Ibriɗe 13:7 - Nouveau Testament en Guidar

⁷ Məɗumon wənnet ɗii gugiriɗ mərbaŋ sukumən wənna Maŋgəlva lahəŋka. Məɗumon va asoŋ laŋka, va amtaŋ, məsban wətaf neti.

Bible en Guidar

⁷ Məɗɗumon wən net ɗiy gugriɗ nokum məs dərban sukumən əpel na Maŋgəlva. Məɗɗumon va ənziya net agrakə, məzban ətaf neti.

Ibriɗe 13:7 ပူးပေါင်းရင်းမြစ်များ

Matiye 24:45

Məgəɗ wəza awani mogonəŋ di, de maɗulanəŋ di? Ndəni məs daya nan apet sən məɗɗaŋ wəza nan meɓɓet avani, vi dipsitgin zəga nawzəm də pay nani.

Luka 12:42

Ɗəfdaya azlanka: Məgəɗ wəza awani mogonəŋ di, de maɗulanəŋ di? Məs daya nan aɗi aket məɗɗaŋ wəza nani vi dəpsiti gin zəga nawzəm də pay nani.

Luka 5:1

Pay maɓɓani Zezu tay ziwe ama busgum na pe'e na Galile, ɗii bo tahəŋ wə haslanən ziti vi kapprəm wəpel na Maŋgəlva.

Luka 8:11

Aŋki an wən məɗama aɗɗamə: Zemve ndəni wəpel na Maŋgəlva.

Wəza net Masləŋɗe 13:46

Amma Pol də Barnabas apeleŋgək məza də geslne ɓa, aɓɗaŋ na: Dewle say mərban sukum gən wənna Maŋgəlva dabəŋ. Ya amma yaŋ kəɓoŋgoŋgu, kədaɗumoŋ na wakərəhaŋ wəkoh nasuwa ha faɗə ɓa. Waməppokum, waməmbat azet ɗii məza Yahudiyenɗeŋ ɓa.

Wəza net Masləŋɗe 14:23

Atəki məs gəla na zuli asan pak aɗiyaŋgək ɗii gugiriɗ net kretiyenɗe. Azuliyaŋka, asee'eŋgək meme, apetinik ava Ɗəfdaya an məs asənaŋ.

Wəza net Masləŋɗe 4:31

Adan agrakən wəzuli neti təki məs akkalaŋ aɓəlka. Ndəɗaŋ pak aknəhaŋgək də Əmpəs Salala, atəŋgaŋgək wəpel wənna Maŋgəlva məza də geslne ɓa.

Roma 10:17

Vaski, səza əpprəm labara mərbani ətaf ade, labara məs narba bo, səza Krestu ade.

1Korintus 10:13

Wərak məs dərukum pakə, tay rəh ɗii pakə. Amma Maŋgəlva ɗəf də goŋgayi apana ərak dəday gən ki gurom nokum ɓa. An arokokumko, wapsukum gurom naɓəs ərak nani ka kəkohoŋ gəni.

1Korintus 11:1

Məgəm təlwa va naw bo nəgəm təl Krestu.

1Korintus 4:16

Intatə kamokum, məsban wədaw nawa.

Filipi 3:17

Milmiŋgiɗwa, məsbawa, mula wədaw nam azokum va zəga narban sukum wənna, məzi horokum azet ɗii məzu dawaŋ vaska.

1Tesaloniki 1:6

Kəsbanənək wədaw namə də na Ɗəfdaya. Ko kəzəmaŋgək saha diiɗa də aspak kərmanənək wənnan də wənnek məs Əmpəs Salala apsukum.

1Tesaloniki 2:13

Vi wənnani məppana wəɗɗa soko sən Maŋgəlva ɓa, vi kətafənək labara na Maŋgəlva səmamə, kətafən va wəpel net ɗii ɓa, amma va wəpel na Maŋgəlva kətafəni. Gesiŋgi ndəni wəpel na Maŋgəlva məzəɗɗa wəza amakrokum munokum məs kətafaŋ.

2Tesaloniki 3:7

Kəsənənək lewlewi, va məsam annokumda, məsban an va məgəɗə, vi nam mətampəlɗe mənan ɓa.

2Tesaloniki 3:9

Gesiŋ, ɗii nawrəh zəga nawzəm səvokum mənan kəta. Amma məɗɗa zəm vasna, vi wərban sukum na kəgəmən gən təlmə.

1Timote 3:5

An ɗəf dəsən wəziw gən gəla nan mogon ɓana mbari adaw ɓap wəge kretiyenɗe na Maŋgəlva di?

Ibriɗe 13:17

Məpprəm met ɗii gugiriɗ nokum də wəsban tive məs adarban sukuməni. Tahəŋ wəganən zeŋgillekum məza wəfet ɓa, vi waŋɗanən wəza net sən Maŋgəlva. An munokum tatəpprəmən meti, waɗɗanən wəza nan də zit neki, an tay vas ɓana, waɗɗanən wəza net də wərwər amekreti, ya an tay vas na, kərəhaŋ na riba ko suɗike ɓa.

Ibriɗe 13:24

Məsɗet ɗii gugiriɗ nokum pak məzərban sukumən wənna Maŋgəlva, məsɗet ɗii na Maŋgəlva pakə. Milmiŋgiɗəm naka dələv na Italiya asɗokumənka.

Ibriɗe 6:12

Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.

1Piyer 4:11

An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.

Hənhən 1:9

Əntə Zaŋ, məlmukum məs də sap də Zezu, əntatə daw də munokum adəv bonoy, də məlĩ namə də wəɓəsən pak məs taka də munokum. Məɗi wi aka mətuwəra məs adawyaŋ na Patmos, vi nədarban wənna Maŋgəlva də goŋga məs Zezu anahə.

Hənhən 20:4

Yaŋ nula mazeŋgeɗ na məlĩya, ɗii məs dəsoŋ aket bo, arəhaŋgək sembe nawtaw kita. Nulak zeŋgillet ɗii məs məbeyit vi adarbanən goŋga məs Zezu arbanəŋka, gəm vi arbanən wənna Maŋgəlva. Dəzuliyaŋ sənən zəga mamanya ɓa, də foto nan pakə, dətafən lamba nan amirbisit ɓa, walla aza vet ɓa. Tahəŋ maderet də Krestu, tahəŋ wəzəmaŋ məlĩ dəndən gap wəsva dubu taka.

Hənhən 6:9

Yaŋ botol ahok tampoŋ masle'en naka, nulak zeŋgillet ɗii məs məbeyit vi adarbanən wənna Maŋgəlva, vi saydawa məs adaɗɗaŋ də goŋga, atəki nawtaw wəla zəga sən Maŋgəlva nule.