Ibriɗe 5:9 - Nouveau Testament en Guidar

⁹ Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Bible en Guidar

⁹ Adan Yesu agrak əzəmsãhã nan temtem də wəza nan pakə, akkpaŋgək afən wəkõh an faɗ viyit ɗiy məs dəprəmən man pakə.

Ibriɗe 5:9 ပူးပေါင်းရင်းမြစ်များ

Matiye 17:5

Yaŋ dəɓəl wəbay ma wəpel nan ɓa, yaŋ slay buwən məzu wiɗ adeke, asiritike, ɓaɓəlma adek sədəv slay buwən naka, amna: Aŋki wətu an nəŋgələ, əntatə neken zu dəndən sawɓa. Məpprəm mani.

Luka 13:32

Zezu apsit na: Mədoŋ mənah sən balway əŋka: Intatə wərɓi tuyeŋɗe, əntat wəmbəl git məs gbəgbaɗe, dəpaŋ də pumpum pay mo hoko'ən wa nəgrak wəza nawa.

Yohanna 19:30

Adan Zezu aneti amna: Zəga pak agraka. Yaŋ aɓegən kini amtə.

Wəza net Masləŋɗe 3:15

Vaski kan kəbayən affən wəkoho. Amma Maŋgəlva asil gənək sətəki əmta. Nam bo saydawiɗ na wənnan mənani.

Wəza net Masləŋɗe 4:12

Dəndəni kaaka mədawrəh wəkoho, vi ɗəf maɓɓan tay a duniya ɓa sam, məs Maŋgəlva apsəm mərah gən wəkoh dəndən ɓa.

Wəza net Masləŋɗe 5:32

Mənam də Əmpəs Salala məs Maŋgəlva adapsit ɗii nan məs dətafaŋ, mənamtə mədaɗɗa saydawa na wənnəŋka.

Roma 1:5

Vi wənnani, Maŋgəlva avay tive nəkpaŋ gən masləŋ nani, vi nəka gən Labara Nenek nan sit ɗii namba dələv pakə, dətafən gəni, dəpprəmən gən ma Maŋgəlva də wə gakdakan iya na Krestu.

Roma 10:16

Amma ɗii pakəŋ dətafən labara nan ɓa. Məskleŋ Ezay amna: Aw Ɗəfdaya, naway dətaf labara məs mədarbanəŋ di?

Roma 15:18

Vi nawa, nəɓap na wəpel ko midi ɓa, say an məs Krestu agəɗ amakrawa, vi nəye gin ɗii məs Yahudiyenɗeŋ ɓa, dəpprəmən gən ma Maŋgəlva də wəpel nani, də wəza nani.

Roma 2:8

Amma ɗii məs dəɓoŋgoŋ akani, dəsbanən goŋga nan ɓa, dəppanən zit sən zəga mbrayen, Maŋgəlva waki wədda gədəv nan də tattuwãh nan pak aketi.

Roma 6:17

Soko sən Maŋgəlva, lahəŋ na balemɗe na mambray kənanaŋ, amma kakaŋ na munokum tatəsbanən goŋga nan də makrokum taka, ndəni məs kərəhaŋ də iyagani.

2Korintus 10:5

Mənam tatəbzlu an məs ɗii ada gakdakanən zit dəndən mba gən əsən ana Maŋgəlva. Mənam tatə kpaŋgan əɗum net də əsgan a daŋgay, vi dəsbanən gən Krestu.

Filipi 2:12

Bayneŋgiɗwa, pay nəsaw anokumda na, munokum tatəpprəmən mawa pay pakə. Ya adan kakaŋ faraɗa nan də munokum, məpprəm mawa. Məɗɗa wəza nawkoh nokum də geslne də wəkkere.

2Tesaloniki 1:8

Də offo mərmani adazani, kamnda gan sit bonoy net ɗii məs dəsənən Maŋgəlva ɓa, ko ɗii awet di pak dəɓoŋgoŋ dasban labara nenek na Ɗəfdaya nam Zezu.

2Tesaloniki 2:16

Maŋgəlva Affəmə aŋgələməka apsəmək zəga nawga an naw san ha faɗə, asɓanək makram pay pak də mbəlembəle nani. Maŋgəlva də Ɗəfdaya nam Zezu Krestu

2Timote 2:10

Intatə ɓəsən pak viyit ɗii məs Maŋgəlva aweli, vi net bo dərəhaŋ gən wəkoho də gakdak nasan ha faɗə də Zezu Krestu.

Ibriɗe 1:14

Mədəŋgaŋ maslayɗe di? Ndəɗaŋgəŋ Əmpəsɗe məzəɗɗaŋ sənən wəza sən Maŋgəlva. Maŋgəlva tay slinit dəbaahaŋ sitin gən ɗii məs dədawkohoŋ.

Ibriɗe 11:40

Vi Maŋgəlva azaɓanək zəga mogon diiɗa vimə. Maŋgəlva dəŋgəl dəsoŋ gən təstəs katirgit məza də mənam ɓaɓa, say dəsoŋ gən matak də mənamə.

Ibriɗe 11:8

Abraham atafək Maŋgəlva də wəpprəm mani, yaŋ Maŋgəlva aya dəmbat gən aka dələv məs anah na wapsəni. Apanək dələv nani, tay mbat məza wəsən təki məs adawmbat ɓa.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 2:10

Vi vaski Maŋgəlva dəzəməɗ zəga pakə ndən dədawgani, makran aŋgluwək vaska, akpaŋganək Zezu təstəssə də wəppan adəv bonoy, vi dəke gin kirin diiɗa adəv gakdak nani. Vi Zezuwi dədawket atəki nawkoho.

Ibriɗe 2:3

Mbar mbar mədawkoh kan an məsganək wəkoh metiŋginiŋ di? Ɗəfdaya sən kiyən arbanək wəkoh van dabəŋ, ɗii məs dəpprəməni, arbanenək wənani aziw gininke.

Ibriɗe 9:12

Krestu atoŋguk adəv gəla an dəday pak də salala* təl taka taka'ə məkki ha faɗə. Dətoŋ dit mbel net məsgileɗ net gilew ɓa, dit wazliɗe megeggeɗe ɓa, amma dit mbel na ki zən atoŋgu. Vaski kan arəh səm wəkoh an məs nasan ha faɗə.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

1Yohanna 5:20

Məsənka Wətən Maŋgəlva* adeke, apsəmək maɗula, vi məsən gən Maŋgəlva an gesiŋ. Mərahək wəsap də Maŋgəlva an gesiŋ də Wətən Zezu Krestu, ndəni Maŋgəlva an gesiŋ ndəni də zeŋgille nasuwa ha faɗə.

Zuda 1:21

Məga zukum adəv əŋgla na Maŋgəlva. Adan munokum tatə ganən Ɗəfdaya nam Zezu Krestu dəpsukum gən mbəlembəle də zeŋgille nasuwa ha faɗə.