguk adəv gəla an dəday pak də salala* təl taka taka'ə məkki ha faɗə. Dətoŋ dit mbel net məsgileɗ net gilew ɓa, dit wazliɗe megeggeɗe ɓa, amma dit mbel na ki zən atoŋgu. Vaski kan arəh səm wəkoh an məs nasan ha faɗə.

Bible en Guidar

¹² məza də mbel net porsokɗe mãy net kirit wasliɗ ɓa, ya də mbəl na ki zən tusso atoŋ təl taka addəv gəla na matuya viyit ɗiy pakə, arəh səm əkõh an faɗə.

Ibriɗe 9:12 ပူးပေါင်းရင်းမြစ်များ

Markus 3:29

Amma ɗəf dədawpel mbrayen aka Əmpəs Salala* arah na wəviyan mambray nan ɓa ha faɗə, mambray nan wasan ha faɗə.

Luka 1:68

Gakdak aza Maŋgəlva, Ɗəfdaya net Israyelɗe vi apanək zən viyit ɗii nani, akohgitke.

Wəza net Masləŋɗe 20:28

Məga zukum məga ngaɓa məs Əmpəs Salala apəl sukuməŋka. Məsoŋ məzuteɗeŋge net kretiyenɗe na Maŋgəlva, məs arah də əmta na Wətəni.

Efesus 1:7

Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

Kolosi 1:14

Də Wətənni mərəh kimə, də wəviyan mambray namə.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

Titus 2:14

Nan apanək kiyən vimə, vi kamam səka mambray nam pakə, də wəɗɗəm ɗii nan məs akpaŋget salala*, tay də kotorok na wəza mogoni.

Ibriɗe 1:3

Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Ibriɗe 10:19

Milmiŋgiɗwa, vi mbel na Krestu məs dəziyaŋ mərah tive nawtoŋ atəki məs salala diiɗa.

Ibriɗe 10:4

Vi mbel na məgeɗge na wazli də məsgəla na hãw aɓapna wəviyan mambray ɓa.

Ibriɗe 13:12

Vaski bo Zezu amtək ama poho na walaŋ gəla, vi kaskoɓ mambray net ɗii də mbel nani.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Ibriɗe 7:27

Dəgil va məs dəlveŋge meɓɓet ɓa, nan wərayən taya za wəpsən zəga mətaw wəlan pay pak ɓa, vanet adapsənən dabəŋ vi mambray neti, asna wapsənən vi mambray net ɗiiyi. Amma yaŋ nan apsən zeŋgillen ka sazlaga, ndəni sazlaga an taka, təl taka bo məkki ha faɗə.

Ibriɗe 9:13

Mbel net məsgileɗ net gilew dit məsgileɗ net wazliɗe mogeti, dit bəleteɗe məkso mbel net aket ɗii mbrayti, ndəni askoɓe aviyanək mbrayen neti.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

Ibriɗe 9:19

Dabəŋ nani Moyis arbanək dawka pakə, va məverin adəv ɗerewel na ma henziŋ. Yaŋ agim mbel na wazli megeɗge sap git dit iŋkile, yaŋ aksu aka ɗerewel na ma henziŋ dit ɗii pakə də gaslamba na isop gəm dit uliɗ peppreŋɗe.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Ibriɗe 9:7

Amma gədəvən mətawan masula'ən, say daya net məs dəlveŋge dədawtoŋ adak kaaka'ə. Nan bo say təl taka kaaka adəv wəsva taka. Tay toŋ dit mbeli kawɗi sən Maŋgəlva vi ki zəknani gəm vi mambray məs ɗii adaɗɗaŋ məza də wəŋgla net ɓa.

Hənhən 1:5

Səza Zezu Krestu, məs dəgəɗ saydawa də goŋga. Ndəni dabəŋ kiyit ɗii mimtiti, ndəni məlĩ aket məlĩyeŋge naka dələv pakə. Aŋgəlməka, kawgil gəm sədəv mambray nam də əmta nani.

Hənhən 5:9

Yaŋ adawyaŋ gəlya meleketeni: Əstə kəgap nawgəm ɗereweləŋka. Də wəhok tampoŋ nani, vi məbay kuwi də əmta noki kəmet ɗii sən Maŋgəlva sədəv ma əlfa pak sədəv ma pakə, də zemvit ɗii temtem səmba dələv pakə.