Ibriɗe 3:6 - Nouveau Testament en Guidar

⁶ Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Bible en Guidar

⁶ Ya Kristu na Wətən Maŋgəlva yi aka gəla nani, mənamtə gəla nan vani, an mənam tat əsok zəm də gegesiŋ gəm məppan ərma ənnek na əga nam ɓa.

Ibriɗe 3:6 ပူးပေါင်းရင်းမြစ်များ

Matiye 10:22

Ɗii namba dələv pak wazelkuməni viwa. Amma ɗəf an dədawgan ha aza wagraka wakohu.

Matiye 16:18

Əntatə nah suko: Əstə Piyer, va wənah na milɓe. Aka milɓe nani nədaw ɗii kretiyenɗe nawa. Əmta waday kiyən ɓa kpakə.

Matiye 24:13

Amma məs dəsok zən ha gap wəgrak nani, wakohu.

Roma 11:22

Mula va Maŋgəlva adarban mogon nani də wəhay nani, tay hayet ɗii məs dədapanənni, amma mogoni kla zokum adan munokum tatəsoŋ adəv mogon nani, an vaski ɓana, nokum bo, kawɓəlkumi va kivan annaka.

Roma 12:12

Məneken zukum də zəga məs kədawgaŋ, məɓəs bonoy, məsok zukum əzuli pay pakə.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 5:2

Ɗə wətaf Zezu Krestuwi, mərah wəzar gu'o aza mbəlembəle na Maŋgəlva, ndəni an məsam aban kakaŋ gesi. Ndən dəda neken səm zəmə, mərmak wənnan amakram naw rəh gakdak na Maŋgəlva.

1Korintus 3:16

Munokumtə gəla metiŋ naw zuliya* sən Maŋgəlva, kəsənən na Əmpəs na Maŋgəlva taya makrokum ɓa sa?

1Korintus 6:19

Kəsənən na gəbazukum na ndəni gəla metiŋ naw zuliya* sən Maŋgəlva, ndəni nasuwa na Əmpəs Salala, əmpəs vani, ndəni amakrokum məs Maŋgəlva apsukum ɓa sa? Munokum tat kana zukum tusso əmpa ɓa, amma kana Maŋgəlva kənanaŋ.

2Korintus 6:16

Mi də sapan gəla metiŋ na zuli də tuya di? Gesiŋ gəla metiŋ na zuli madaran na Maŋgəlva mənani, vi Maŋgəlva anahək na: Wanəsaw aweleŋti, kawsaw dənɗaŋ. Wanəsaw ka Maŋgəlva neti, net bo wasoŋ ka ɗii nawa.

Galatiyen 6:10

Vi vaski an mərahək pay nan na, məgəɗ səm mogon azet ɗii pakə, an dəday əmpana azet milmiŋgiɗəm en məs dətafaŋgə.

Galatiyen 6:9

Mədaw ya də wəɗɗa mogon ɓa, an məyə ɓana waməbəllə an pay nan agapka.

Efesus 3:12

Mətafək Ɗəfdayaŋka, vini mərah wəsok zəmə də wəsənən ka məziw gən aba Maŋgəlva.

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

1Tesaloniki 5:16

Məneken zukum pay pakə.

2Tesaloniki 2:16

Maŋgəlva Affəmə aŋgələməka apsəmək zəga nawga an naw san ha faɗə, asɓanək makram pay pak də mbəlembəle nani. Maŋgəlva də Ɗəfdaya nam Zezu Krestu

1Timote 3:15

Amma an nərah tive nawmbat ɓa, letər nawəŋ warban suk an kədaɗɗa adəv gəla na Maŋgəlva, va wənah na: Awaleŋgit kretiyenɗe na Maŋgəlva məs madereti. Ndəni kan dədəka də goŋga məɗi gabbani.

Ibriɗe 1:2

Amma aza wəgrak na pay nan kana, Maŋgəlva apel səmək də ma Wətəni. Dəni Maŋgəlva azəməɗ dəlva də təki a disiŋ, Maŋgəlva awelik ka zəga pak dəsan gən kanan ha faɗə.

Ibriɗe 10:19

Milmiŋgiɗwa, vi mbel na Krestu məs dəziyaŋ mərah tive nawtoŋ atəki məs salala diiɗa.

Ibriɗe 10:21

Daya net məs dəlveŋge nam tayi, ndəni ɗəf metiŋgin eŋgil ana Maŋgəlva da.

Ibriɗe 10:23

Say mərma səm an məs mədawgaŋka, say mərban səm wənnan də sembe. Vi məsənək lewlewi, Maŋgəlva waɗɗa an məs anahə.

Ibriɗe 10:35

Kədapanənən sembe na makrokuməŋ ɓa, vi wakərəhən riba nan ha faɗə.

Ibriɗe 11:1

Wətafa ndəni dədarban gesiŋ na zəga an mədawga. Də wəsənən gesiŋ na zəga tay, amma mulani də hara ɗəf tagay ɓa, ya tay.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

Ibriɗe 4:11

Vini say məsok səm zəmə, mərah gən wətoŋ atəki naffet na Maŋgəlva. Ɗəf səmbram adaw ɓoŋ akan vanet ɗii nek aɓoŋgoŋ nak ɓa, vi mədaw sam məza wərah wətoŋ atəki naffet ɓaɓa.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Ibriɗe 4:16

Vi wənnəski məde səm aza Maŋgəlva məza də geslne ɓa makram taka atəki məs mbəlembəle asani, mərah gən ula saha nan adaka, ko pay wəvir nam asan pakə.

Ibriɗe 6:11

Məŋgəl na ko naway suwalokum pakə, dəmbat abe abe də wəsok zəni ha pay wəgrak nani, vi kərəhən gən zəga məs kədawgaŋ.

Ibriɗe 6:18

Zəga tay sula apəl naɓa, ndəni wən minani də wəsuwaya, Maŋgəlva awəna wən dənɗaŋ ɓa. Ndəni dədasɓamə, mərma gən wən an nawga an məs apsəmə.

Ibriɗe 7:19

Vi ma henziŋ na Moyis aɓapna kaɗɗa ɗəf təstəs ɓa, amma an məs mədaw ga adek kana, ndəni dədaw kəm gu'o də Maŋgəlva.

1Piyer 1:8

Kəŋgluwənka ko kulanən ɓa, kətafənka ko kulanən kakaŋ ɓa. Vini kəda nekenən zukum də wənnek diiɗa, məs kawɓapi əpel wənnan ɓa.

1Piyer 2:5

Məde, məkpaŋ gərəm madarokum, karka gəla nasuwa na Əmpəs Salala də munokum. Məppan Zezu Krestu amakrokum dəpsukum gən sembe nakpaŋ məs dəlvəŋge en salala, napsən zəga an dəslə sən Maŋgəlva.

1Piyer 4:17

Vi pay agapka, Maŋgəlva wataw kita aket ɗii nan dabəŋ. Adan atəŋgək akam dabəŋ, mbari adaw san dit ɗii məs dətafən Wən Nenek na Maŋgəlva ɓa di?

Hənhən 2:18

Aver aza maslay net kretiyenɗe na Tiyatira: An Wətən Maŋgəlva* adawnaha, haran tay va anzil offo, tələn tay va təbəs peppreŋ məzu wiɗe.

Hənhən 2:25

Amma say mərma wən məs kərəhaŋ ɓəlɓələ, hagap pay nədazawa.

Hənhən 2:26

Ɗii məs dədayaŋ kiyən də wəsban an dəslə də wəɗɗa an məs nəŋgələ ha wəgrak nani, wanəpsit sembe an məs nərahsən kiyu səza Affuwa, wanəpsit sembe aket ɗii na dəlva, wateɗin də zleŋge na təbəza, waŋgrofoŋ va ɗak təda ngrof mesteɓeɗ na dəlva. Vas bo wanəpsit ngərzla an baŋgay naba pumpum.

Hənhən 3:11

Wanəde go'u, aga wən məs kərah lewlewi, vi ɗəf adawzəm sembe na wəza nok ɓa.