Ibriɗe 2:17 - Nouveau Testament en Guidar

¹⁷ Dewle say dəgil gən va milmiŋgiɗni adəv zəga pakə, vi dəsan gən daya net məs dəlveŋge, an də goŋga də ula saha adəv wəza nan pak aba Maŋgəlva, vi ɗii dərəhaŋ gən wəviyan mambray neti.

Bible en Guidar

¹⁷ Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

Ibriɗe 2:17 ပူးပေါင်းရင်းမြစ်များ

Roma 15:17

Də wəsap məs nəsap də Zezu Krestu, wanəɓap wə gakdakan zu də wəza naw məs nəgəɗ sən Maŋgəlva.

Roma 5:10

Məzu seɓeŋ na Maŋgəlva mənan lakəŋka, amma yaŋ wənam asler dəndən, də əmta na Wətəni. Ya adan kakaŋ məslerik dəndən, Krestu wakoh gəm səma kita na Maŋgəlva.

Efesus 2:16

Də əmta nan aka wəlaŋga mezliwrihe azar gən wəzele, də məzliwrihe nan vani asapan əlfa sula pak adəv gəɓa zən taka, asleretik də Maŋgəlva.

Kolosi 1:21

Daga laŋka məzuzeleŋ na Maŋgəlva kənanaŋ, vi wənna wəza nokum mbrayen, də wəɗum nokum mbrayen. Faraɗa kənanaŋ səza Maŋgəlva.

Ibriɗe 10:21

Daya net məs dəlveŋge nam tayi, ndəni ɗəf metiŋgin eŋgil ana Maŋgəlva da.

Ibriɗe 2:11

Zezuwi dəskoɓ mambray net ɗiiyi, ɗii məs məskoɓ mambray net van bo akpaŋgaŋgək Affit taka. Vini wil dədanən Zezu daw yet nok milmiŋgiɗwa ɓa.

Ibriɗe 2:14

Kirin net tahəŋ də gəɓa ziti dit mbeli, ndəni kan Zezu bo asan va ndəɗaŋ, agəmək gəɓa zə ɗəffa vaneti, aɗɗa vasna, vi də əmta nani adawzan ɗəffan də sembe aka əmta, ndəni Satan.

Ibriɗe 2:16

Wənan agilik kotakə, sit maslayɗe adabaah sit ɓa, amma va ɗerewel anah na: Tay baah sit kirtin Abraham.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 3:2

Vi tayəɗɗa zəga təstəssə aza Maŋgəlva, muwelni vi wəzaŋka, va Moyis asan təstəs aka wəza eŋgil ana Maŋgəlva da pakə.

Ibriɗe 3:5

Moyis təstəssi adəv gəla na Maŋgəlva pakə. Gawla na Maŋgəlvayi, apelik wənnet zigeɗ məs Maŋgəlva adarbet adəv pay məs dədazani.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Ibriɗe 4:15

Daya net məs dəlveŋge nam waɓap ula saha akamə vi wəvir namə, vi nani mərakani va nam pak dakadaka, amma nan dəgəɗ mambray ɓa.

Ibriɗe 5:1

Daya net məs dəlveŋge pak sə waleŋgit ɗii adaw welini, wagəɗ wəza sən Maŋgəlva viyit ɗiiyi, wapsən zəga an məkiyən də zəga mətaw wəlan sən Maŋgəlva, vi kaviyan mbrayen net ɗiiyi.

Ibriɗe 5:10

Maŋgəlva bo aɗiyək ka daya net məs dəlveŋge nani, va məs dələv Malkisadaka.

Ibriɗe 5:2

Waɓap ula saha aket ɗii məs tahəŋ də wəsən ɓa, məɗɗaŋ mambraya, vi ndən sən kini məverni aza zəga temtem diiɗa.

Ibriɗe 5:5

Vaski bo Krestu də gakdakan zən də san gən daya net məs dəlveŋge na Maŋgəlva ɓa. Amma Maŋgəlvayi dənahsən na: Əstə Wətuwa, nəwəkuk dəpaŋka.

Ibriɗe 6:20

Zezu atoŋguk dabəŋ kiyəm mənam məs nawtoŋ adaka, vi mi atoŋ adaka, akpaŋgək daya net məs dəlveŋge ha faɗə va Malkisadaka asani.

Ibriɗe 7:26

Zezuwi məs dələv metiŋgini, də sembe nawtər səm wəray nam pakə. Salalayi*, mambray taya zan ko suɗike ɓa, awɗakək dit məɗɗaŋ mambraya, məslani a disiŋ ki disiŋ.

Ibriɗe 7:28

Ma henziŋ na Moyis awelik ɗii dəsoŋ gən məs dəlveŋge. Amma wəsuway na Maŋgəlva məs dəde dərɓaga ma henziŋ, awelik Wətəni məs təstəssə dəsan gən məs dələv ha faɗə.

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

Ibriɗe 8:3

Məs dəlveŋge pak məwelti vi dəpsənən gən zəga sən Maŋgəlva gəm zəga mətaw wəlani. Vi vaski say məs dələv nam metiŋgin net məs dəlveŋge bo dəpsən gən zəga sən Maŋgəlva.

Ibriɗe 9:11

Amma kakaŋka na Krestu adeke. Ndəni daya net məs dəlveŋge aka zəga mogon məs dəde səm kakaŋka. Tayəɗɗa wəza adəv gəla na gabaga nalma* an dədayki an lahəŋ də metiŋgin də mogoni. Də vet ɗii məɗɗa gəla nan ɓa, va anah na, səka dəlvəŋki ɓa.