Ibriɗe 12:28 - Nouveau Testament en Guidar

²⁸ Vini kana məgəɗ səm soko sən Maŋgəlva, vi mərah gən məlĩ an aɓəl na ɓa. Məzuli sən Maŋgəlva va an aŋgələ də wəgeslne səni.

Bible en Guidar

²⁸ Adan məlĩ məs aɓəl na ɓa mərahə, mərma səm mbəlembəle van lewlewi. Məgəɗ səm wəza nannek zən Maŋgəlva də mbəlembəle vani, də əɓe'səni gəm də əgeslne' səni.

Ibriɗe 12:28 ပူးပေါင်းရင်းမြစ်များ

Matiye 25:34

Məlĩ wanah sit ɗiiyen naka van dəzəŋ na: Mide munokum məs Affu agəɗ sukum zəzaya, mətoŋ adəv məlĩ an məzaɓan vikum daga wətəŋ na dəlva fuŋ.

Luka 1:33

Wazəm məlĩ aket Israyelɗe ha faɗə, məlĩ nan agrak na ɓa.

Roma 11:20

Gesiŋ, ya amma məŋgohən na, vi dəŋgereŋ ətaf ɓa yi. Nokum bo məntepekum na, vi kətafaŋgi, vi vaski kədaw kaɓaŋ ɓa, say məgeslne'i.

Efesus 1:6

Mə gakdakan səm mbəlembəle nan məs məsam gərəŋ akani, məs andol səm də Wətən an tabuwa nani.

Efesus 5:10

Məsok zukum uɗakan wən məs dəda neken zə Ɗəfdaya.

Filipi 4:18

Nərehək zəga məs kəslənən Epafroditus dəndən. Adayək ki wəray naw sawɓa. Tay va wəvəl məs də məŋ gənən neki. Maŋgəlva waneken zən dəndən, watafa.

Ibriɗe 10:19

Milmiŋgiɗwa, vi mbel na Krestu məs dəziyaŋ mərah tive nawtoŋ atəki məs salala diiɗa.

Ibriɗe 13:15

Məpsən səm zəga sən Maŋgəlva məza wəppan gabban ɓa, ndəni wəgakdakani, tay va zəga mətaw wəlan də Zezu va wənah na məgakdakan səm iya nan ɗayɗay də mamə.

Ibriɗe 13:21

Maŋgəlva dəpsəm zamə, də wəbaah sukum kəɗɗanən gən wəza mogon an məs aŋgəl azokum. Ndən sən kiyən waɗɗa wəza an məs aŋgəl van adəvəmə. Də Zezu adaɗɗani. Gakdak sən Krestuwi ha faɗə dudan. Amin.

Ibriɗe 3:6

Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Ibriɗe 4:16

Vi wənnəski məde səm aza Maŋgəlva məza də geslne ɓa makram taka atəki məs mbəlembəle asani, mərah gən ula saha nan adaka, ko pay wəvir nam asan pakə.

Ibriɗe 5:7

Daga Zezu adawsan aka dəlva, azulik də wəkkaman Maŋgəlva də wəhəm dit sini, vi Maŋgəlva waɓap wəkoh gən səma əmta. Maŋgəlva bo apprəmək wəkkam nani vi tay ɓəsən də gakdakan zən ɓa.

1Piyer 1:17

An munokum tatə zuliyaŋ sən Maŋgəlva, munokum tatə yanən na əbba. An tay taw kita aket ɗiiyi awɗeket na ɓa, ko naway pak va aza wəza nan məs agəɗə. Vi vaski, adəv pay nanziya nokum aka dəlvəŋka, məpprəm mani.

1Piyer 2:20

Madaw tər sukum an kəɓəsənək əraga aka mambray nokum di? Amma an kəɓəsənək də wəzəm saha nani vi wəɗɗa mogoni, asna Maŋgəlva wagəɗ sukum zəzaya.

1Piyer 2:5

Məde, məkpaŋ gərəm madarokum, karka gəla nasuwa na Əmpəs Salala də munokum. Məppan Zezu Krestu amakrokum dəpsukum gən sembe nakpaŋ məs dəlvəŋge en salala, napsən zəga an dəslə sən Maŋgəlva.

Hənhən 1:6

Aɗɗəmək məlĩyeŋge məs dəlveŋge, ka məgəɗ gən wəza vi Maŋgəlva. Affən gakdak də sembe pak dəsan na Zezu Krestu ha faɗə. Amin.

Hənhən 15:4

Ɗəfdaya naway məza aw geslne suk ɓa di? Naway məza aw gakdokok ɓa di? Vi əstə salala* kaaka'ə, ɗii naka dələv pak wazoŋ wəkdukoŋ aboko, wazuliyaŋ sukuni. Vi wəza nok pak təstəssi, tayərban zən appaka ta'ə.

Hənhən 5:10

Yaŋ kəɗɗe dəsoŋ gən məlĩyeŋge də məs dəlveŋge na Maŋgəlva, wazəmaŋ məlĩ aka dəlva.