Ibriɗe 6:18 - Nouveau Testament en Guidar

¹⁸ Zəga tay sula apəl naɓa, ndəni wən minani də wəsuwaya, Maŋgəlva awəna wən dənɗaŋ ɓa. Ndəni dədasɓamə, mərma gən wən an nawga an məs apsəmə.

Bible en Guidar

¹⁸ Zəgeɗ tahəŋ sula məza awpəlaŋ ɓa, ndəɗaŋgə iynama gəm əswaya, Maŋgəlva awəna wən dənɗaŋ ɓa, tay əsɓamən diyɗa mənam məs məppan zəga pak vi karma əga an məs anah napsəmə.

Ibriɗe 6:18 ပူးပေါင်းရင်းမြစ်များ

Matiye 24:35

Disiŋ də dəlva fuŋ pak wagrakaŋ, amma wəpel naw agrak na ɓa.

Matiye 3:7

Adan Zaŋ awle Farisiyenɗe* dit Sadusiyenɗe ada zoŋ azani vi kawrəh baptemi, apsit na: Kirtit barwayɗe nawa dənah sukum na wakukohoŋ səma wəda gədəv na Maŋgəlva an dədazan di?

Luka 2:25

Ɗəf maɓɓan taya daka, iya nan na Simeyoŋ, ɗəf təstəssi, tay ɓesən Maŋgəlva, tay ga ɗəffan nawkoh git ɗii na Israyel. Əmpəs Salala tay dəni,

Roma 15:5

Maŋgəlva məs dədapsən sembe naw ɓəsən də wəziw gən makra, kəsoŋ gən nek awalaŋ zukum də maɗula taka də wəgəm təl Krestu.

Roma 3:25

Maŋgəlva aɗiyək aban ka ɗəf nawsleren dit ɗii na duniya pakə. Mbel nan məs dənzuwaŋ aka wəlaŋga məzliwrihe ndəɗaŋgəŋ dəda kpaŋgetin ɗii məs dətafaŋ təstəs aba Maŋgəlva. Daga far laŋka Maŋgəlva aɓəsəka dətaw kita aka mambray net ɓa. Amma kakaŋ na, tay əviyan sit mambray neti. Vaski kan arban təstəs nani. Gesiŋ də payan nam kakaŋki aŋgəl wərban vaska. Maŋgəlva təstəssi, tay ɗi ɗii məs dətafən Zezu pak ka ɗii təstəssə.

Roma 3:4

Atak na ɓa sam! Maŋgəlva warban na də goŋgay, ko an ɗii pak akpaŋgaŋgək məwaŋ tepelke. Va ɗerewel anah na: Say ɗii dəsənən gən təstəs noko, də wəpel noko, wakədayki ɗəf məs dədaw yuk aka kita.

Roma 5:5

An məs mərəm amakraməŋ arbəsəm na wil ɓa. Vi Maŋgəlva arban səmək əŋgla nani, apsəmək Əmpəs nani.

Filipi 2:1

An ɗəf asɓokumək də iya na Krestu, an apel sukumək də əŋgla wakətafən sa? Munokum tatə gakdakanən wəsap məs Əmpəs na Maŋgəlva asapaməŋ sa? Munokum tatəŋgluwən zukum sa? Munokum tatulaŋ saha aka zukum sa?

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

Kolosi 1:5

Pay sən labara na Wən Nenek agap anokumda, dabəŋ mərban sukum wənna wəga zəga nani. Ndəni bo wətaf nokum də wəŋgla nokum pak kəɗiyənək aka zəga məs kədawgaŋ, məs Maŋgəlva azaɓan sukum a disiŋ.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

1Timote 1:1

Letərəŋka, əntə nəvere in Pol masləŋ na Zezu Krestu də Wəŋgla Maŋgəlva, məzukoh gəmə, gəm Zezu Krestu məs dəsan zəga nawga namə.

1Timote 6:12

Say agay vi wətaf an mogoni, vi kərah gən zeŋgille nasuwa ha faɗə. Maŋgəlva ayukuk aka zeŋgille van pay məs kəɗɗa saydawa na taf nok mogon karet ɗii pak məs dəɗɗaŋ saydawa noko.

2Timote 2:13

An mənam tatadəv goŋga ɓa, nan wasan adəv goŋga pay pakə. Vi aɓapna kaɗɗa mbrayen aka zən ɓa.

Titus 1:2

Vi dəsaŋ gən də wəɗum na, zeŋgille nasuwa ha faɗə, an məs Maŋgəlva məza awa tepelke ɓa aɗiyə, daga məɓəlli wəɗɗa zigeɗ tagay ɓa.

Ibriɗe 11:7

Də wətafi Nuwa apprəm an məs Maŋgəlva anah aka məs dədaɗɗa aka dəlva, ko də dula wənnan ɓa pak zlaŋ atafək wənnani. Apprəmək ma Maŋgəlva, azaɓək bəlay. Adəvəni akoh git ɗii nan pakə. Wətaf nan atawək kita aka dələv pakə. Nuwa atafək Maŋgəlva wənnan lewi ara Maŋgəlva.

Ibriɗe 3:11

Vi wəda gədəv nawi nəsuway na: Arəhaŋ na wətoŋ atəki naffet naw ɓa.

Ibriɗe 3:6

Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Ibriɗe 6:17

Maŋgəlva aŋgələk wərban kotak sit ɗii məs dədawrəhaŋ zəga məs aynan wənnani. Ndəni asɓan wənnan də wəsuwaya, wən məs aynəŋ apəl na ɓa.

Ibriɗe 7:19

Vi ma henziŋ na Moyis aɓapna kaɗɗa ɗəf təstəs ɓa, amma an məs mədaw ga adek kana, ndəni dədaw kəm gu'o də Maŋgəlva.

Ibriɗe 7:21

Amma Maŋgəlva aɗiyək Zezu aka wəza na məsdələv nan də wəsuwaya, yaŋ Maŋgəlva amna: Ɗəfdaya asuwayka, akpaŋgana wəɗum nan ɓa. Wakəsok məs dələv naw ha faɗə.

1Yohanna 1:10

An mənahək na mənam tat də mambray ɓa, asna məɗiyək Maŋgəlva ka məs tepelke əpel nan bo atər na wəray azam ɓa.

1Yohanna 5:10

Ko naway dətaf Wətən Maŋgəlva*, nan tay də saydawa van amkrani. Amma ɗəf məs dətaf Maŋgəlva ɓa, nan akpaŋganək Maŋgəlva məs tepelke, vi dətaf saydawa an məs Maŋgəlva adaɗɗa aka Wətən ɓa.