Ibriɗe 6:12 - Nouveau Testament en Guidar

¹² Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.

Bible en Guidar

¹² məza zukum baybay ɓa, məgəm tilit ɗiy en dərahən an Maŋgəlva aynan man sit sən ətafa gəm sən əsok ziti.

Ibriɗe 6:12 ပူးပေါင်းရင်းမြစ်များ

Matiye 22:32

Əntə Maŋgəlva na Abraham gəm Maŋgəlva na Isak, Maŋgəlva na Zakubu. Maŋgəlva net ɗii mimtiti ɓa, amma Maŋgəlva net ɗii medereti.

Matiye 25:26

Daya nan azlan sənək na: Məgəɗ wəza mbrayuk kənani. Kəsənək wanəbəl səki an nəslgə ɓa, wanəkal zəga səki məs nəndol zemve ɓa.

Luka 16:22

Məs saha amtəka, maslayɗe aslanənka akanənək aza Abraham a disiŋ. Məs arya amtəka, məndəkəni.

Luka 8:15

Zemve an dəbət aka ba'arə tay va məzupprəmaŋ wənna Maŋgəlva, armanənək də mekret taka, wətər wəray net warban zən də wəza neti.

Roma 12:11

Kədasoŋ mətampəlɗe ɓa, məgəɗ wəza, məgəɗ wəza sən Ɗəfdaya də makrokum taka.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 4:12

Gesiŋ affit məskəl awreɗeyi. Amma məskəl awreɗe pakəŋ kirtin Abraham ɓa, say ɗii məs dəsbanən wətaf nan daga dəɓəl əskəl awra ɓa.

1Tesaloniki 1:3

Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

2Tesaloniki 1:4

Ha nam bo mənam tatəkaɓ aka wən nokum munokum kretiyenɗe na Maŋgəlva, vi an məs kədaw ɓəsaŋ də wətaf nokum məs kətafaŋ, ko adəv wərmama məs dəde azokum pakə, də wən tattuwãha, ya də as pak kəɓəsənka.

Ibriɗe 1:14

Mədəŋgaŋ maslayɗe di? Ndəɗaŋgəŋ Əmpəsɗe məzəɗɗaŋ sənən wəza sən Maŋgəlva. Maŋgəlva tay slinit dəbaahaŋ sitin gən ɗii məs dədawkohoŋ.

Ibriɗe 10:36

Say kəsoŋ gən də wəɓəsən, vi kəɗɗanən gən wəŋgla na Maŋgəlva, vi kərəhən gən an məs anah na wapsit ɗii nani.

Ibriɗe 11:33

Ndəɗaŋ pak atafənək Maŋgəlva, vini agayaŋ dit milyeŋge temtem adayaŋ kiti. Aɗɗanənək wəŋgla na Maŋgəlva, ndəni arəhən an Maŋgəlva anah na wapsiti. Asukunək met ɓoliɗi.

Ibriɗe 12:1

Mənam tat dit ɗii məɗɗaŋ saydawa nam diiɗa, wənnet atuwəɗək kiyəm va ernene. Vini kana, say məsgan səm zəga məs dədawsan gədak azam pakə, say məsgan səm zəga naw sla na mambraya, məs dədawsap azam də gambara nani. Say məgrak səm wənzuwa nam naway nawgap dabəŋ di.

Ibriɗe 13:7

Məɗumon wənnet ɗii gugiriɗ mərbaŋ sukumən wənna Maŋgəlva lahəŋka. Məɗumon va asoŋ laŋka, va amtaŋ, məsban wətaf neti.

Ibriɗe 5:11

Apələk wən diiɗa məs nənah sukum ɓa, amma tuwãhi wərban sukum, vi kəsənən na gabban ɓa.

Ibriɗe 6:15

Abraham agak də wəɓəsən, ndəni arəh zəga an məs Maŋgəlva anahsəni.

Yakob 1:3

Vi kəsənənka pay wən tattuwãh asla wətaf nokum, an munokum tat ɓəlɓəl də wətaf nokum, waɓəlokum aka an məs kəɓəsaŋ.

2Piyer 1:10

Vi wənnəski milmiŋgiɗwa məsok zukum məsuwaŋ də sembe aza iya an Maŋgəlva ayuməŋka də an məs awelkum. An kəsuwaŋgək də sembe vaska kəsbəraŋ na adəv mambray ɓa.

1Yohanna 2:25

Awla an məs Krestu aynan na wapsəmə, ndəni zeŋgille nasuwa ha faɗə.

Hənhən 13:10

An məs dədaw ɓəsən dəsan gən mədaŋgay, dewle mədaŋgay adawsani, ɗəffan məs dəsan nawbay də kafahi, dewle də kafahi adawbayini. Aski kan an ɗii na Maŋgəlva adawɓəsaŋ də wətafən.