Ibriɗe 6:2 - Nouveau Testament en Guidar

² Wərban wənna baptem temtemi, də wəɗi va ɗəf aka ɗəffa, də usilyo sətəki əmta də kita an ha faɗə.

Bible en Guidar

² əyak aket baptemɗe, wəɗi va ɗəf aka ɗəfa, wəsilye net ɗiy mimtiti gəm ətawwən an faɗə.

Ibriɗe 6:2 ပူးပေါင်းရင်းမြစ်များ

Matiye 28:19

Vi vaski məduwaŋ, azet ɗii pak məkpaŋget dəsoŋ gən gewleɗ nawa məɗɗe sit baptem də iya na Affən də iya na Wətən də iya na Əmpəs Salala.

Matiye 3:14

Zaŋ dəŋgəm ɓa, apsən na: Naw nəŋgəl dərəŋ na, kəgəɗ suwə gən baptem yaŋ is əmpa pay azawa?

Markus 16:16

Ɗəf məs dətafa, məɗɗa sən baptem wakohu. Ɗəf məs dətaf ɓa kita na Maŋgəlva waslba.

Markus 7:4

An azoŋguk sə lumo, azəmaŋ na way tagay ɓa say an aslayaŋgək tagay. Matuya tay temtem diiɗa məs atafaŋ nasbani: Wəɗet hilŋgiɗ dit gəɓet mesteɓeɗi, dit taseɗ na təbəs peppreŋge, gəm ɓərzlimeɗi.

Markus 7:8

Zezu apsit na: Yaŋ kəpanən ma henziŋ na Maŋgəlva, vi kasban ma henziŋ net ɗiiyi.

Luka 11:38

Adan Farisiyen nak awla Zezu dawzəm məzawɗa van ɓa, agətka.

Luka 12:50

Baptem an nədawrəha, nəzəmək saha vi wənnan dəgrak gəni.

Luka 14:14

Akənneken zuko vi aɓapəna wəfaɗ suk agəlan ɓa. Maŋgəlva wafaɗ suk agəlan pay wəsilyo net ɗii təstəssə.

Luka 3:16

Yaŋ Zaŋ anah sit enet pak na: Naw əntatə gəɗ sukum baptem dit iŋkile, amma ɗəf məs dəday kiyu də sembe wade. Ko nawpel slapat net hensek nani nəgap ɓa. Wagəɗ sukum baptem də Əmpəs Salala gəm də offo na kita.

Yohanna 1:33

Pay nani nəsən ɓa, amma Maŋgəlva məs də slənu wəɗɗa baptem ndəni dənah suwa, apsu na: Akula Əmpəs daw pirke, wasan aka ɗəffa, ndəni naɗɗa baptem də Əmpəs Salala*.

Yohanna 5:29

Məɗɗaŋ wəza mogon wasilyoŋ vi kawrəh zeŋgille məs nawsan ha faɗə. Amma məɗɗaŋ mambray wasilyoŋ vi kita.

Wəza net Masləŋɗe 10:47

Ɗii yeŋki, arəhaŋgək Əmpəs Salala vanam mərahə. Ya naway naw tekit dawrəh baptem di?

Wəza net Masləŋɗe 13:3

Asee'eŋgək meme, azuliyaŋka, aɗiyənək vet aketi, asliŋninik aka wəza na Maŋgəlva.

Wəza net Masləŋɗe 16:15

Ndət dit ɗii neŋgil anatda pak arəhaŋgək baptem. Yaŋ tənah səm na: An kuluwənək va ɗak məs tətaf Ɗəfdaya gesiŋ na, məde məsoŋ anawda. Təgəɗ səmək dewle məsam gən anatda.

Wəza net Masləŋɗe 16:33

Dəpaska, məgə daŋgay agil gitike, askoɓuk huweɗ neti. Yaskan arah baptem dit ɗii naŋgil ananda pakə.

Wəza net Masləŋɗe 17:18

Ɗii məzərbaŋ zəga sit ɗii məs adawyaŋ na Epikuriyenɗe dit Sitoykoyenɗe bo, abayaŋgək ma dəndən. Ɗii meɓɓet aɓɗaŋ na: Mi məs wənnəŋ adaŋgla wənah di? Ɗii meɓɓet aɓɗaŋ na: Kuzuŋ matuya maɓɓan adaŋgla wərban soko. Adawnahaŋ vas na vi Pol adawnah wənna Zezu də wənna əsilyo net ɗii mimtiti.

Wəza net Masləŋɗe 2:38

Piyer azlansitike: Mətubiyə, məppan mambray nokum, mətaf baptem də iya na Zezu Krestu. Asna Maŋgəlva waviyan mambray nokum, wapsukum Əmpəs nan an Salala.

Wəza net Masləŋɗe 2:41

Ɗii diiɗa atafənək wəpel nani, atafənək baptem, ɗii uzine hoku dətafaŋ baptem dəpaska.

Wəza net Masləŋɗe 23:6

Adan Pol asinik ɗii meɓɓet səmbet na Sadusiyenɗeŋ, Farisiyenɗeŋ, apel sitik ɗii gugiriɗ net də sembe: Milmiŋgiɗwa, naw bo Farisiyen nani, wətən Farisiyenni, məwəliyu aŋ na, vi nədawnah na ɗii mimtit wasilyoŋ sətəki əmta də zəŋgilleti.

Wəza net Masləŋɗe 24:15

Naw bo nətafək gesiŋ Maŋgəlva wasil git ɗii mogeti dit ɗii mbreyit pak sətəki əmta, va net bo atafən wənnani.

Wəza net Masləŋɗe 24:21

Vi wən takayi məs nənah daga məku abeti, nənahək na: Kətawən kita akaw na vi nətaf wənna wəsilyo sətəki əmta sa?

Wəza net Masləŋɗe 24:25

Amma adan Pol atəŋ wəpel aka wəɗɗa mogoni də wərma zuk səza mambraya, də wənna kita pay wəgrak dəlva, geslne adak Felikus, amna: Kakaŋ na məkki kana. An nərahək va na wanəyuk əmpa.

Wəza net Masləŋɗe 26:8

Munokum Yahudiyenɗe, vi mi kawtafən na Maŋgəlva wasil git ɗii mimtiti ɓa di?

Wəza net Masləŋɗe 4:2

Gədivit adəka, vi arbanənək sit ɗii na Maŋgəlva asil gənək Zezu sətəki əmta, vini ɗii mimtit pak wasilyoŋ də zeŋgilleti.

Wəza net Masləŋɗe 6:6

Ɗii na Maŋgəlva akeninik azet masləŋɗe. Masləŋɗe azuliyaŋka, aɗiyənək vet aket ɗii məwelit neki, aɗininik aka wəza neti.

Roma 2:16

Payan nawtaw kita adazani, Maŋgəlva də Zezu Krestu watawən kita aka wəɗum məs dəɗam amekret ɗiiyi, warban zəni, va Labara Nenek məs nədarban wənnan anahə.

1Korintus 10:2

Ndəɗaŋ pak arəhaŋgək baptem adəv slay buna də aməlpa va ɗii na Moyis.

1Korintus 12:13

Mənam pakə, Yahudiyenɗe dit ɗii məs Yahudiyenɗeŋ ɓa, balemɗe dit ɗii məs balemɗeŋ ɓa pakə, mərahək baptem də əmpəs məs taka naka, ka vi məsap gən adəv gəɓa zə ɗəf taka, mənam pak məkpaŋgək ɗii məsaaŋ əmpəs taka bo.

2Korintus 5:10

Dewle mənam pak amərban zəm aba mazaŋga na kita na Krestu. Pay nan dəpaska ko naway warah riba va aza wəza məs agəɗ a duniya, ko wəza mogon agəɗə, ko mbrayen agəɗə.

Filipi 3:21

Ndəni dəda kpaŋgan gəɓa zəm məs mədakən na dəlva fuŋgəŋka, dəsan gən va gəɓa zəni də gakdak nani, sembe nani dəɗɗa zəga pak dəpprəm gən mani.

Kolosi 2:12

Adan kərəhaŋgək baptem, kəkpaŋgaŋgək va məndəkkum də Krestu. Dəndəni kədawsilyoŋ sətəki əmta də zeŋgille meleketeni, vi kətafən sembe na Maŋgəlva məs asil gən Krestu sətəki əmta.

2Timote 2:18

Net apanənək goŋga, yaŋ kadawray gənən wətaf net ɗii meɓɓeti, də wənah sit na wəsilyo sətəki əmta agəɗək səkay.

Ibriɗe 11:35

Gil atafənək Maŋgəlva, vini arihinik ɗii net mimtiti, dawsilyoŋ sətəki əmta asoŋguk maderet əmpa. Ɗii meɓɓet adəv wəzəm saha amtaŋ, dəŋgəmaŋ əman kiyit ɓa, vi dərəhaŋ gən wəsilyo sətəki əmta an mogon day pakə.

Ibriɗe 9:10

Say wənna zəga nawzəma də zəga naw saa, də wəzaɓan dəsan gən salala də tive temtemi. Aspak zəga nappakayi, atərək wəray ha gap pay məs Maŋgəlva akpaŋgan zəga pakə.

2Piyer 3:7

Amma disiŋ də dəlva fuŋ an kakaŋkiŋki, də wəpel na Maŋgəlva vani asuwaŋ tagay vi kagrekit də offo. Məzeɓeti ha pay nawtaw kita aket ɗii mbreyit də wəzeti.