Ibriɗe 6:6 - Nouveau Testament en Guidar

⁶ Yaŋ amilyoŋ dərɓe, agəɗ na ɓa, azoŋ na wətubiyaŋ ɓa. An ɗəf amilik dirɓe, tay va ɗəf adakpa' Wətən Maŋgəlva* aka wəlaŋga məzliwrihe əmpa aɗi sənək vamvi ama heret ɗii pakə.

Bible en Guidar

⁶ də as pak yaŋ azbəraŋgə, wasan sit tuwãh ka namsakaŋ əɗi marava. Vi ndəɗaŋ sən kiyit tay əmsak əkkpa'ən Wətən Maŋgəlva aka məzliwrihe, əkkpaŋganən zəga ɗar ama heret ɗiyi.

Ibriɗe 6:6 ပူးပေါင်းရင်းမြစ်များ

Matiye 19:26

Zezu asəŋletike, amna: Azet ɗiiyi wərəh nan tuwãyi, amma aza Maŋgəlva wərəh nan tay tuwãh ɓa.

Luka 11:48

Vaski bo, saydawa nokum tayərban zən na kə slereŋgək də wəza net dəhiŋgiɗkum abeyinək məs kleŋɗe, munokum tatərkanən magamas neti.

2Timote 2:25

Say dərban gən zəga də kuket sit ɗii məzu peleŋ mbrayen akani. Kuzuŋ Maŋgəlva wabaah siti dətubiyaŋ gəni dəpprəmən gən gabba goŋga.

Ibriɗe 10:26

Məsənək goŋga kakaŋka. An mənam tatəsban wəɗɗa mambray də əsən nan amakramə, asna sazlaga maɓɓan tay nawɓap wəviyan mambray nam əmpa ɓa.

Ibriɗe 10:29

Yas dərəŋ kan an ɗəf azelenək Wətən Maŋgəlva*, an awlak mbel na wən minan məs dəskoɓən va zəga ɗar mekeleŋ na, an aranək Əmpəs na mbəlembəle gesiŋ na, nan wara kita məs dəday pak də tattuwãha.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Ibriɗe 6:4

Mbarmbaryi ɗii məs də mulyoŋ dirɓe adazoŋ wətubiyaŋ əmpa di? Asuwaŋgək ɗaah atəki babar na Maŋgəlva, ananənək zəga məs sə disiŋ, atafənək haran net səva Əmpəs Salala*.

2Piyer 2:21

Ɗəɗaah va dəsənən tive an təstəs ɓa, ki asənənka, ya dəsbanən ɓa, apanənək ma henziŋ nan məs apsiti.

1Yohanna 5:16

An ɗəf awlak məlmən tayəɗɗa mambraya, amma nawkan atəki əmtay ɓa, say dəkam gən vini. Maŋgəlva bo wapsən zeŋgille, vasna ɗii meɓɓet mambray net nawket atəki əmtay ɓa, mambray maɓɓan tay nawka ɗəf atəki əmta, vini nənah sukum na məkamə ɓa.