Ibriɗe 7:26 - Nouveau Testament en Guidar

²⁶ Zezuwi məs dələv metiŋgini, də sembe nawtər səm wəray nam pakə. Salalayi*, mambray taya zan ko suɗike ɓa, awɗakək dit məɗɗaŋ mambraya, məslani a disiŋ ki disiŋ.

Bible en Guidar

²⁶ Zev Daya net məsdəlveŋge aski dəslə səmə; salala, məza heslepe ɓa, məza haramba ɓa, awɗakək dit məs mambrayɗe, məslani a disiŋ ki disiŋ.

Ibriɗe 7:26 ပူးပေါင်းရင်းမြစ်များ

Matiye 27:18

Vi asənəka ana Zezu ada bayaŋ də kotoroku.

Markus 16:19

[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

Luka 1:35

Maslay apsət na: Əmpəs Salala* wadekoko, sembe na Maŋgəlva an dəday pak wadekok va zeŋgille. Vi vaski wiyən məs kəl dawa, kaw yani na salala* gəm Wətən Maŋgəlva*.

Luka 23:22

Pilatu anah sitik ma hoko'ən: Mbrayen mi agəɗ di? Nərah mbrayen azan gala nawbayən ɓa. Wanərga asna kappani.

Luka 23:41

Nam kam kita nam aslək aza mambray namə, amma nan dəgəɗ mambray ɓa.

Luka 23:47

Adan daya net sozeɗ na Roma awla məs dəgəɗə, agakdakanək Maŋgəlva, amna: Ɗəffəŋ kpak ɗəf təstəssi.

Luka 24:26

Ya say an Messiya* azəmək sahayi kan dətoŋ gən adəv gakdak nan ɓa sa?

Luka 24:46

apsit na: Vaŋki va məverin: Messiya* wazəm saha, wasil səkəti əmta aka pay ma hoko'ən,

Yohanna 14:30

Nəsbana wəpel də munokum diiɗa əmpa ɓa, vi məlĩ na duniya tayə zani. Tay də sembe akaw ko suɗike ɓa.

Yohanna 8:29

Ɗəf məs də slənu tay də ina, appaw na katərgu ɓa, vi pay pak əntatəɗɗa an məs aŋgələ.

Wəza net Masləŋɗe 3:14

Kəppanənək ɗəf məs salala məs təstəssə, yaŋ kəssohonən Pilatu dəppan sukum gən məbay gəbaya.

Wəza net Masləŋɗe 4:27

Vaski bo Herodə də Pontiyu Pilatu dit ɗii məza Yahudiyenɗe həŋ ɓa, dit ɗii na Israyel, ndəɗaŋ pak akkalaŋgək awalaŋ gəla metiŋ aka gawla nok məs təstəssə an məs kəweli dəsan gən Krestu.

2Korintus 5:21

Krestu dəgəɗ mambray ɓa sam. Amma Maŋgəlva aɗiyək mambray nam pak akani, vi mərah gən əsam təstəs aba Maŋgəlva də əsap nam də Krestu.

Ibriɗe 1:3

Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 2:10

Vi vaski Maŋgəlva dəzəməɗ zəga pakə ndən dədawgani, makran aŋgluwək vaska, akpaŋganək Zezu təstəssə də wəppan adəv bonoy, vi dəke gin kirin diiɗa adəv gakdak nani. Vi Zezuwi dədawket atəki nawkoho.

Ibriɗe 2:17

Dewle say dəgil gən va milmiŋgiɗni adəv zəga pakə, vi dəsan gən daya net məs dəlveŋge, an də goŋga də ula saha adəv wəza nan pak aba Maŋgəlva, vi ɗii dərəhaŋ gən wəviyan mambray neti.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 7:11

Maŋgəlva apsitik ma henziŋ sit Israyelɗe, aziw gənək wəza nan avet məs dəlveŋge, va wəza net məs dəlveŋge kirtin Lewi məkki na, wəray tay na məs dələv maɓɓan dəde gən məs dəgil va Malkisadaka ɓa, məza zev Aron ni ɓaɓa.

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

1Piyer 1:19

Amma kərəhənək kikum də mbel na Krestu sən kiyən məs azi də tattuwãha, məs dəsan va time botol məza mbrayen azan ɓa, məza haramba azan ɓa.

1Piyer 2:22

Dəgəɗ ɗaah mambray ɓa. Duwə ɗaah tepelke ɓa.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.

1Yohanna 2:2

Zezu Krestuwi dəmtə vimə vi Maŋgəlva də viyan səmə gən mambray namə, vi mambray nami kaaka ɓa, amma də mambray net ɗii naka dələv pakə.

1Yohanna 3:5

Kəsənənka Zezu Krestu ade a duniya na, vi kaviyan mambray nami, nan mambray taya zan ko taka ɓa.

Hənhən 3:7

Aver aza maslay net kretiyenɗe na Filadelfiya: Ɗəf məs təstəssə də goŋga tay də lakle na Davit avani, an akoluko, ɗəf tay naɓap wəmpan ɓa, an ampanəka ɗəf tay naɓap əkolən ɓa, amna: