Ibriɗe 6:17 - Nouveau Testament en Guidar

¹⁷ Maŋgəlva aŋgələk wərban kotak sit ɗii məs dədawrəhaŋ zəga məs aynan wənnani. Ndəni asɓan wənnan də wəsuwaya, wən məs aynəŋ apəl na ɓa.

Bible en Guidar

¹⁷ Maŋgəlva aŋgələk ərban gegesiŋ na iynama nan məs awpəl sit məzəmaŋgəla, ndəni atoŋgən əswaya.

Ibriɗe 6:17 ပူးပေါင်းရင်းမြစ်များ

Yohanna 10:10

Məhala nan wəzzan na say kawhala, kawbay zəga kawray gəni. Naw nəde na vi ɗii dərəhaŋ gən zeŋgille məs nawrəh zit dəndən.

Roma 11:29

An Maŋgəlva aɗɗak zəzay sit ɗii ko ɗii zemvit awet di pak məs aweli, aɗi marava viyin ɓa.

Roma 8:17

Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.

Galatiyen 3:29

An ɗii na Krestu kənanaŋ, asna kirtin Abraham kənanaŋ, asna məzəmaŋ gəla kənanaŋ va an Maŋgəlva aynani.

Efesus 1:11

Də əsap də Krestu mədarəh haran nam aza əkoho, Maŋgəlva məgəɗ zəga pak va aza əŋgla nani də əɗum nani, awelmək daga farə ka mərah gəni.

Ibriɗe 11:7

Də wətafi Nuwa apprəm an məs Maŋgəlva anah aka məs dədaɗɗa aka dəlva, ko də dula wənnan ɓa pak zlaŋ atafək wənnani. Apprəmək ma Maŋgəlva, azaɓək bəlay. Adəvəni akoh git ɗii nan pakə. Wətaf nan atawək kita aka dələv pakə. Nuwa atafək Maŋgəlva wənnan lewi ara Maŋgəlva.

Ibriɗe 11:9

Də wətaf Maŋgəlvayi asan malaka aka dələv net ɗiiyi, dələv məs Maŋgəlva anah na wapsəni. Asanək adəv gəla na gabaga nalma*, də Isak gəm Zakub, məs dətafən wən minan na Maŋgəlva məstaka.

Ibriɗe 6:12

Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.

Ibriɗe 6:16

An ɗəf suwayka, asuwayək də ɗəf məs dəday kini, wagrak wənna walaŋ zit də ɗəf nani.

Ibriɗe 6:18

Zəga tay sula apəl naɓa, ndəni wən minani də wəsuwaya, Maŋgəlva awəna wən dənɗaŋ ɓa. Ndəni dədasɓamə, mərma gən wən an nawga an məs apsəmə.

Yakob 1:17

Əvəl mogoni də an Maŋgəlva adapsəmə, pak sə disiŋ ade, zəga nan səza Maŋgəlva ade, məs dəzəmiɗ zigeɗ məzu kasakaŋ pak a disiŋ. Maŋgəlva nan akpaŋ na ɓa, va zigeɗis ada kpaŋgaŋ wəpanən guzli ɓa.

Yakob 2:5

Milmiŋgiɗu na makrawa, məpak sləmokum amba wəpel nawa. Maŋgəlva awelik məs saheŋɗe na zəga na duniya dəsoŋ gən məs aryeɗ də wətaf Zezu Krestu: Vi dəsoŋ gən adəv məlĩ na Maŋgəlva va an məs anah na wapsit ɗii məs dəŋgluwəni.

1Piyer 1:3

Məgəɗ sən soko sən Maŋgəlva, Affən Ɗəfdaya nam Zezu Krestu. Aɗɗak mogon nan azəmə, apsəmək zeŋgille meleketeni, vi asil gən Zezu Krestu sətəki əmta asan madarani. Aknahək makram də zəga nawga an də goŋga.

1Piyer 3:7

Nokum munokum zel bo, məsoŋ dit gil nokum də wəsinit na tahəŋ də sembe va nokum ɓa, məgekdeketi, vi net bo Maŋgəlva wapsit əkoho, va apsukum, Məgəɗ vaska vi wəzuli nokum adattap ɓa.