Ibriɗe 6:9 - Nouveau Testament en Guidar

⁹ Amma ko an mənam tatə pel vas zlaŋ, bayneŋgiɗu kənanaŋ, məsənək wən nokum lewlewi, kəsənənək tive nawkoh mogoni.

Bible en Guidar

⁹ Ya nokum na bayneŋgiɗu na makrawa, məsənək gesiŋ də mədawpel vas pak na, aka tive moggon kənanaŋgə, an nawkõhõ.

Ibriɗe 6:9 ပူးပေါင်းရင်းမြစ်များ

Markus 16:16

Ɗəf məs dətafa, məɗɗa sən baptem wakohu. Ɗəf məs dətaf ɓa kita na Maŋgəlva waslba.

Wəza net Masləŋɗe 11:18

Adan apprəmən wənnani, aɓətaŋka agakdakanənək Maŋgəlva, aɓɗaŋ na: Mbaraka Maŋgəlva apsitik tive sit ɗii məza Yahudiyenɗe həŋ ɓa də tubiyaŋ gəni dərəhaŋ gən wəkoho!

Wəza net Masləŋɗe 20:21

Nəpel sitik Yahudiyenɗe dit ɗii məs Yahudiyenɗeŋ ɓa pak də sembe, say dəppanən gən mambray neti, dəkpaŋgaŋ gən aza Maŋgəlva dətafən gən Ɗəfdaya nam Zezu.

1Korintus 10:14

Vini kana, bayneŋgiɗwa, məzar səzet məzuliyaŋ sənən tuya.

2Korintus 12:19

Kuzuŋ munokum tatə nahaŋ vas daga far soko, ndəni mədaŋgla əskoɓ kiyəm abokum. Wən nan tay vas ɓa sam! Mənam tatə pel aba Maŋgəlva va ɗii na Krestu. Milmiŋgiɗəm na makramə, mədawpel vas pak na, vi kawɓay gukum adəv ətaf nokum.

2Korintus 7:1

Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

2Korintus 7:10

Vi əssahan zukumi Maŋgəlva adaɗɗa wəza dəndən, dən dəda kpaŋ ətubiya, ətubi bo dədawki əkoho. Əssahan zukum vaskəŋka, kawɗiyi marava viyin ɓa. Əssahan zukum klaza wənna duniya, nan waka ɗəf adəv əmta.

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

Ibriɗe 10:34

Makrokum assokumək vi məke ɗii meɓɓet a daŋgay. Yaŋ meheleŋɗe ahalən arya nokum, də as pak kəɓəsənək wənani, vi kəsənənək na apəl sukumək zəga an mogoni day pakə an məs kədawgaŋ.

Ibriɗe 10:39

Nam na, ɗii naw milyaŋ dirɓe mənan ɓa, amma mənam tatə sam adəv wətaf nam pay pakə, waməkohu.

Ibriɗe 2:3

Mbar mbar mədawkoh kan an məsganək wəkoh metiŋginiŋ di? Ɗəfdaya sən kiyən arbanək wəkoh van dabəŋ, ɗii məs dəpprəməni, arbanenək wənani aziw gininke.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Ibriɗe 6:10

Maŋgəlva məs də goŋgayi, asgət na ki wəza nokum ɓa, walla wənna əŋgla nokum məs kərbaŋ sənən də wəbaah sit ɗii məs dətafaŋ, milmiŋgiɗ kuməŋ, munokum tatəbaahaŋsit kakaŋka'a.

1Piyer 2:11

Bayneŋgiɗu na makrawa, melekeɗ kənanaŋ aka dəlvəŋka. Vi ni nəda komokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kaw zan zeŋgillekum.

2Piyer 3:1

Bayneŋgiɗwa, aŋki ɗerewel an nəver sukum ma sula'ən, adivit ɗerewelɗe net sula git pak na, nəŋgəl kaɗumon sukum, kaw sil gən maɗulokum mogoni, ɗe əɗumon sukum aka zəga məs kəyaganəni.

1Yohanna 2:7

Bayneŋgiɗwa, dawka meleketen nədawver sukum ɓa, amma dawka məsvan məs kəpprəmaŋ daga məpel sukum Wən Nenek dabəŋgəŋki. Dawka məsvanəŋka ndəni əpel an məs kəpprəmaŋ səkayəŋka.

Zuda 1:3

Bayneŋgiɗwa, nəgayək də wənna əver sukum ɗerewel aka wənna əkoh məs məsap akani, amma nulaka nəsokuk zu əver sukum kakaŋka, vi kasɓokum adəv əgay məs mədawgay vi ətaf məs Maŋgəlva apsəm təl taka məkki viyit ɗii nan pakə.