Ibriɗe 8:5 - Nouveau Testament en Guidar

⁵ Wəza net məs dəlveŋge aɗɗaŋ aŋkəŋka, tay va foto va zeŋgille zəga aza zəga ana disiŋ. Vaski də an Moyis agəɗɗa'a, pay adaŋgla wəzaɓ gəla na gabaga nalma*, Maŋgəlva apsəna, say aɗɗa pak də tive nan va nərban suk aka gərma.

Bible en Guidar

⁵ Ya əɗi ki Maŋgəlva adawɗiyaŋ na tay va foto, va zeŋgile zəga aza zəga an na disiŋ. Va əpel an Moyis arah səma Maŋgəlva narka gizlirke, aɓsən na: Awla, kəɗɗagən təɗe' va an mərban suk aka mossorgo metiŋ.

Ibriɗe 8:5 ပူးပေါင်းရင်းမြစ်များ

Matiye 2:12

Yaŋ Maŋgəlva anah sit də wisine adaw milyeŋ kəla za Herodə ɓa, amndoŋko aka dələv net dəka tive mbərən.

Wəza net Masləŋɗe 7:44

Dəhŋgiɗəm tahəŋ wəganən gəla na gabaga nalma* sən Maŋgəlva a muya, arbanək na Maŋgəlva tay dənɗaŋ. Amanənək wənnan va arbansən Moyis, va foto arbansəni.

Kolosi 2:17

As pak na, zəga məs dədazan adarban kaaka'ə, amma goŋga na zəga nan van na ndəni aza Krestu.

Ibriɗe 10:1

Ma henziŋ net Yahudiyenɗe tay də zəga an gesiŋ gesiŋ adəvən ɓa, say foto nan kaaka'ə. Tay va zeŋgille zəga an mogon dədazani. Adəv wəsva pakə, tahəŋ wəpsənən zəga mətaw wəlan sən Maŋgəlva. Ya də zəga mətaw wəlan vas məza wətaf net ɓaŋ na, mbarmbari ma henziŋ adawɓap wəkpaŋget məzu tawən zəga nan təstəs aba Maŋgəlva di?

Ibriɗe 11:7

Də wətafi Nuwa apprəm an məs Maŋgəlva anah aka məs dədaɗɗa aka dəlva, ko də dula wənnan ɓa pak zlaŋ atafək wənnani. Apprəmək ma Maŋgəlva, azaɓək bəlay. Adəvəni akoh git ɗii nan pakə. Wətaf nan atawək kita aka dələv pakə. Nuwa atafək Maŋgəlva wənnan lewi ara Maŋgəlva.

Ibriɗe 12:25

Vi wənnani, say məzi zukum kədawɓoŋgoŋ dapprəm ma məzu pel sukum wənnan kakaŋ ɓa. Məzu ɓoŋgoŋ dapprəm ma məzu pel wənna Maŋgəlva aka dəlva, akoh na səma kita ɓa. Ya mbari nam kandi, waməkoh kan an məpprəm ma ɗəf məzu pel daga sə disiŋ ɓaŋ sa?

Ibriɗe 13:10

Məs dəlveŋge məɗɗaŋ wəza adəv gəla na gabaga nalma* net Yahudiyenɗe, arəhaŋ na wəzəm zəga mətaw wəlan atəki nawtaw wəlla zəga nam ɓa.

Ibriɗe 9:9

Gəla madabəŋ tayərban səm an dəgəɗ kakaŋka. Zəga nan aŋgəl wənah na: Wətaw wəlla zəga sən Maŋgəlva də wəpsən zəga aɓapna kaw zaɓan makra ɗəf məzu zuli dəsan gən təstəs ɓa.

Hənhən 15:5

Dərɓaga as pak nulak gəla metiŋ naw zuliya* a disiŋ, də gəla məɗɗan də gabaga nalma* də Maŋgəlva akolko.