Ibriɗe 13:21 - Nouveau Testament en Guidar

²¹ Maŋgəlva dəpsəm zamə, də wəbaah sukum kəɗɗanən gən wəza mogon an məs aŋgəl azokum. Ndən sən kiyən waɗɗa wəza an məs aŋgəl van adəvəmə. Də Zezu adaɗɗani. Gakdak sən Krestuwi ha faɗə dudan. Amin.

Bible en Guidar

²¹ dəkkpaŋgokum nawɓap əɗɗa an moggon pak naɗɗa əŋgla nani; dəɗɗa an nannek zən gesiŋ addəvəm də Yesu Kristu, məs gagdak asan ka nan na sete hã faɗə. Amin!

Ibriɗe 13:21 ပူးပေါင်းရင်းမြစ်များ

Matiye 12:50

Vi ɗəffan dəgəɗ əŋgla na Affu an na disiŋ, ndəni məlmu mizilin gəm məguluŋguta gəm əmma.

Matiye 21:31

Awaleŋgit kirin sules na naway dəgəɗ əŋgla na affən di? Aɓɗaŋ na: An dabəŋ dəɗɗa. Yaŋ Zezu apsit na: Gesiŋ nədawnah sukum: Mətafaŋ zomorgol dit gil məpolkoyeɗ watoŋgoŋ məlĩ na Maŋgəlva dabəŋ kikum.

Matiye 28:20

Mərban sit dərmanən gən an məs nərban sukum pakə. Wanəsaw də munokum pay pak ha wəgrak na dəlva.

Matiye 6:13

Ataɗmə vi Satan ada mbəɗamə, kapan wətaf nam ɓa. Amma agil gəm səva Satan. Vi məlĩ van noki də sembe də gakdaka, ha faɗə. Amin.

Matiye 7:21

Mənahaŋ na: Ɗəfdaya, Ɗəfdaya həŋ nawtoŋgoŋ məlĩ na Maŋgəlva ɓa, say məɗɗaŋ wəŋgla na Affu na disiŋ.

Yohanna 17:23

Intatəɗɗa wəza amekreti, nok tamə istatəɗɗa wəza a makrawa, vi vaski adasoŋ taka gesiŋ. Ndəni duniya adawsənən na, is kəslənwa, kəŋgluwik va kəŋgluwa.

Yohanna 7:17

Ko naway dəŋglu wəɗɗa an məs Maŋgəlva aŋgələ, wasənna wəpel nawəŋ səza Maŋgəlva ade sa, walla də sembe naw nədawpele.

Roma 11:36

Maŋgəlva azəməɗək zəga pakə, səzani zəga pak ade azani adaw milyoŋ pakə bo. Gakdak pak na Maŋgəlvayi ha faɗə. Amin!

Roma 16:27

Məgəɗ səm soko sən Maŋgəlva də iya na Zezu Krestu, ndəni dəsən zəga katər gəni, ha faɗ faɗə. Amin!

2Korintus 9:8

Maŋgəlva tay də sembe napsukum mogon nan temtem pak diiɗa, vi kəsoŋ gən pay pak də zəga nan pakə, an məs mokum akani, ka kəmbataŋ gən abe dəndən də əɗɗa wəza mogon temtem pakə.

Galatiyen 1:5

Gakdak dəsan aza Maŋgəlva ha faɗə. Amin.

Efesus 2:10

Mənam sən kiyəmtə wəzaɗe na Maŋgəlva, vi ndəni dəsɗəwəm də Krestu, vi məgəɗ gən wəza mogoni, ndəɗaŋgəŋ məs Maŋgəlva azaɓet dabəŋ ka məɗɗe gəni.

Efesus 2:18

Vi wənna Krestuwi mənam pakə, Yahudiyenɗe dit ɗii məs dəsənən Maŋgəlva ɓa, mərah wətoŋ aba Maŋgəlva də wəbaah na əmpəs taka.

Filipi 1:11

Zeŋgillekum wasan məknahən də zəga an təstəssə, məs dəde səza Zezu Krestu, vi gakdak na Maŋgəlva də wəɗi kini.

Filipi 2:11

Ndəɗaŋ pak waɗɗaŋ saydawa na Zezu Krestu Ɗəfdaya, gakdak na Maŋgəlva Affəni.

Filipi 2:13

Vi Maŋgəlvayi sən kiyən dədafɗaahan wəŋgla nan amakrokum, də wəpsukum sembe naɗɗa wəza nani, armak wənan vi ka koh gukum.

Filipi 4:13

Wanəɓəs ko mi dəgəɗ di pakə, vi Krestu wavay sembe.

Filipi 4:18

Nərehək zəga məs kəslənən Epafroditus dəndən. Adayək ki wəray naw sawɓa. Tay va wəvəl məs də məŋ gənən neki. Maŋgəlva waneken zən dəndən, watafa.

Kolosi 3:17

Məs kədaɗɗaŋ, məs kədawpeleŋ pak dəsan də iya na Ɗəfdaya Zezu. Vi wənnani, wəkoh nokum pak asani, soko sən Maŋgəlva Ɗəfdaya.

Kolosi 3:20

Munokum kirni məpprəm met migilkum, mogoni aza Ɗəfdaya vaska.

Kolosi 4:12

Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.

1Tesaloniki 3:13

Vi dəsɓan gən mokrokum məza vi kəziweŋ gən aba Maŋgəlva Affəmə, də mambray ɓa salala* aba Maŋgəlva Ɗəfdaya namə, pay wəziya na Ɗəfdaya nam Zezu adazani dit maslayɗe nan məs salala.

1Tesaloniki 4:3

An məs Maŋgəlva aŋgəl na: Ndəni wəsuwa salala*, də wəppan wəɗɗa mana'a.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

2Tesaloniki 2:17

dəzɓanən makrokum, də wapsukum sembe nawpelin də wəɗɗa an mogoni.

1Timote 1:17

Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.

1Timote 5:10

Say ɗak nat wəza mogon nat dərbat gəni, məs təɓay git kirtət mogoni, məzu taf melekeɗi, məzəskoɓ təlit ɗii na Maŋgəlva, məzəbaah sit ɗii adəv saha neti, təsat məgəɗ zev wəza mogon pakə.

1Timote 6:16

Ndəni katər gən məza amta ɓa, tay san atəki babara, ɗəf tay nawɓap wəzar amaŋgavan ɓa, ɗəf tay dula ɗaah ɓa, ɗəf tay nawlan ɓa'a bo. Gakdak də sembe pak nani ha faɗə. Amin.

2Timote 3:17

Vi ɗəf na Maŋgəlva pak wasan təstəssə, azaɓanək zən naɗɗa wəza mogon pay pakə.

2Timote 4:18

Gesiŋ, Ɗəfdaya wakoh gu səza mambray pakə, wagap gu azam adəv məlĩ nan a disiŋ. Gakdak nani pay pakə ha faɗə. Amin.

Ibriɗe 10:36

Say kəsoŋ gən də wəɓəsən, vi kəɗɗanən gən wəŋgla na Maŋgəlva, vi kərəhən gən an məs anah na wapsit ɗii nani.

Ibriɗe 12:23

Kəzoŋguk atəki wəkal net kirtin Maŋgəlva en dabəŋ, en məs məver iya net a disiŋ. Kəzoŋguk aza Maŋgəlva məs nawtaw kita aket ɗii pakə, kəzoŋguk aza zeŋgillet ɗii məs də goŋga, məs Maŋgəlva akpeŋget salala ha faɗə.

Ibriɗe 12:28

Vini kana məgəɗ səm soko sən Maŋgəlva, vi mərah gən məlĩ an aɓəl na ɓa. Məzuli sən Maŋgəlva va an aŋgələ də wəgeslne səni.

Ibriɗe 13:16

Kədasgətaŋ ki wəɗɗa mogon ɓa. Məbaah sən zukum, ndəni sazlaga an məs Maŋgəlva aŋgələ.

1Piyer 2:5

Məde, məkpaŋ gərəm madarokum, karka gəla nasuwa na Əmpəs Salala də munokum. Məppan Zezu Krestu amakrokum dəpsukum gən sembe nakpaŋ məs dəlvəŋge en salala, napsən zəga an dəslə sən Maŋgəlva.

1Piyer 4:2

Təŋ kakaŋka, də wəmbat abe pay nanziya nokum egge pakə, say kədawaŋ gən va an məs Maŋgəlva aŋgələ, məza də mambray ɓa məza va makrokum adaŋgla ɓa.

2Piyer 3:18

Amma məsok zukum məɓay adəv mbəlembəle də wəsən na Ɗəfdaya məzu kohgəmə, ndəni Zezu Krestu. Gakdak nani daga kakaŋka ha faɗə. Amin.

1Yohanna 2:17

Duniya də zəga nadəv pak wagrak də an məs ɗəf aŋgəl adəvən pakə, amma ɗəf məgəɗ əŋgla na Maŋgəlva nan wasan ha faɗə.

1Yohanna 3:22

Ko mi məssoh avani amərahə vi mərmak ma henziŋ nani, mənam tatəɗɗa an məs aŋgələ.

Zuda 1:25

Ndəni Maŋgəlva taka, ndəni dəkoh gəm də Zezu Krestu Ɗəfdaya namə. Gakdak pak nani, də daya daga far farə, vaski dəpaŋka, wasan ha faɗə. Amin.

Hənhən 4:6

Aba mazaŋga na məlĩ naka, pe'e tayadaka, tay wiɗ va darawgal. Aka walaŋ mazaŋga na məlĩ naka, zigeɗ madereket tahəŋ poɗo tuwəɗ kini, zit pak sərət məɗi siti hereti, dərɓegeti də dəɓet pakə.

Hənhən 5:13

Zigeɗ məs məzəmiɗit a disiŋ pakə, dit zigeɗ məs məzəmiɗit aka dəlva məs namba dəlva fuŋ, dit məs na pe'e gəm dit məs məzəmiɗit atəki pakə: Yaŋ adawyaŋ gəlya, vi ɗəf məs dəsan aka mazaŋga na məlĩya, gəm vi botol, də wəɗi kiyən də gakdak pak də sembe pak nani pay pakə ha faɗə.

Hənhən 5:9

Yaŋ adawyaŋ gəlya meleketeni: Əstə kəgap nawgəm ɗereweləŋka. Də wəhok tampoŋ nani, vi məbay kuwi də əmta noki kəmet ɗii sən Maŋgəlva sədəv ma əlfa pak sədəv ma pakə, də zemvit ɗii temtem səmba dələv pakə.