Ibriɗe 7:25 - Nouveau Testament en Guidar

²⁵ Vi vaski waɓap wəkoh git ɗii məs akə aza Maŋgəlva kakaŋka də an nawmbat abe ha faɗə, vi tay san madaran ha faɗə wakaman Maŋgəlva viti.

Bible en Guidar

²⁵ Vi vaski waɓap əkõhgit ɗiy məs dəzaraŋ dəndən aza Maŋgəlva ha faɗə, adan madarani hã faɗə nakkam ammbeti.

Ibriɗe 7:25 ပူးပေါင်းရင်းမြစ်များ

Yohanna 14:13

Ko mi kəssohoŋ də iya nawa, wanəɗa, vi Wətən dərban gən gakdak na Affən.

Yohanna 14:16

Wanəkaman Affu waslən sukum məzəbaah temme, ndəni Əmpəs Salala, vi wasan də munokum ha faɗə.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Roma 5:10

Məzu seɓeŋ na Maŋgəlva mənan lakəŋka, amma yaŋ wənam asler dəndən, də əmta na Wətəni. Ya adan kakaŋ məslerik dəndən, Krestu wakoh gəm səma kita na Maŋgəlva.

Roma 5:2

Ɗə wətaf Zezu Krestuwi, mərah wəzar gu'o aza mbəlembəle na Maŋgəlva, ndəni an məsam aban kakaŋ gesi. Ndən dəda neken səm zəmə, mərmak wənnan amakram naw rəh gakdak na Maŋgəlva.

Roma 8:34

Ɗəf tay naw ɓap uwiliyit ɓa. Vi Krestu amtək viti. An dəday ki askəmpa na, asilik səkəti əmta, tay tuŋgo akava dəzəŋ na Maŋgəlva, tay kaman Maŋgəlva vimə.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

Efesus 2:18

Vi wənna Krestuwi mənam pakə, Yahudiyenɗe dit ɗii məs dəsənən Maŋgəlva ɓa, mərah wətoŋ aba Maŋgəlva də wəbaah na əmpəs taka.

Efesus 3:12

Mətafək Ɗəfdayaŋka, vini mərah wəsok zəmə də wəsənən ka məziw gən aba Maŋgəlva.

Efesus 3:20

Maŋgəlva waɓap wəɗɗa an məs dədayki wəzuli namə, də an dədayki wəɗum namə, vi tayəɗɗa wəza də mənam də sembe nan metiŋgini.

Filipi 3:21

Ndəni dəda kpaŋgan gəɓa zəm məs mədakən na dəlva fuŋgəŋka, dəsan gən va gəɓa zəni də gakdak nani, sembe nani dəɗɗa zəga pak dəpprəm gən mani.

1Timote 2:5

Vi Maŋgəlva takayi, ɗəf maɓɓan tayaka walaŋgəm də Maŋgəlva, ɗəf takayi, ndəni Zezu Krestu.

2Timote 1:12

Vini nədawssaa bonoyəŋka. Amma bonoy nan geslne duna sən ɓa, vi nəsənək an məs nətafə gesiŋgi də sembeyi nawga məs avayə, ha gap pay na kita adazani.

Ibriɗe 11:6

An də wətafi ɓana wənna ɗəf asana lew ara Maŋgəlva ɓa. Ko naway dəŋgəl wəzzan aza Maŋgəlva, say dətaf na Maŋgəlva tay, tay faɗ sit ɗii məzu kayanəni.

Ibriɗe 13:15

Məpsən səm zəga sən Maŋgəlva məza wəppan gabban ɓa, ndəni wəgakdakani, tay va zəga mətaw wəlan də Zezu va wənah na məgakdakan səm iya nan ɗayɗay də mamə.

Ibriɗe 2:18

Kakaŋ na waɓap wəbaah sit ɗii məs nadəv wəraka, vi nan bo mərakani azəmək saha.

Ibriɗe 2:9

Amma mulak va Maŋgəlva agəsan Zezu amba tilit maslayɗe pay suɗike, vi Zezu amtək viyit ɗii pakə, dəndən ni kan merah mbəlembəle na Maŋgəlva, kakaŋ na Zezu arahək gakdak də wəɗi kini, vi bonoy məs assə də əmta nani.

Ibriɗe 5:7

Daga Zezu adawsan aka dəlva, azulik də wəkkaman Maŋgəlva də wəhəm dit sini, vi Maŋgəlva waɓap wəkoh gən səma əmta. Maŋgəlva bo apprəmək wəkkam nani vi tay ɓəsən də gakdakan zən ɓa.

Ibriɗe 7:16

Nan dərəh məs dələv nan də ma henziŋ net ɗii ɓa, amma arəhək məs dələv nan də sembe də zeŋgille naswa ha faɗə.

Ibriɗe 7:19

Vi ma henziŋ na Moyis aɓapna kaɗɗa ɗəf təstəs ɓa, amma an məs mədaw ga adek kana, ndəni dədaw kəm gu'o də Maŋgəlva.

Ibriɗe 7:24

Amma na Zezu, nan tay san madaran ha faɗə, wəza na məs dələv nan agrak na ɓa.

Ibriɗe 7:8

Adəv wəza net məs dəlveŋge, məzutafaŋ klaw na zəga amtaŋka, amma adəv wəza na Malkisadaka atafək klaw zəga, amtə na ɓa, va ɗerewel anahə.

Ibriɗe 9:24

Vi Krestu dətoŋ atəki salala məs məɗɗan də vet ɗii ɓa, va wənəh na foto ɗar mekeleŋ. Amma atoŋguk a disiŋ, aziwik aba Maŋgəlva kakaŋ vimə.

Zuda 1:24

Maŋgəlva waɓap wəgukum səza zəga pakə, kəzaŋ na ki tive ɓa, wagəm mambray nokum pakə, wakpaŋgokum salala, wakəzoŋ wizu aban adəv gakdak nan də wanekən zukum diiɗa.