Ibriɗe 13:20 - Nouveau Testament en Guidar

²⁰ Maŋgəlva asil gənək Ɗəfdaya Zezu suweleŋgit ɗii mimtiti, akpaŋgək məzutaɗa meteŋgini, vi wəmta nan məs amtəŋka. Dit mbel nani aziw gən wən minan ha faɗə.

Bible en Guidar

²⁰ Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

Ibriɗe 13:20 ပူးပေါင်းရင်းမြစ်များ

Matiye 26:28

Vi eŋki mbel zuwəŋ ndəɗaŋgəŋ tive nawsleret ɗii də Maŋgəlva azoŋguk viyit ɗii diiɗa, mbel nawsleret ɗii də Maŋgəlvaŋgə.

Markus 14:24

Zezu anahsitike: Eŋki mbel zuwəŋ ndəɗaŋgəŋ tive nawsleret ɗii də Maŋgəlva azoŋguk viyit ɗii diiɗa.

Luka 22:20

Vaski bo agəm zəga naw saa dərɓaga dupeŋ, apsitike, amna: Zəga naw saaŋka ndəni winan wən meleketeni, an məs Maŋgəlva aɗi də mbel nawa, məs dənzoŋ vikum.]

Yohanna 10:11

Əntə məzutaɗa mogoni. Məzutaɗa mogoni tayəpsən zeŋgillen sit timeŋgiɗ nani.

Yohanna 10:14

Əntə məzutaɗa mogoni, nəsinik timeŋgiɗ nawa, timeŋgiɗ naw bo asənwənka. Va Affən asənwa, vaski bo nəsəna. Nəpsənək zeŋgillew vi timeŋgiɗ nawa.

Wəza net Masləŋɗe 13:30

Amma Maŋgəlva asil gənək sətəki əmta.

Wəza net Masləŋɗe 17:31

Vi aɗiyək pay nawtaw kita aka dələv pak də goŋga, də ɗəf məs aweli. Arbanək wən də wəsil gən sətəki əmta.

Wəza net Masləŋɗe 2:24

Amma yaŋ Maŋgəlva asil gən sətəki net ɗii mimtiti, yaŋ akoh gən səma wəssiya na əmta, vi əmta tay də sembe narman ɓa.

Wəza net Masləŋɗe 2:32

Zezu wəŋka Maŋgəlva asil gənək səzet ɗii mimtiti, mənam pak mənam tatəɗɗa saydawa aka wənnani.

Wəza net Masləŋɗe 3:15

Vaski kan kəbayən affən wəkoho. Amma Maŋgəlva asil gənək sətəki əmta. Nam bo saydawiɗ na wənnan mənani.

Wəza net Masləŋɗe 4:10

Munokum ɗii na Israyel pak say məsəna: Ɗəffəŋ adawsan abokum vaŋkəŋ na, vi iya na Zezu Krestu na Nazaretti. Ndəni məs kəkpa'aŋ aka wəlaŋga, amma Maŋgəlva asil gənək sətəki əmta.

Wəza net Masləŋɗe 5:30

Maŋgəlva net dəhiŋgiɗmə məs dəsil gən Zezu səkəti əmta, an məs kəbayaŋ də wəkpa'ən aka wəlaŋga məzliwrihe.

Roma 10:7

Kədawnah bo na: Naway dədappriken avov kpukpum di? Va wənah na: Nawgil gən Krestu suweleŋgit ɗii mimtiti.

Roma 15:33

Maŋgəlva məzapsən zam sən ɗəffa, dəsan də munokum pakə. Amin.

Roma 16:20

Maŋgəlva, məzapsən zam sən ɗəffa, wandapan Satan amba tulkum go'u. Ɗəfdaya nam Zezu Krestu dəɗɗa sukum mbəlembəle nan akokum pakə.

Roma 8:11

Maŋgəlva asil gənək Krestu səkəti əmta. An Əmpəs nan taya makrokum, asna wandəf gən sukum gəɓa zukum məs dəmtə də Əmpəs nani.

1Korintus 14:33

Maŋgəlva dəŋgəl məsam gən də wən ɗarɗar ɓa, say məsam gən zamə. Va an dəslə aza əkkal net ɗii na Maŋgəlva atəki temtem pakə.

1Korintus 15:15

An dəray day na an vaski na, wən nədawa sən Maŋgəlva, vi nəɗɗak saydawa akan na, asil gənək Krestu səkəti əmta. Vaskana, an dəsil gən ɓa, asna gesiŋgi ɗii mimtit asilyoŋ na ɓa.

1Korintus 6:14

Maŋgəlva asil gənək Ɗəfdaya sətəki əmta, nam bo wasil gəm sətəki əmta də sembe nani.

2Korintus 13:11

Yo milmiŋgəɗwa məsoŋ zam kana. Məsok zukum kəsoŋ gən də goŋga, mətaf wənnawəŋ də makrokum taka. Məsoŋ dəsler awalaŋ zukum də əsuwa neki. Asna Maŋgəlva məs dədapsukum əŋgla də əsuwa zam, wasan də munokum.

2Korintus 4:14

Maŋgəlva asil gənək Ɗəfdaya nam Zezu səkəti əmta. Məsənka wasil gəm anam tama'a, də Zezu səkəti əmta, waziw gəm də munokum pak abani.

Galatiyen 1:1

Letərəŋka, səza Pol məs dəsan masləŋ ade. Naw nəsaw masləŋ də əŋgla net ɗii ɓa. Walla dəka ma ɗəf ɓa, amma də əŋgla na Zezu Krestu gəm Maŋgəlva Affəni, məs də sil gən Zezu suweleŋgit ɗii mimtiti.

Efesus 1:20

Ndəni agəɗ pay asil gən Zezu səkəti əmta də zeŋgilleni, aɗiyək a disiŋ dəka van dəzəŋ.

Filipi 4:9

Məɗɗa an məs kəppremaŋ sə maw də an məs nərbə sukum də wəpel nawa də wədaw nawa. Maŋgəlva məs dədapsəm zam dəsan də munokum.

Kolosi 2:12

Adan kərəhaŋgək baptem, kəkpaŋgaŋgək va məndəkkum də Krestu. Dəndəni kədawsilyoŋ sətəki əmta də zeŋgille meleketeni, vi kətafən sembe na Maŋgəlva məs asil gən Krestu sətəki əmta.

1Tesaloniki 1:10

Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

2Tesaloniki 3:16

Ɗəfdaya Affən zamə dəpsukum zam nan pay pakə, də tive temtem pakə. Ɗəfdaya dəsan də munokum pakə.

Ibriɗe 10:22

Vini kana say məzar səm aza Maŋgəlva də makram an də goŋga, də wətaf an də sembe, makram an salala səza mambraya, gəɓa zəm bo məslayni dit iŋkile məs salala.

Ibriɗe 10:29

Yas dərəŋ kan an ɗəf azelenək Wətən Maŋgəlva*, an awlak mbel na wən minan məs dəskoɓən va zəga ɗar mekeleŋ na, an aranək Əmpəs na mbəlembəle gesiŋ na, nan wara kita məs dəday pak də tattuwãha.

Ibriɗe 9:20

Amna mbeliŋki, ndəɗaŋ dəɓəlanən wən məs Maŋgəlva aynan ka kəsbanən gəni.

1Piyer 1:21

Vi zəzay nani kərəhən ətaf Maŋgəlva, Maŋgəlva məs dəsil gən sətəki əmta, apsənək gakdaka, vi wətaf nokum də wəɗum nokum dəsan gən aza Maŋgəlva.

1Piyer 2:25

Lahəŋka munokum tat va timeŋgiɗ məzeti, amma kakaŋ na kəzoŋguk aza məzutaɗa məzuga zeŋgillekum.

1Piyer 5:4

An məzutaɗa an daya adek na, wakərəhaŋ mətər kiya an də gakdaka, an məza awray ɓa.