Ibriɗe 12:2 - Nouveau Testament en Guidar

² Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Bible en Guidar

² haram sekke aka məs dətəŋ gabba ətafa gəm dədaknahani, ana Yesu, ndən məs dəppan ənnek nani, dəɓəs məzliwrihe, əzele, wili, məs dəsan aka dəzəŋ na mazaŋga na Maŋgəlva.

Ibriɗe 12:2 ပူးပေါင်းရင်းမြစ်များ

Matiye 16:21

Yaŋ daga pay nani Zezu atəŋ wəpel sit gewleɗ nan məza məɗamma ɓa, amna: Aslək ndaw gən a Zerusalem, ɗii na dələv dit milyeŋge məs dəlveŋge məsənaŋ zəga na ma henziŋ wazəm guwən saha daka, wabaywəni, amma pay ma hoko'o wanəsil səki əmta.

Matiye 20:28

Ko Wətən dəffa dəde vi ɗii dəɗɗaŋ sənəŋ gən wəza ɓa, amma vi dəgəɗ gən wəza sit ɗiiyi, apanək zeŋgillen vi kawkohgit ɗii diiɗa.

Markus 14:36

Amna aw Affu nawa azok na ko mi pak tay tuwãh ɓa. Azargət həloŋ na bonoy kəŋ səzawa. Amma agəɗ va an nəŋgəl ɓa, say va an kəŋglə.

Markus 15:28

[Agəɗ vasna vi an məverin adəv ɗerewel dəgrak gəni amna: Məŋɗani aweleŋgit ɗii mbrayti.]

Markus 16:19

[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

Markus 9:12

Azlansitike: Gesiŋ Eliyas wade dabəŋ, dəzaɓet gən zigeɗ pakə, yaŋ vaski na vi mi ɗerewel adawnah na dewle Wətən Ɗəf wasə bonoy diiɗa, ɗii wazelini di?

Markus 9:24

Go'ləŋgə affən wiyən aɗiyək geŋgere: Nətafəka, abaah suwa, amma tattuwãh taya zaw də wətafən.

Luka 17:5

Yaŋ masləŋɗe apsənən Ɗəfdaya na: Apsəm meŋgesl wətafa.

Luka 23:11

Herodə dit sozeɗ pak anahaŋgək wən azani. Dərɓaga apeleŋ wən azani, agul sənək lukut mogoni, amil gənənək aza Pilatu.

Luka 24:26

Ya say an Messiya* azəmək sahayi kan dətoŋ gən adəv gakdak nan ɓa sa?

Yohanna 1:29

Yaŋ vit pumpum nani, Zaŋ awlak Zezu dazan azani, amna: Andaki botol na Maŋgəlva naw gəm mambray na dəlva.

Yohanna 12:24

Gesiŋ nədawnah sukum: An zemve na alkamari məslgani ɓa, an dəmtə ɓa wasan katər gəni. Amma an amtəka, asna waɗi aran diiɗa.

Yohanna 12:32

Naw an nəpeŋgək a disiŋ na, wanətiɗ ɗii naw pak azawa.

Yohanna 13:3

Zezu asənka, daga səza Maŋgəlva ade, wamil aza Maŋgəlva əmpa, Maŋgəlva apsənək sembe aka zəga pakə.

Yohanna 6:40

Apprəm an məs Affu aŋgələ: Ko naway dula Wətən Ɗəffa* dətafa, warah zeŋgille ha faɗə, wanəsil gən səkəti əmta pay wəgrak dəlva.

Yohanna 8:56

Abraham dəhəkum zən anekək nawla pay nazaawa, awlaka anekenək zəni.

Wəza net Masləŋɗe 2:36

Vi vaski say Israyelɗe pak dəsənən gesiŋ na, Zezu wəŋka, ndəni məs kəkpa'aŋ aka wəlaŋga məzliwrihe, ndəni Maŋgəlva aziw gəni dəsan gən Ɗəfdaya Messiya.

Wəza net Masləŋɗe 3:15

Vaski kan kəbayən affən wəkoho. Amma Maŋgəlva asil gənək sətəki əmta. Nam bo saydawiɗ na wənnan mənani.

Wəza net Masləŋɗe 5:31

Maŋgəlva bo agakdakanəka, aɗiyək aka van dəzən dəsan gən daya, məzu koh git ɗiiyi, dərban gən wənna tubiya də wənna viyan mambray net ɗii na Israyel.

Wəza net Masləŋɗe 5:41

Masləŋɗe agilyoŋguk suweleŋgit məzu səɓaŋ, ambataŋka, zit annekik diiɗa vi Maŋgəlva aɗiyik ka ɗii məs dəgapaŋ nawzəm saha vi iya na Zezu.

1Korintus 1:18

Wərban wənnamta na Zezu Krestu aka wəlaŋga məzliwrihe, wənnan tay va dərwa azet ɗiiyen məsənaŋ zəga, amma azam mənam naka tive nawkoh na, ndəni sembe na Maŋgəlva.

1Korintus 1:23

Amma nam na mənam tatə nah wənna Krestu məkpa'ən aka wəlaŋga məzliwrihe, wənnan na mgbay git Yahudiyenɗeyi, ɗiiyen məza Yahudiyenɗeŋ ɓa tamə, azet na va wənna dərway.

Efesus 2:16

Də əmta nan aka wəlaŋga mezliwrihe azar gən wəzele, də məzliwrihe nan vani asapan əlfa sula pak adəv gəɓa zən taka, asleretik də Maŋgəlva.

Efesus 5:2

Say kəɗɗanən gən də əŋgla. Muɗumon va Krestu aŋgələmə, apanək ki zən vimə, ka sazlaga mətaw wəlan aba Maŋgəlva dəfok gən nek akani.

Filipi 1:6

Nəsənək fəkat Maŋgəlva dətəŋ wəza mogon amakrokum, wadaw dəndən ha gap wəgrakən də pay məs Zezu Krestu adazzani.

Filipi 3:20

Vi namə, gela nam a disiŋgi. Sədaki mədaw ga məzu koh gəmə, ndəni Ɗəfdaya Zezu Krestu.

2Timote 4:8

Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Ibriɗe 1:13

Maŋgəlva dənah sən ɗaah maslay na: Asok aka vaw dəzəŋ, nəvoŋgiti gən məzuzel kun ka təki naw ɗi tulko ɓa.

Ibriɗe 1:3

Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Ibriɗe 10:14

Də sazlaga təl taka kaaka'i Zezu asan ɗəf naskoɓ mambray net ɗii pakə, akpaŋgetik təstəssə ha faɗə.

Ibriɗe 10:33

Aretinik ɗii meɓɓet suwalakum, akayanənək meti, amma kəziw gitinik ɗii məs məzəm git saha neki.

Ibriɗe 11:36

Ɗii na duniya amasaŋgək aket ɗii meɓɓeti, avirinke, aɓrukinik ɗii meɓɓeti, asgetinik a daŋgay.

Ibriɗe 12:3

Məɗumon bonoy məs assə, va aɓəs wəkay mama net məɗɗaŋ mambray aɗɗaŋ azani. Wənnəs wabaah sukum, vi makrokum adawyokum ɓa, kapan wənnan ɓa.

Ibriɗe 13:13

Say mədamsa zani ama poho na təki nani, vi məsap gən dəndən də wəɓəs wil nani.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Ibriɗe 7:19

Vi ma henziŋ na Moyis aɓapna kaɗɗa ɗəf təstəs ɓa, amma an məs mədaw ga adek kana, ndəni dədaw kəm gu'o də Maŋgəlva.

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Yakob 2:1

Milmiŋgiɗu na makrawa, adan kətafənək Ɗəfdaya nam Zezu Krestu məs də gakdaka, kədawɗeketin ɗii vi wənna arya ɓa.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.

Zuda 1:21

Məga zukum adəv əŋgla na Maŋgəlva. Adan munokum tatə ganən Ɗəfdaya nam Zezu Krestu dəpsukum gən mbəlembəle də zeŋgille nasuwa ha faɗə.

Hənhən 1:11

Amna: Aver zəga məs kuwələŋ adəv ɗerewel, aslən ɗerewel nan azet kretiyenɗe buhul naka dələv temtemi, na Efesus, na Samirna, na Pergame, na Tiyatira, na Sardis, na Filadelfiya, də na Lawdikiya.

Hənhən 1:17

Səza nula vaska, nəsbərək amba tələn afuŋ va məmtuwa. Aɗiyək van dəzəŋ akawa amna: Kənzok geslne ɓa. Əntə wətəŋ na zəga, əntə bayma na zəga nani.

Hənhən 1:8

Ɗəfdaya Maŋgəlva amna: Amin. Əntə A, əntə Z. Ɗəf məs kakaŋka, məs laŋka'a, də məs dədazani.

Hənhən 2:8

Aver aza maslay net kretiyenɗe na Samirna: Ɗəffan dabəŋ ndəni bayma, amna: Ɗəf məs dəmtə asilik səkəti əmta.