Ibriɗe 12:1 - Nouveau Testament en Guidar

¹ Mənam tat dit ɗii məɗɗaŋ saydawa nam diiɗa, wənnet atuwəɗək kiyəm va ernene. Vini kana, say məsgan səm zəga məs dədawsan gədak azam pakə, say məsgan səm zəga naw sla na mambraya, məs dədawsap azam də gambara nani. Say məgrak səm wənzuwa nam naway nawgap dabəŋ di.

Bible en Guidar

¹ Vas kan na, nam pak miziweɗe tahəŋ kiyəm tərwəsl va ernene, məzgan səm zəga nawsla gagdaka gəm mambray pak məs dəsərək əsulək kiymə, məɓəssəm tatwãh məs adaɗɗaŋ səmən də əsok zəmə,

Ibriɗe 12:1 ပူးပေါင်းရင်းမြစ်များ

Matiye 10:22

Ɗii namba dələv pak wazelkuməni viwa. Amma ɗəf an dədawgan ha aza wagraka wakohu.

Matiye 24:13

Amma məs dəsok zən ha gap wəgrak nani, wakohu.

Markus 10:50

Yas asgan lukut metiŋ nani, asili ade aza Zezu.

Luka 12:15

Yaŋ anah sit ɗii pakə: Məsla zukum səza əŋgla na arya, vi arya anneken na ənziya egge na ɗəf ɓa ko dəsan məs arya vami zlaŋ.

Luka 16:28

Vi milmiŋgiɗu tahəŋ sle, dənah sit gən wənəŋ pakə, vi ndəɗaŋ bo adazoŋ atəki nawzəm sahaŋ ɓa.

Luka 21:34

Məga zukum vi mokrokum adaɗum də wənna wəzəm ɓa, də wənna saa ɓa, də ula zəga na duniya ɓa, vi pay nan adazan akokum, mədəgbirzike ɓa.

Yohanna 3:32

An məs awələ, an məs apprəmə, anani adawpele, amma ɗəf tay ko taka dətaf saydawa nan ɓa.

Yohanna 4:39

Samariyeɗ nawalaŋ gəla nan diiɗa atafənək Zezu. Vi guluk nak tənah sitik na: Anah suwək an məs nəgəɗ far far pakə.

Yohanna 4:44

Zezu sən kiyən anahək na: Məs kleŋ arah na gakdak aka dələv nan ɓa.

Roma 12:12

Məneken zukum də zəga məs kədawgaŋ, məɓəs bonoy, məsok zukum əzuli pay pakə.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

2Korintus 7:1

Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

Galatiyen 2:2

Nəmbatək dəka hənhən an məs Maŋgəlva arban su nəɗɗa gəni, akki wəkkal məs nərah dit ɗii gugiriɗe, nəboton sitik pak Wən Nenek məs nərban sit ɗii məs dəsənən Maŋgəlva ɓa. Maw tayaka wəza naw an lahəŋ də zəgən mekeleŋ ɓa, ko an kakaŋ.

Galatiyen 5:7

Munokum tatə dawaŋ mogoni, naway dətak kikum dasban goŋga di?

Efesus 4:25

Vi vaski məppan uwa tepelke! Ko naway dəpel goŋga aza meggeni, vi gəɓa zəm taka mənan adəv Krestu.

Filipi 1:30

Məsok zukum ama wəgay də ina, wəgay nan va məs kulaŋ azawa, va məs keppremaŋ azaw kakaŋka.

Filipi 2:16

Mərma wənna koh nokum vi nəɗɗi gən kikum pay naziya na Zezu Krestu. Vi wəza nawa, də wəzəm saha nawa, tay ɗar mekeleŋ ɓa.

2Timote 2:4

An soze tayəɗɗa wəza, say wəŋgla nan pak naɗɗa wəza an nanek zə daya nani, aɗum na aka wəzəm na gəɓa zən ɓa.

2Timote 4:7

Nəgayək mogon sawɓa, nəgrakək wənzuwa dabəŋ nawa, nərmak wətafa.

Ibriɗe 6:15

Abraham agak də wəɓəsən, ndəni arəh zəga an məs Maŋgəlva anahsəni.

Yakob 1:3

Vi kəsənənka pay wən tattuwãh asla wətaf nokum, an munokum tat ɓəlɓəl də wətaf nokum, waɓəlokum aka an məs kəɓəsaŋ.

1Piyer 2:1

Vi vaski məppan mambray sə makrokum pakə, məppan uwa tepelke, də prufprufu, kədaɗɗaŋ kotorok ɓa, kədaraŋ ɗəf ɓa.

1Piyer 4:2

Təŋ kakaŋka, də wəmbat abe pay nanziya nokum egge pakə, say kədawaŋ gən va an məs Maŋgəlva aŋgələ, məza də mambray ɓa məza va makrokum adaŋgla ɓa.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

1Piyer 5:12

Nəver sukum wənnəs suɗike də əbaah na Silas, ndəni məlmu an nəsən fəkatə vikum. Mawaka əsɓokum, də əɗɗa sukum, saydawa aka wənnəska, ndəni mbəlembəle an gesiŋ gesiŋ. Məsok zukum də sembe adəvən.

2Piyer 1:6

də ərma zə ɗəffa də əsok zə ɗəffa də əɓe sən Maŋgəlva,

Hənhən 1:9

Əntə Zaŋ, məlmukum məs də sap də Zezu, əntatə daw də munokum adəv bonoy, də məlĩ namə də wəɓəsən pak məs taka də munokum. Məɗi wi aka mətuwəra məs adawyaŋ na Patmos, vi nədarban wənna Maŋgəlva də goŋga məs Zezu anahə.

Hənhən 13:10

An məs dədaw ɓəsən dəsan gən mədaŋgay, dewle mədaŋgay adawsani, ɗəffan məs dəsan nawbay də kafahi, dewle də kafahi adawbayini. Aski kan an ɗii na Maŋgəlva adawɓəsaŋ də wətafən.

Hənhən 22:16

Əntə Zezu nəslənək maslay nawa dəpel sukum gən wənnəs pakə, azet Kretiyenɗe pakə. Əntə əlfən Davit, əntə baŋgay naba pumpum məzuwiɗe.

Hənhən 3:10

Vi kəgak wəpel nawa də wəɓəsən, naw bo wanəguk sədəv pay na bonoy məs dədazan aka dələv pakə, vi kawsle ɗii naka dələv pakə.