Ibriɗe 6:4 - Nouveau Testament en Guidar

⁴ Mbarmbaryi ɗii məs də mulyoŋ dirɓe adazoŋ wətubiyaŋ əmpa di? Asuwaŋgək ɗaah atəki babar na Maŋgəlva, ananənək zəga məs sə disiŋ, atafənək haran net səva Əmpəs Salala*.

Bible en Guidar

⁴ Vi tuwahĩ azet ɗiy dərahaŋ ɗah əkeɗeɗe'e, dənanən əvəl na disiŋ gəm dərahaŋ Zeŋgile Salala,

Ibriɗe 6:4 ပူးပေါင်းရင်းမြစ်များ

Matiye 12:45

Asna wambatə, waki tuyeŋɗe meɓɓet buhul, mbreyit dayki an madabəŋ, wasoŋ adəv gəla nani. Wəsuwa na ɗəf nan wasan tuwãh dayki an dabəŋ. Vaski alsan sit ɗiiyen mambrayɗe dəpaŋka.

Matiye 5:13

Va bəttu adawtər wəray aza zəga nawzəma, vaski kədawtəraŋ wəray aza duniya. Amma an bəttu azanək lellem nani, mbari lellem nan adawsan əmpa di? Bəttu nan atər na wəray ɓa, say wəfukkun ɗii də ndapanən gəni.

Yohanna 15:6

Ɗəf məs dəsler də'in ɓa kasgani appaka va ki van məbələn, waŋkələ. Kivan an məkleketiŋ atəraŋ na wəray ɓa, kawlotti kawndol ti aka offo, wazlaŋ.

Yohanna 3:27

Zaŋ azlanəka: Ɗəf tay nawrəh ko mi ɓa say an Maŋgəlva dəpsəni.

Yohanna 4:10

Zezu apsit na: Va kəsənək wəvəl na Maŋgəlva, wakəvayə, va kəsənək naway dəssoh iŋkile naw saa vok di na, wakəssohoni, dəpsuk gən iŋkile an napsuk zeŋgille.

Yohanna 6:32

Zezu azlansitike: Gesiŋ nədawnah sukum: Moyis dəpsukum way məs dəde sə disiŋ ɓa, amma Affu dəpsukum way məs dəde sə disiŋ.

Wəza net Masləŋɗe 10:45

Yahudiyenɗe məs dətafaŋ dəzoŋ də Piyer agətaŋka, aɓɗaŋ na: Mbaraka na ko ɗii məs Yahudiyenɗe həŋ ɓa bo Maŋgəlva apsitik Əmpəs Salala vanamə'a.

Wəza net Masləŋɗe 11:17

Gesiŋ Maŋgəlva apsitik Əmpəs Salala va apsəmə, pay mətaf Ɗəfdaya nam Zezu Krestu. Ya askaana naw wanəɓap wətak Maŋgəlva kan sa?

Wəza net Masləŋɗe 15:8

Maŋgəlva məs dəsən makret ɗii pakə. Arbanək na atafək wəpsit Əmpəs Salala sit ɗii məza Yahudiyenɗeŋ ɓa, va apsəmə.

Wəza net Masləŋɗe 8:20

Amma Piyer azlansənək na: Maŋgəlva dəzet deleɗ nok də zəknok pakə.

Roma 1:11

Mawaka ulukum sawɓa, vi kawɗakan zəga məs əmpəs na Maŋgəlva avay suwa. Vaski nəŋgəl wəsɓokum.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

2Korintus 4:6

Daga far laŋka, Maŋgəlva anahək na: Say təki babar dəkasak ara guzliyo. Maŋgəlva vani, ndəni dəppan təki babar nan əkasak amakramə. Vi məsən gən gakdak na Maŋgəlva məs darban təki babar aka Krestu.

Galatiyen 3:2

Nəŋgəl na kəzlanən gən wəsoh takas ɗa: Vi kəɗɗanən wəza na ma henziŋgi kərəhən Əmpəs na Maŋgəlva sa, walla vi kəpprəməni gəm kətafənən Wən Nenek na Krestu sa?

Galatiyen 3:5

Daga Maŋgəlva apsukum Əmpəs də wəɗɗa sokene awaloŋkum, aɗɗa na də wəsban wəza na ma henziŋ sa, walla də wən an kəpprəmaŋ gəm Wən Nenek an na Krestu məs kətafaŋgə?

Efesus 1:18

Maŋgəlva dəkol sukum maɗulokum də təki babar nani, vi kəsənən gən wəgrak na tive an məs muyukum akan ka kəgapaŋ gən adaka, vi kəsənən gən gakdak na arya nan məs nagət akani an azaɓan sit ɗii nani.

Efesus 2:8

Vi də mbəlembəleyi kaaka kədaw kohoŋ, də wətafa, nan bo də wəza nokumi ɓa, wəvəl na Maŋgəlvayi.

Efesus 3:7

Maŋgəlva avay suwək mbəlembəle, yaŋ nəkpaŋ məgəɗ wəza nani, nawpel Wən Nenek nani, vaski arban sembe nan azawa.

Efesus 4:7

Ko naway pak arahək mbəlembəle də əvəl na Krestu galan nani.

1Timote 4:14

Kədawzla ki an Əmpəs na Maŋgəlva apsuk daga məpel wənnet məs kleŋɗe akok dit kretiyenɗe ayukun aka wəza, də ɗii gugiriɗ net kretiyenɗe aɗiyən vet akokəŋka, kədapan wənnan ɓa.

2Timote 2:25

Say dərban gən zəga də kuket sit ɗii məzu peleŋ mbrayen akani. Kuzuŋ Maŋgəlva wabaah siti dətubiyaŋ gəni dəpprəmən gən gabba goŋga.

2Timote 4:14

Mənzla Aleksandər agəɗ suwək zəga nasan zuwa, Ɗəfdaya wataw kita akan va aza wəza mambray məs agəɗə.

Ibriɗe 10:32

Məɗumon va kəsoŋ laŋka pay nokum dəpaska, dərɓagan kan Maŋgəlva akasakkum də təki babar nani, kəsaŋgək bonoy diiɗa, amma dəday kikum sembe ɓa.

Ibriɗe 2:4

Maŋgəlva bo asɓanək saydawa net də wərban səm sembe nan də sokeneɗ temtemi. Yas kəmpa apsit Əmpəs Salala* sit ɗii nan va an aŋgələ. Wətən Maŋgəlva* akəmək aza wəkoho.

1Yohanna 5:16

An ɗəf awlak məlmən tayəɗɗa mambraya, amma nawkan atəki əmtay ɓa, say dəkam gən vini. Maŋgəlva bo wapsən zeŋgille, vasna ɗii meɓɓet mambray net nawket atəki əmtay ɓa, mambray maɓɓan tay nawka ɗəf atəki əmta, vini nənah sukum na məkamə ɓa.