Ibriɗe 12:24 - Nouveau Testament en Guidar

²⁴ Kəzoŋguk aza Zezu məs dinan labara meleketeni, də azet mbel məkso'it məs dərbanən zəga mogon dayki mbel na Abel.

Bible en Guidar

²⁴ gəm aza Yesu metive na wənmiyna meleketeni, gəm azet mbel naksu' dədawpeleŋ daykiyit en na Abel əmpa.

Ibriɗe 12:24 ပူးပေါင်းရင်းမြစ်များ

Matiye 23:35

Mbel net ɗiiyen təstəssəŋ dəziyaŋ aka dəlvəŋ pakə, daga mbel na Abel məs təstəssə, ha gap mbel na Zekari wətən Baraki an məs kəbayaŋ akawalaŋ gəla də təki nawtaw wəla zəgaŋka, wazoŋ akokum pakə.

Matiye 26:28

Vi eŋki mbel zuwəŋ ndəɗaŋgəŋ tive nawsleret ɗii də Maŋgəlva azoŋguk viyit ɗii diiɗa, mbel nawsleret ɗii də Maŋgəlvaŋgə.

Markus 14:24

Zezu anahsitike: Eŋki mbel zuwəŋ ndəɗaŋgəŋ tive nawsleret ɗii də Maŋgəlva azoŋguk viyit ɗii diiɗa.

Luka 11:51

Daga wəbay na məs kleŋ Abel, ha məs kleŋ Zakari məbayən akawalaŋ təki salala də təki nawtaw wəla zəga. Vaski nədaw nah sukum, ɗiiyen kakaŋ kiŋki, kita armeke vi gəbayɗe abayaŋgiŋki.

Luka 22:20

Vaski bo agəm zəga naw saa dərɓaga dupeŋ, apsitike, amna: Zəga naw saaŋka ndəni winan wən meleketeni, an məs Maŋgəlva aɗi də mbel nawa, məs dənzoŋ vikum.]

Galatiyen 3:20

Amma metive van tay vi ɗəf taka ɓa, amma Maŋgəlva nan takayi.

1Timote 2:5

Vi Maŋgəlva takayi, ɗəf maɓɓan tayaka walaŋgəm də Maŋgəlva, ɗəf takayi, ndəni Zezu Krestu.

Ibriɗe 10:22

Vini kana say məzar səm aza Maŋgəlva də makram an də goŋga, də wətaf an də sembe, makram an salala səza mambraya, gəɓa zəm bo məslayni dit iŋkile məs salala.

Ibriɗe 11:28

Atafək Maŋgəlva ndəni aɗɗa wəzləra na Paska*, aɗiyək wənnan sit Israyelɗe dəkso'in gin mbel nan aza maddamba, vi maslay na əmta adawbay sit kirtit tiziɗe net ɓa.

Ibriɗe 11:4

Abel atafək Maŋgəlva, ndəni apsən sazlaga an mogon sən Maŋgəlva dayki Kaynu. Vi wətaf nani Maŋgəlva apel wən təstəs akani, vi Maŋgəlva sən kiyən atafək sazlaga nani. Ko də amtə pakə, apel səmək də wətaf nani.

Ibriɗe 13:20

Maŋgəlva asil gənək Ɗəfdaya Zezu suweleŋgit ɗii mimtiti, akpaŋgək məzutaɗa meteŋgini, vi wəmta nan məs amtəŋka. Dit mbel nani aziw gən wən minan ha faɗə.

Ibriɗe 7:22

Vini məsənək gesiŋ, Zezu tay də wən minan metiŋgin dayki an laŋka.

Ibriɗe 8:13

Adan apel wənna wən minan meleketeni, Maŋgəlva akpaŋganək an dabəŋ wən məsvani. Asna an məsvanəŋ wagrak gu kana.

Ibriɗe 8:6

Amma kakaŋ na Zezu arehək wəza na məs dələv day kiyən neti. Vaski bo wən məs minan akawalaŋ Maŋgəlva dit ɗiiyi, adayək ki an laŋka də sləmani, Maŋgəlva aziw gənək də wənnaman də sembe dayki laŋka.

Ibriɗe 8:8

Amma Maŋgəlva arəhək mambray azet ɗii neti, vi anahək na: Pay tayəzani, waninan wən meleketen dit ɗii na Israyel də zev Zuda. Vaski Ɗəfdaya anahə.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

Ibriɗe 9:19

Dabəŋ nani Moyis arbanək dawka pakə, va məverin adəv ɗerewel na ma henziŋ. Yaŋ agim mbel na wazli megeɗge sap git dit iŋkile, yaŋ aksu aka ɗerewel na ma henziŋ dit ɗii pakə də gaslamba na isop gəm dit uliɗ peppreŋɗe.

Ibriɗe 9:21

Vaski bo, Moyis aksu mbel aka gəla na gabaga də aka zəga na wəza pakə, nasban wənna Maŋgəlva.

1Piyer 1:2

Kəkpaŋgaŋgək muwelkum vi wənna əŋgla na Maŋgəlva Affən. Əmpəs nan aɗukumko kəsoŋ gən məzəsbanən Zezu Krestu, vi mbel nan dəskoɓ kumən gəni. Mbəlembəle də zam dənzlər sukum.