Ibriɗe 13:9 - Nouveau Testament en Guidar

⁹ Kədapetin ɗii dəzokumən gən səka tive na goŋga də zəga nawsən temtem məs dəde sə ma poho ɓa. Mogoni an zeŋgillem arahək sembe adəv mbəlembəle na Maŋgəlva məza də wəsban ma henziŋ net ɗii aka zəga nawzəm ɓa. Ɗii məzəsbanən ma henziŋ nani, dərəhən wətər wəray nan ɓa.

Bible en Guidar

⁹ Kədappanən zukum əza sit əyakɗe temtem net ɗiy-ɗar ɓa. Moggoni mbəlembəle na Maŋgəlva dəzɓangən makramə məza mahenziŋ net ɗiy aka wən na zəga nawzəm ɓa. Dətər sit wəray sit məs dəzbanən ɓa.

Ibriɗe 13:9 ပူးပေါင်းရင်းမြစ်များ

Matiye 24:24

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

Matiye 24:4

Zezu azlansitike: Məzi zukum, vi adaw zokuməni.

Luka 5:38

Amma aslək na, wəzi mbazla məza dəhəs ɓa adəv kenekene meleketeni.

Wəza net Masləŋɗe 20:30

Pay maɓɓan wade, ɗii səmbokum wawaŋ tepelke, vi ɗii na Maŋgəlva dəsbetin gəni.

Wəza net Masləŋɗe 20:32

Kakaŋ na nəppokumək ava Maŋgəlva də mbəlembəle nani. Waɓap wəɓay gukum waɓap wəgəɗ sukum zəzay də zəzay məs azaɓan viyit ɗii nan pakə.

Roma 14:17

Wən na məlĩ na Maŋgəlva na, wənnan tay də wənna zəga nawzəma də zəga naw saa ɓa, amma nan say wəsuwa də goŋga gəm wəsuwa də təstəssə də Maŋgəlva də zamə də wəsuwa neki, məs Əmpəs Salala apsəni.

Roma 14:2

Kuzuŋ ɗəf maɓɓan wətaf nan apsənək tive nawzəm zev zəga pakə. Amma ɗəffan məs wətaf nan tay də sembe ɓa, tayazəm teɓ gaslamba kaaka'ə.

Roma 14:6

An ɗəf maɓɓan aɗiyək ki pay maɓɓan dayki pay maɓɓanəska, adaɗɗa vasna kaw gakdakan Ɗəfdayayi, ɗəf məzəm zev zəga pak kaw gakdakan Ɗəfdayayi aŋgələ. Tayəɗɗa soko sən Maŋgəlva vi waya. Vaski bo də ɗəf məs awzəm zəv zəga pak ɓa, tay wəgakdakan Ɗəfdaya, tayəɗɗa soko sən Maŋgəlva vi waya.

1Korintus 6:13

Munokum tatə nahaŋ na: Gədəv ɗəffa, tay vi waya, way bo tay vi gədəv ɗəffa, vaski, ya Maŋgəlva wazet sulegit pakə. Amma na gəɓa zə ɗəf na tay vi mana'a ɓa, say vi Ɗəfdaya, Ɗəfdaya bo vi gəɓa zə ɗəffa.

1Korintus 8:8

Ya zəga nawzəm azaɓan na wənnam aba Maŋgəlva ɓa. An məzəm ɓa gakdak nam amndan na dərɓe ɓa, an məzəmka, gakdak nam anzlərna akan ɓa.

2Korintus 1:21

Maŋgəlva sən kiyən dəzaɓamə, mənamə də munokum adəv əsap nam də Zezu Krestu. Awelməka.

Galatiyen 6:1

Məlmiŋgiɗwa, an kərəhənək ɗəf tayəɗɗa mambray ko awandi pakə, munokum məs də Əmpəs na Maŋgəlva, məki aka tive mogoni, də wə saa'ən. Məzi zukum də wənnani. Asla zuko, vi nok bo kədawtoŋ adəv mambray ɓa.

Efesus 4:14

Vi məda sam dərɓagan va kirin muzliyeɗ naw rakam də wəsən na ɗəffa va səmnya dit vovolumɗe adaw kanən bəlay. An wətaf na ɗəf dəknah ɓa, asna məɗɗaŋ vurum wambəɗanən də sokene neti.

Efesus 5:6

Kədaw ngereŋ ɗəf dəmbəɗokum gən də ɗarɗar ɓa, vi wənnəska wəda gədəv na Maŋgəlva tayəzan aket ɗii məɓoŋgit aka Maŋgəlva.

Kolosi 2:4

Nədawnah sukum vasna, vi ɗəf adaw mbəɗokum də kuket nani, walla də wəpel na man ɓa.

2Tesaloniki 2:17

dəzɓanən makrokum, də wapsukum sembe nawpelin də wəɗɗa an mogoni.

2Tesaloniki 2:2

Maɗulokum adazlaɓ gu' vas ɓa, kədaw geslne'eŋ an ɗəf annah sukumək na pay na Ɗəfdaya nazan agapka ɓa, kuzuŋ ɗəf wagəɗ kleŋ vaska, walla wapel sukum vaska, walla wanah na mənam məver adəv ɗerewel namə.

1Timote 6:20

Timote, arma wən məs nəpel sukəŋka. Azar səza wən məs ɗar mekeleŋ də wəbay ma net dərweŋge. Də an ɗii adawnahaŋ na ndəni wəsən an də goŋga.

1Yohanna 4:1

Bayneŋgiɗu na makrawa, kədatafən gu'ləŋ ɗəf məzu pel sukum na tay də əmpəsa ɓa, say məsla əmpəs nani, na Maŋgəlvayi sa, vi məs kleŋɗe məwaŋ tepelke tahəŋ diiɗa aka dəlva.

Zuda 1:12

Pay məs kədaw zəmaŋ, tahəŋ ərbaŋ wil sən əsap nokum də wəsim zəga neti. Net say wəɗum aka zit kaaka'ə. Tahəŋ va slay buwən məs səmnya adaw puweni, awzi ɓa. Tahəŋ va wəleŋɗe məs awaŋ ɓa. Ko dəsan pay nawa net zlaŋ awaŋ ɓa. Tahəŋ va wəleŋɗe məptuti, məs dəmtaŋ.

Zuda 1:3

Bayneŋgiɗwa, nəgayək də wənna əver sukum ɗerewel aka wənna əkoh məs məsap akani, amma nulaka nəsokuk zu əver sukum kakaŋka, vi kasɓokum adəv əgay məs mədawgay vi ətaf məs Maŋgəlva apsəm təl taka məkki viyit ɗii nan pakə.