Ibriɗe 7:27 - Nouveau Testament en Guidar

²⁷ Dəgil va məs dəlveŋge meɓɓet ɓa, nan wərayən taya za wəpsən zəga mətaw wəlan pay pak ɓa, vanet adapsənən dabəŋ vi mambray neti, asna wapsənən vi mambray net ɗiiyi. Amma yaŋ nan apsən zeŋgillen ka sazlaga, ndəni sazlaga an taka, təl taka bo məkki ha faɗə.

Bible en Guidar

²⁷ Nan tay də wəray va net deyeɗe net məsdəlveŋge meɓɓet nawzaɓ-Maŋgəlva pay pak ammbet mambrayɗe nan tagay asna ammban net ɗiy pak ɓa. Təl taka aɗɗa as ka faɗə də əpsən ki zəni.

Ibriɗe 7:27 ပူးပေါင်းရင်းမြစ်များ

Roma 6:10

Klaza mambray na təl takayi amtə, amma yaŋ kadawsan kan kakaŋ də zeŋgille meleketeni, vi Maŋgəlva.

Efesus 2:22

Də wəsap dəndəni munokum pak kəkpaŋgaŋ kuneŋge narka gəla naso na Əmpəs na Maŋgəlva.

Efesus 5:2

Say kəɗɗanən gən də əŋgla. Muɗumon va Krestu aŋgələmə, apanək ki zən vimə, ka sazlaga mətaw wəlan aba Maŋgəlva dəfok gən nek akani.

Titus 2:14

Nan apanək kiyən vimə, vi kamam səka mambray nam pakə, də wəɗɗəm ɗii nan məs akpaŋget salala*, tay də kotorok na wəza mogoni.

Ibriɗe 5:1

Daya net məs dəlveŋge pak sə waleŋgit ɗii adaw welini, wagəɗ wəza sən Maŋgəlva viyit ɗiiyi, wapsən zəga an məkiyən də zəga mətaw wəlan sən Maŋgəlva, vi kaviyan mbrayen net ɗiiyi.

Ibriɗe 5:3

Vi vaski say dətaw gən wəlla zəga vi kaviyan mambray na ki zən tagay, asna wataw wəlla zəga viyit ɗii pakə.

Ibriɗe 8:4

Va tayaka dələv na, asana məs dələv ɓa, vi məs dəlveŋge tahəŋ wəpsənən zəga sən Maŋgəlva va an ma henziŋ net Yahudiyenɗe anahə.

Ibriɗe 9:12

Krestu atoŋguk adəv gəla an dəday pak də salala* təl taka taka'ə məkki ha faɗə. Dətoŋ dit mbel net məsgileɗ net gilew ɓa, dit wazliɗe megeggeɗe ɓa, amma dit mbel na ki zən atoŋgu. Vaski kan arəh səm wəkoh an məs nasan ha faɗə.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Ibriɗe 9:25

Daya net məs dəlveŋge net Yahudiyenɗe, tay toŋ atəki salala adəv wəsva pak təl taka də mbel na zəga mamaya. Amma Krestu atoŋ na ɗayɗay vi kəpsən zeŋgillen təl ɓəɓɓay ɓa.

Ibriɗe 9:26

Va wagəɗ vasna, daga wətəŋ na dəlva wazəm saha təl diiɗa. Də goŋga nan na adeke arbanək zən dərɓe dərɓe kan təl taka kaaka məki ha faɗə, vi koskoɓ mambray net ɗii səka dəlva də wəpsən zeŋgilleni.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Ibriɗe 9:7

Amma gədəvən mətawan masula'ən, say daya net məs dəlveŋge dədawtoŋ adak kaaka'ə. Nan bo say təl taka kaaka adəv wəsva taka. Tay toŋ dit mbeli kawɗi sən Maŋgəlva vi ki zəknani gəm vi mambray məs ɗii adaɗɗaŋ məza də wəŋgla net ɓa.