Ibriɗe 13:5 - Nouveau Testament en Guidar

⁵ Kədaw simin deleɗ ɓa, amma say məneken zukum də zəga na vokum. Vi Maŋgəlva anahək na: Nəpok na ɓa, nəsgok na ɓa samə.

Bible en Guidar

⁵ Əŋgla net deleɗ adawgəm maɗɗulokum addəv ədaw nokum ɓa, mənnek də an navokum, vi Daya zək nan amna: Awwo, nəppok na ɓa, nəzgok na ɓa!

Ibriɗe 13:5 ပူးပေါင်းရင်းမြစ်များ

Matiye 6:19

Kəl dah zaɓanən arya nokum a duniya ɓa, atəki na məsuk-sləma də təki zazaya kawray gən ɓa, atəki net maheleŋɗe kaw soo' nən gəleɗe kaw halnən ɓa.

Matiye 6:25

Vi vaski nədawnah sukum: Kədawyanən zukum də wənna zəga naw zəma də zəga naw saa walla wənna lukut ɓa. Zeŋgille tay də sləman dayki wəzəma, zən bo dayki lukut də sləmani, vaski ɓa sa?

Matiye 6:34

Kəda ɗumoŋ vi pumpum ɓa: Vi pumpum waɗumsən kini. Payan digil pak tay gaysən tattuwãh nani.

Markus 7:22

Wəɗɗa mana'a, də wəsim zəga, mambraya, tepelkeɗi, wəŋgla mbrayen, kotoroku, wəra ɗəffa, wəɓay gən ki zuko, də dərwa.

Luka 3:14

Sozeɗ bo azoŋko, assohonənək vaska, aɓɗaŋ na: Nam tam awani dəslə azam naɗɗa di? Azlan sitik na: Kədawtafaŋ arya net ɗii də gagay ɓa walla də saydawa na teperke ɓa, amma məga iya nokum.

Luka 8:14

Zemve an dəbət awalaŋ hogoy tamə, tay va məzupprəmaŋ wənna, wapanən zigeɗ temtem də wəŋgla na arya də nenek na duniya wazəm gən saha na wənnaka, atərna wəray ɓa.

Roma 1:29

Tahəŋ wətafən wən naɗɗa wəza mambray ko muwandi pak pay pakə, aknəhaŋgək də wəsim zəga temtemi, də wəɗɗa zəga nzeɗi də kotoroku, tay bayaŋ gəbaya, tay gayaŋ dit ɗiiyi, məɗɗaŋ vuruməŋ də uwa tepelke.

1Korintus 5:11

Amma wən məs nədaw ver sukum kakaŋkəŋ na, ɗəf məzu ɗi zən va ɗəf na Maŋgəlva, ya kambara kana, məgəɗ mana'ayi, məsim zəgayi, məvoŋ tiveyi, asban matuya, awran ɗəffa, mbazla awbayən, aw hãla, kədawslereŋ dəndən ɓa, kədawzəmaŋ way sap dit ɗii zemvit veskiŋ ɓa.

1Korintus 6:10

walla zel məkpaŋgaŋ va gili, dit məhẽleŋɗe, dit məŋglaŋ riba mbrayen, dit məs mbazla adaw baya, məs kotorokɗe, məzuraŋ ɗiiyi, məvəŋgoŋ tive zemvit ɗi'is pak atoŋgoŋ na Məlĩ na Maŋgəlva ɓa.

2Korintus 4:9

Məzuzelmən diiɗa akayanənək mamə, amma Maŋgəlva dəppam ɓa. Aslbəmənək ha afuŋgu, amma məzə ɓa.

Efesus 5:3

Ɗii na Maŋgəlva kənanaŋ, dəslə wənna mana'a wəza mambraya də wəsim zəga pak dəsan gən awaloŋkam əmpa ɓa, ko əpel wənnan dayday adaw san ɓa.

Efesus 5:5

vi vaski, məgəɗ mana'a, məgəɗ mambray ko məzu sim zəga, məzaɓ tuya, arahaŋ na təki adəv məlĩ na Krestu də Maŋgəlva ɓa.

Kolosi 3:5

Say məbay dambər gən wəsim zəga məs dəmbər azokum, wəɗɗa ɗarɗarə, wəɗɗa mbrayen, də wəɗɗa mana'a, də wəkay zəga mbrayen gəm wəsim zəga (zəga takayi də wəŋgla na zəga də na zuli sən matuya.)

1Timote 3:3

Adawsan ɗəf məs mbazla adawbay ɓa, adawsan mədə gədəv ɓa, amma məzu ɓəs wənna, adawsan məkay mama ɓa, walla məzəŋgla deleɗ diiɗa ɓa.

2Piyer 2:14

Ula net pak say azet gil bərviyeɗi, awyaŋ daɗɗa mambray ɓa. Azaɗənək mazaɗ abet ɗiiyen tahəŋ də sembe ɓa. Azaɓanənək makret pak aka wəsim nawrəh deleɗi. Net Maŋgəlva araygitike.

2Piyer 2:3

Mərbaŋ zəga na tepelkeŋki, tahəŋ wəsimeŋ deleɗi vi kawə sukum wənna də labara ɗarə, vi kawzəm riba səzokum, daga farə, mətaw kita aket azaɓanək zəni.

Zuda 1:11

Aw asbanənək tive na Kaynu. Appanənək kizit sit tepelkeɗi, vi kawrəh deleɗ va Balama agəɗə. Azaŋka, aboŋgoŋko va Koora aɓoŋgu.