Ibriɗe 11:27 - Nouveau Testament en Guidar

²⁷ Moyis atafək Maŋgəlva vini də geslne sən wəda gədəv na məlĩ ɓa, amma agilik sə Misra. Ko dəɓəl ɓa sam, Vakəmna awlak Maŋgəlva an məza awlanən ɓaŋka.

Bible en Guidar

²⁷ Də ətafi azar sə Eziptə məza əgeslne sən ədagədəv na məlĩ ɓa, tay ziw ɓəlɓəl va ɗəf məzula məs hara ɗəf awlan ɓa.

Ibriɗe 11:27 ပူးပေါင်းရင်းမြစ်များ

Matiye 10:22

Ɗii namba dələv pak wazelkuməni viwa. Amma ɗəf an dədawgan ha aza wagraka wakohu.

Matiye 24:13

Amma məs dəsok zən ha gap wəgrak nani, wakohu.

Markus 13:13

Ɗii namba dələv pak wazelkuməni viwa. Amma ɗəf an dədawgan ha aza wəgraka wakohu.

Markus 4:17

Amma wənna Maŋgəlva dəmpa siwerin amekret ɓa, wasoŋ pay suɗike, vi vaski an wən tattuwãh də wərmama asilik vi wənna Maŋgəlva, wapanən wənnan go'ləŋgə.

Wəza net Masləŋɗe 2:25

Yaŋ Davit anah aka wənan na: Intatula Ɗəfdaya baw pay pakə, tayaka va dəzəŋ nawa, vi nədaw geslne ɓa.

1Korintus 13:7

Ɗəf məs də əŋgla, waɓəs zəga pakə, ətaf nani də məs adaɗum nawga, də əɓəs nani pak avir sən na ɓa.

2Korintus 4:18

Məzi na haram aka zəga məs nawla də haram ɓa. Amma say aka zəga məs awla də hara ɗəf ɓa. Vi zəga məs nawla, asana faɗ ɓa, amma zəga məs awla ɓa, ndən dədawsan ha faɗə.

Kolosi 1:15

Krestu tayərban səm Maŋgəlva məs awlanən ɓa, vi Krestu van agilik va ndəni. Ndəni Tizi na zəga məs Maŋgəlva azəməɗ pakə.

1Timote 1:17

Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.

1Timote 6:16

Ndəni katər gən məza amta ɓa, tay san atəki babara, ɗəf tay nawɓap wəzar amaŋgavan ɓa, ɗəf tay dula ɗaah ɓa, ɗəf tay nawlan ɓa'a bo. Gakdak də sembe pak nani ha faɗə. Amin.

Ibriɗe 10:32

Məɗumon va kəsoŋ laŋka pay nokum dəpaska, dərɓagan kan Maŋgəlva akasakkum də təki babar nani, kəsaŋgək bonoy diiɗa, amma dəday kikum sembe ɓa.

Ibriɗe 11:1

Wətafa ndəni dədarban gesiŋ na zəga an mədawga. Də wəsənən gesiŋ na zəga tay, amma mulani də hara ɗəf tagay ɓa, ya tay.

Ibriɗe 11:13

Ɗiiyis pak amtaŋgək də wətaf Maŋgəlva. Amma dərəhən an məs Maŋgəlva anah na wapsit naka ɓa, amma awlanənək zəga nani asɗanənək zəga nan səka faraɗa, wil didenən dasoŋ aka dələv net ɗii va malekeɗ a duniya ɓa.

Ibriɗe 6:15

Abraham agak də wəɓəsən, ndəni arəh zəga an məs Maŋgəlva anahsəni.

Yakob 5:11

Mənam tatə ɗiyit ka ɗii məs dərəhaŋ zəzaya, vi dəpanən wəɓəs net ɓa. Kəpprəmənək wənna Ayuba bo va aɓəsa. Kəsənənək bo Ɗəfdaya atər sən wəray nan dərɓaga wəzəm saha nani. Vi Ɗəfdaya aknahək də ula saha aket ɗii də wəgəɗ sit mogoni.

1Piyer 1:8

Kəŋgluwənka ko kulanən ɓa, kətafənka ko kulanən kakaŋ ɓa. Vini kəda nekenən zukum də wənnek diiɗa, məs kawɓapi əpel wənnan ɓa.