Ibriɗe 13:16 - Nouveau Testament en Guidar

¹⁶ Kədasgətaŋ ki wəɗɗa mogon ɓa. Məbaah sən zukum, ndəni sazlaga an məs Maŋgəlva aŋgələ.

Bible en Guidar

¹⁶ Kədazgətaŋ ki əɗɗa moggon gəm əbbah sən zukum addəv əsap nokum ɓa, vi əzaɓ-Maŋgəlva zev aski dədannek zə Maŋgəlva.

Ibriɗe 13:16 ပူးပေါင်းရင်းမြစ်များ

Luka 18:22

Adan Zezu apprəm vaska, apsən na: Apəl sukuk zəga taka əmpa: Avəl zəga nok pakə. Apsit məs sahaŋɗe, asna akərah arya məzaɓan a disiŋ. Asna kəde gən wəsbawkana.

Wəza net Masləŋɗe 10:38

Kəsəŋgənək labara na Zezu na Nazaret, məs Maŋgəlva apsən sembe na Əmpəs Salala. Abalək ko aŋga wəɗɗa wəza mogoni, ambəl gitik ɗii məs Satan adawzəm git saha pakə, vi Maŋgəlva tay dəndən.

Wəza net Masləŋɗe 9:36

Awalaŋ gəla na Zoppe, ɗak tatadaka, iya nat na Tabita, ɗak na Maŋgəlva tə. (Də manet Grekɗe na iya nat na Dorkas, va wənah na mune). Pay pak tatəɗɗa wəza mogoni, tatə baah sit məzurayɗe.

Roma 12:13

Məbaah sit milmiŋgiɗkum də arya nokum azani, mətef melekeɗ eŋgil annokum da lewlewi.

Galatiyen 6:10

Vi vaski an mərahək pay nan na, məgəɗ səm mogon azet ɗii pakə, an dəday əmpana azet milmiŋgiɗəm en məs dətafaŋgə.

Galatiyen 6:6

Ɗəf məzu yagan zəga say duɗakan zəga nan də ɗəf məzərban səni.

Efesus 4:28

An ɗəf məhaliay lahəŋka, adaw hal ɗaah ɓa, amma ɗəɗaah dəgəɗ wəza devan va an dəslə azani, dərah gən an məs ada baah sən məs saha.

Filipi 4:14

Amma kəɗɗaŋgək mogon də wəbaah su kakaŋ adəv wən tattuwãh nawa.

Filipi 4:18

Nərehək zəga məs kəslənən Epafroditus dəndən. Adayək ki wəray naw sawɓa. Tay va wəvəl məs də məŋ gənən neki. Maŋgəlva waneken zən dəndən, watafa.

1Tesaloniki 5:15

Məzi zukum ɗəf adamnda gan sən ɗəf mambray də mambray ɓa, amma məsban wəɗɗa mogon pay pak awalaŋ zukum də azet ɗii pakə.

2Tesaloniki 3:13

Annokum nədawnah sukum milmiŋgiɗwa, kədawyaŋ daɗɗa mogon ɓa.

1Timote 6:18

Anahsiti, dəɗɗaŋ gən mogoni, wəza dəsan gən arya neti dəsoŋ məzuvəlaŋ, də əbaahaŋ sitin ɗii meɓɓet də arya neti.

Filemon 1:6

Intatəssohon Maŋgəlva vi wəkkal nam məs dəsapam də ətafa, də baah səmə gən ərban səm zəzay məs mərah də Krestu.

Ibriɗe 6:10

Maŋgəlva məs də goŋgayi, asgət na ki wəza nokum ɓa, walla wənna əŋgla nokum məs kərbaŋ sənən də wəbaah sit ɗii məs dətafaŋ, milmiŋgiɗ kuməŋ, munokum tatəbaahaŋsit kakaŋka'a.

3Yohanna 1:11

Baynaw na makrawa, kədasban wəɗɗa mambray ɓa, say asban wəɗɗa mogoni. Ɗəf məgəɗ mogon pak Wətən Maŋgəlvayi, amma məgəɗ mambray na, nan dəɓəl əsən Maŋgəlva ɓa.