Ibriɗe 2:11 - Nouveau Testament en Guidar

¹¹ Zezuwi dəskoɓ mambray net ɗiiyi, ɗii məs məskoɓ mambray net van bo akpaŋgaŋgək Affit taka. Vini wil dədanən Zezu daw yet nok milmiŋgiɗwa ɓa.

Bible en Guidar

¹¹ Vi Yesu, məs dəskoɓ mambray net ɗiyi dit ɗiy məs məskoɓ mambray net van pak akkpaŋgaŋgək Afit taka. Vini wil dədanən dawyet na milmiŋgiɗwa ɓa.

Ibriɗe 2:11 ပူးပေါင်းရင်းမြစ်များ

Matiye 25:40

Məlĩ wazlan sit na: Gesiŋ nədawnah sukum, ko mi məs kəɗɗaŋ sən taka nambet milmiŋgiɗu en muzliyeɗi su kəɗɗanəni.

Matiye 28:10

Yaŋ Zezu anahsiti: Kədaw geslne'eŋ ɓa, mədoŋ mənesit milmiŋgiɗu meɓɓeti dədoŋ a Galile, adak adawluwəni.

Markus 3:34

Awlek ɗii yen dəkdahaŋ kiyən amaŋgavani amna: Əŋkiŋ may əmma dit milmiŋgiɗwa.

Markus 8:38

Vi vaski, ko naway məs wil adanən viwa gəm dawpel wənnaw aweleŋgit ɗii en dəpaŋka, məs dəŋgluwən Maŋgəlva ɓa dit ɗi mambrayɗe, asna Wətən Ɗəf arəmsən na wil pay adazan də gakdak na Affən dit maslayɗe en salala* ɓa.

Luka 9:26

Vi vaski an wil adanənək ɗəf suwa walla vi wəpel wənnawa, Wətən Ɗəf wagəɗ sən zəga na wil pay adazan də gakdak nani gəm gakdak na Affəni, gəm gakdak net maslayɗe en salala*.

Yohanna 17:19

Wanəpan zeŋgillewa viti vi dəsoŋ gən ɗii nok gesiŋ.

Yohanna 17:21

Intatə komoko vi ndəɗaŋ pak dəsoŋ gən taka. Aw Affuwa, dəsoŋ gən məslerit də mənamə, va nok kəsler də ina, naw bo nəsler də isi. Dəsoŋ gən taka, vi duniya dətaf gən na əstə kəslənwa.

Yohanna 20:17

Zezu apsət na: Kədawrəŋgu ɓa, amma doku nah sit milmiŋgiɗu na, əntatə vi nəɓəl wəpeŋ aza Affu ɓa, Affukumi ya'a, aza Maŋgəlva nawa, Maŋgəlva nokumi ya'a.

Wəza net Masləŋɗe 17:26

Səza ɗəf takayi azimiɗ ɗii pakə, aɗɗak dəsoŋ gən aka dələv pakə. Daga dəɓəl wəɗɗan tagay ɓa, aslak pay nani də meŋge nanziya net aka dələv pakə.

Wəza net Masləŋɗe 17:28

Vi anahək na: Mənam tat də zeŋgillemə, də wəɓla namə, də va mədaw samə, pak səzan ade. Va ɗii meɓɓet suweleŋgit məyaŋ gəlya nokum anahaŋ na: Nam bo kirtin mənani.

Roma 8:29

Daga far lahəŋki Maŋgəlva asinik ɗii nan məs awel pakə, vi dərəhaŋ gən wəkoh vana Wətəni, vi Krestu bo dəsan gən tizi abet milmiŋgiɗin diiɗa.

Galatiyen 4:4

Amma adan pay nan məs Maŋgəlva aɗi agapə, aslənək Wətəni, muwani dət gulku, aɓe sənək ma henziŋ net Yahudiyenɗe.

Ibriɗe 10:10

Zezu aɗɗak an Maŋgəlva aŋgələ, ndəni kan məskoɓum səka mambray namə də sazlaga na gəɓa zəni, məs agəɗ təl taka kaaka məki ha faɗə.

Ibriɗe 10:14

Də sazlaga təl taka kaaka'i Zezu asan ɗəf naskoɓ mambray net ɗii pakə, akpaŋgetik təstəssə ha faɗə.

Ibriɗe 11:16

Amma aŋgluwənək dələv an mogon diiɗa dayki məs appaŋ, ndəni təki na disiŋ. Ndəni kan wil dədanən Maŋgəlva dawyazən na Maŋgəlva neti ɓa.

Ibriɗe 13:12

Vaski bo Zezu amtək ama poho na walaŋ gəla, vi kaskoɓ mambray net ɗii də mbel nani.

Ibriɗe 2:14

Kirin net tahəŋ də gəɓa ziti dit mbeli, ndəni kan Zezu bo asan va ndəɗaŋ, agəmək gəɓa zə ɗəffa vaneti, aɗɗa vasna, vi də əmta nani adawzan ɗəffan də sembe aka əmta, ndəni Satan.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.