Ibriɗe 4:14 - Nouveau Testament en Guidar

¹⁴ Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Bible en Guidar

¹⁴ Adan mənam tat də daya net məsdəlveŋge metiŋgini, ana Yesu Wətən Maŋgəlva məs dəgap a təki nassa na Maŋgəlva, mərmasəm ətaf mədawpel wən nanəŋ ɓəlɓələ.

Ibriɗe 4:14 ပူးပေါင်းရင်းမြစ်များ

Matiye 4:3

Satan azarka zani, apsən na: An Wət Maŋgəlva kənani anahsit girmeŋgeŋki dəkpaŋgaŋ gən zəga nawzəma.

Markus 1:1

Apprəma va halabara nenek məs dəgəɗ aka Zezu Krestu Wətən Maŋgəlva*,

Markus 16:19

[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

Luka 24:51

Daga daya adaw gəɗ sit zəzaya, awɗakək dənɗaŋ, apeŋgək a disiŋ.

Wəza net Masləŋɗe 1:11

Assohotinke: Munokum ɗii na Galile vimi kədawlaŋ a disiŋ di? Zezu məs dəteŋ a disiŋ sə walaŋkuməŋka, wamil va ateŋ a disiŋgəŋka.

Wəza net Masləŋɗe 3:21

Dewle Zezu wasan a disiŋ tagay, ha payan Maŋgəlva aɗi dəgrak gəni məs akpaŋgan zəga pak meleketeni. Va anah də met məs kleŋɗe en salala laŋka.

Roma 8:34

Ɗəf tay naw ɓap uwiliyit ɓa. Vi Krestu amtək viti. An dəday ki askəmpa na, asilik səkəti əmta, tay tuŋgo akava dəzəŋ na Maŋgəlva, tay kaman Maŋgəlva vimə.

2Korintus 12:2

Nəsənək ɗəf maɓɓan kretiyen. Agəɗək əsva klaw kiyən poɗo kakaŋka, məslani a disiŋ ha adəv disiŋ ma hoko'ən. Gesiŋ aslan sa, walla issine sa? Nəsən ɓa say Maŋgəlva dəsən kaaka'ə.

2Korintus 9:13

An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə.

Efesus 4:10

Ndəni də priki ndəni dəpeŋ a disiŋ faraɗa vi kaknahan zəga pakə.

Ibriɗe 1:8

Amma an məs anah aka Wətən Maŋgəlva na: Mazaŋga na məlĩ noko, aw Maŋgəlva wasan ha faɗə, istatə zəm məlĩ nok də tive təstəssə.

Ibriɗe 10:12

Krestu aɗɗak sazlaga təl taka vi mambray məki ha faɗə. Dərɓaga as kana ndəni asan aka va dəzəŋ na Maŋgəlva.

Ibriɗe 10:23

Say mərma səm an məs mədawgaŋka, say mərban səm wənnan də sembe. Vi məsənək lewlewi, Maŋgəlva waɗɗa an məs anahə.

Ibriɗe 10:29

Yas dərəŋ kan an ɗəf azelenək Wətən Maŋgəlva*, an awlak mbel na wən minan məs dəskoɓən va zəga ɗar mekeleŋ na, an aranək Əmpəs na mbəlembəle gesiŋ na, nan wara kita məs dəday pak də tattuwãha.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 2:1

Vi vaski, say məzi gən zəm aza goŋga an məs məpprəməŋka, vi mədawza ki tive ɓa.

Ibriɗe 2:17

Dewle say dəgil gən va milmiŋgiɗni adəv zəga pakə, vi dəsan gən daya net məs dəlveŋge, an də goŋga də ula saha adəv wəza nan pak aba Maŋgəlva, vi ɗii dərəhaŋ gən wəviyan mambray neti.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

Ibriɗe 6:20

Zezu atoŋguk dabəŋ kiyəm mənam məs nawtoŋ adaka, vi mi atoŋ adaka, akpaŋgək daya net məs dəlveŋge ha faɗə va Malkisadaka asani.

Ibriɗe 6:6

Yaŋ amilyoŋ dərɓe, agəɗ na ɓa, azoŋ na wətubiyaŋ ɓa. An ɗəf amilik dirɓe, tay va ɗəf adakpa' Wətən Maŋgəlva* aka wəlaŋga məzliwrihe əmpa aɗi sənək vamvi ama heret ɗii pakə.

Ibriɗe 7:3

Ɗəf dəsən affən, dət man ɓa, walla dəhiŋgiɗin ɓa, ɗəf dəsən pay muwan ɓa, walla pay amtə ɓa. Agilik va Wət Maŋgəlva, wasan məs dələv na Maŋgəlva ha faɗə.

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

Ibriɗe 9:12

Krestu atoŋguk adəv gəla an dəday pak də salala* təl taka taka'ə məkki ha faɗə. Dətoŋ dit mbel net məsgileɗ net gilew ɓa, dit wazliɗe megeggeɗe ɓa, amma dit mbel na ki zən atoŋgu. Vaski kan arəh səm wəkoh an məs nasan ha faɗə.

Ibriɗe 9:24

Vi Krestu dətoŋ atəki salala məs məɗɗan də vet ɗii ɓa, va wənəh na foto ɗar mekeleŋ. Amma atoŋguk a disiŋ, aziwik aba Maŋgəlva kakaŋ vimə.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.