Ibriɗe 3:1 - Nouveau Testament en Guidar

¹ Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Bible en Guidar

¹ Milmiŋgiɗwa, mənokum ɗiy salala, məs də haran net addəv iya dəde sə disiŋ, məɗɗumon wən na Yesu məs Maŋgəlva aslən dəsangən daya net məsdəlveŋge məs mətafə.

Ibriɗe 3:1 ပူးပေါင်းရင်းမြစ်များ

Yohanna 17:3

Aŋki zeŋgille məza agrak ɓa, asənkunko istə Maŋgəlva taka təstəssə, asənənək Zezu Krestuwi masləŋ noko.

Yohanna 20:21

Zezu anah sitik əmpa: Zam wasan azokum. Va Affən aslənwa, naw bo wanaslənkum.

Yohanna 20:27

Yaŋ apsən Tomas na: Agul məttal ɗəf aŋkana. Awla huwa, aki voko, agul aka təkzləmuwa, apan wəbay ma atafə.

Wəza net Masləŋɗe 1:15

Daska Piyer asilik aweleŋgit milmiŋgiɗin ɗii məkkalit gap səkat də kaklaw sula neki, anahka:

Roma 11:17

Kiva wəlaŋga maɓɓan məngohni səza hereme na weleŋgit wəleŋɗe. Ndəni mətipkum agəlani va meleketekum məs dəzoŋ səza hereme nawra. Kəsapaŋgək dit dembərgit Israyelɗe, munokum tatərəhaŋ sembe səza siwere na hereme ana waleŋgit wəleŋɗe məsgilti.

Roma 15:27

Aɗumoŋgək aka wənnan kaɗɗan də mekret taka wənnan taya zet va dewle na baah sit ɗii məsaheŋɗe də zəga, vi ɗii na Maŋgəlva Yahudiyenɗe na Zerusalem awɗakanənək zəga mogon net na Əmpəsa dit ɗii məs Yahudiyenɗeŋ ɓa, ndəni tam bo ɗii na Maŋgəlva məs Yahudiyenɗeŋ ɓa, adaw ɗakanən zəga na gəɓa zə ɗəf tam dit Yahudiyenɗe.

Roma 15:8

Nəpsukum na: Krestu adek wəkpaŋ ɗəf na wəza net Yahudiyenɗe, vi kaknah wən məs Maŋgəlva aynan sit məgilmə, vi karban an məs Maŋgəlva anah na, goŋgayi.

Roma 9:24

Anamiyi ayə, suweleŋgit Yahudiyenɗe kaaka ɓa, amma gəm suweleŋgit ɗii məs Yahudiyenɗeŋ ɓa pakə.

1Korintus 1:2

Məslənək letər nan azet ɗii na Maŋgəlva a Korintus, məsɗetik ɗii na Maŋgəlva nadak pakə ɗiiyen salala* də Krestu, azet ɗiiyen məyet dəsoŋ gən salala, ɗii na Maŋgəlva də wəsap də Zezu Krestu, azet ɗiiyen məzuyanən iya na Daya nam Zezu Krestu, Ɗəfdaya namə gəm neti.

1Korintus 10:17

Memteke tay taka kaaka'ə. Vini kana ko vi məsam diiɗa zlaŋ, məkpaŋgək gəba zəm taka, vi mənam pak məsapək əzəm memteke taka.

1Korintus 9:23

As pak nədaɗɗan na vi labara neneki, ka nərah gən haran naw səza zəzay nani.

2Korintus 1:7

Ya mənam tatə ɗumon sukum na, an məsən gesiŋ na, nan vaski, vi məsənka munokum tatə sap də mənam də əzəm saha namə, vaski bo də əsɓa an mərahə.

2Korintus 9:13

An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə.

Efesus 3:6

Aŋki wən maɗama vani, də wəsap də Zezu Krestuwi ɗii məs dəsənən Maŋgəlva ɓa asoŋ ɗii nawrəh haran net səza zəzay na Maŋgəlva dakadaka dit Yahudiyenɗe, wakpaŋgaŋ geɓa zə Krestu, warəhaŋ zam məs Maŋgəlva annah na wapsit Israyelɗe. As pak də labara nenek adaɗɗa.

Efesus 4:1

Vi vaski, mədaŋgay nan vi nədaɗɗa wəza sən Ɗəfdaya; Vini nəda kamokum kədawaŋ gən va an dəslə azokum va Maŋgəlva məs dəyukum asani.

Efesus 4:4

Munokum pak kərəhaŋgək əmpəs taka, gəɓa zukum bo takayi, vaski wəɗum bo takayi, də an məs Maŋgəlva ayukyum.

Filipi 3:14

Yaŋ ndəni kan nədanzaw kla təki nawrah zəga nani, vi nərəhə gən zəga nani məs Maŋgəlva ayəm akan daga sə disiŋ də Zezu Krestu, ndəni wəkoho.

Kolosi 1:12

Say məgəɗ sən soko sən Ɗəfdaya də zukum neki vi ndəni dəɗɗukum ka kəɓapən gən wərəh zəga mogon pak məs azaɓan sit ɗii nan adəv məlĩ natəki babara.

Kolosi 1:22

Amma kakaŋ kana, Maŋgəlva sən kiyən azaɓanək wən nokum, də Wətəni, akpaŋgək ɗəffa, amtəka, vini kan kəkpaŋgaŋ ɗii nan təstəssə məza də mambray azokum ɓa.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

1Tesaloniki 2:12

Məpel sukumko, də wəsɓokum, məziw gukumko vi kəsoŋ gən də Maŋgəlva məs dəyukum aka məlĩ nan də gakdak nani.

1Tesaloniki 5:27

Intatə gəɗ sukum kamə də iya na Ɗəfdaya, məŋɗan ɗerewelis aweleŋgit milmiŋgiɗəm ɗii na Maŋgəlva pakə.

2Tesaloniki 1:11

Vi vaski məda zuli pay pak məza wəppan ɓa vikum, mənam tatə kaman Maŋgəlva namə dəkpaŋgokum gən ɗiiyen məs dəslaŋ narəh zeŋgille an məs məyukum akani. Dəpsukum sembe nani dəknah gən wəɗum nokum kəɗɗaŋ gən an nagrak an wəza nawtaf nokum.

2Tesaloniki 2:14

Məpel sukumək labara neneke. Dəni Maŋgəlva ayukum ka kərəhaŋ gən haran nokum adəv gakdak na Ɗəfdaya nam Zezu Krestu.

1Timote 6:12

Say agay vi wətaf an mogoni, vi kərah gən zeŋgille nasuwa ha faɗə. Maŋgəlva ayukuk aka zeŋgille van pay məs kəɗɗa saydawa na taf nok mogon karet ɗii pak məs dəɗɗaŋ saydawa noko.

1Timote 6:2

Ko naway an balam na ɗəf kretiyen ni na, adawzelen vi asan məlmən ɓa. Say dəsok zən wəgəɗ sən wəza day dərəŋ də makran taka, vi daya nanəŋ ɗəf na Maŋgəlvayi, vi wəza net dəl gən abe vi ndəɗaŋgəŋ Maŋgəlva aŋgələ. Say arban wənnəska, apel wənnan azet kretiyenɗe.

2Timote 1:9

Ndəni dəkoh gəmə, ndən dəyəmə məsam gən ɗii nani, vi wəza mogon məs məgəɗi ɓa, amma vi wəŋgla nani də mbəlembəle nani, aɗɗa səmək mbəlembəle nan də Zezu Krestu, daga məɓəlli əɗɗa zəga tagay ɓa.

2Timote 2:7

Aɗumon wən məs nənah suko, Ɗəfdaya waboton suk gabba wən nan pakə.

Ibriɗe 10:19

Milmiŋgiɗwa, vi mbel na Krestu məs dəziyaŋ mərah tive nawtoŋ atəki məs salala diiɗa.

Ibriɗe 10:21

Daya net məs dəlveŋge nam tayi, ndəni ɗəf metiŋgin eŋgil ana Maŋgəlva da.

Ibriɗe 10:23

Say mərma səm an məs mədawgaŋka, say mərban səm wənnan də sembe. Vi məsənək lewlewi, Maŋgəlva waɗɗa an məs anahə.

Ibriɗe 13:22

Munokum milmiŋgiɗwa, əntatə kamokum, mətaf wənnawəs də zukum neki, dəsɓanə gən makrokum. Letər nawəs bo tay zekeɗekeɗe ɓa.

Ibriɗe 2:11

Zezuwi dəskoɓ mambray net ɗiiyi, ɗii məs məskoɓ mambray net van bo akpaŋgaŋgək Affit taka. Vini wil dədanən Zezu daw yet nok milmiŋgiɗwa ɓa.

Ibriɗe 2:17

Dewle say dəgil gən va milmiŋgiɗni adəv zəga pakə, vi dəsan gən daya net məs dəlveŋge, an də goŋga də ula saha adəv wəza nan pak aba Maŋgəlva, vi ɗii dərəhaŋ gən wəviyan mambray neti.

Ibriɗe 3:12

Milmiŋgiɗwa məzi zukum, vi ko ɗəf taka səmbokum adawsan də makran mbrayen məza də wətaf ɓa, kapan Maŋgəlva məs də Zeŋgille ɓa.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

Ibriɗe 6:20

Zezu atoŋguk dabəŋ kiyəm mənam məs nawtoŋ adaka, vi mi atoŋ adaka, akpaŋgək daya net məs dəlveŋge ha faɗə va Malkisadaka asani.

Ibriɗe 7:26

Zezuwi məs dələv metiŋgini, də sembe nawtər səm wəray nam pakə. Salalayi*, mambray taya zan ko suɗike ɓa, awɗakək dit məɗɗaŋ mambraya, məslani a disiŋ ki disiŋ.

Ibriɗe 7:28

Ma henziŋ na Moyis awelik ɗii dəsoŋ gən məs dəlveŋge. Amma wəsuway na Maŋgəlva məs dəde dərɓaga ma henziŋ, awelik Wətəni məs təstəssə dəsan gən məs dələv ha faɗə.

Ibriɗe 9:11

Amma kakaŋka na Krestu adeke. Ndəni daya net məs dəlveŋge aka zəga mogon məs dəde səm kakaŋka. Tayəɗɗa wəza adəv gəla na gabaga nalma* an dədayki an lahəŋ də metiŋgin də mogoni. Də vet ɗii məɗɗa gəla nan ɓa, va anah na, səka dəlvəŋki ɓa.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

1Piyer 2:9

Amma nokum munokumtə əlfa an muwelin, munokumtə məs dəlvəŋge na məlĩya, ɗii yen salala, na Maŋgəlva kənanaŋ. Agil gukumək səra guzliyo, akukumək ara təki babar nan nagət akani. Awel kumuko ka kəpelin gən wənna wəza nan məs mogonəŋka.

1Piyer 3:5

Vaski bo daga far lahəŋka gil en salala akpaŋganənək zit mogoni, aɗiyənək an məs adaw gaŋ pak aka Maŋgəlva, apprəmənək met zilŋgiti.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

1Yohanna 1:3

Zəga an məs muwəl də haramə, an məs məpprəm də sləmamə, ndəni mədaw nah sukum tamə, vi kəsapaŋ gən də mənamə, vi wəsap nam dəsan gən də Affəni gəm də Wətəni ndəni Zezu Krestu.

Zuda 1:1

Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.

Hənhən 17:14

Wagayaŋ də Botol na Maŋgəlva. Amma botol dit ɗii nan məs məyeti məwelti dəɗiyən kiyit akani wadayaŋ kiti, vi ndəni Ɗəfdaya net ɗiiyen dayeɗe, ndəni məlĩ net məlĩyeŋge.

Hənhən 18:20

Disiŋ aneken zuk də wəray na walaŋ gəla nani. Məneken zukum munokum ɗii na Maŋgəlva, masləŋɗe dit məs kleŋɗe, Maŋgəlva atawək kita aka walaŋ gəla naka amndagan sənək an məs agəɗ sukum pakə.