Ibriɗe 10:29 - Nouveau Testament en Guidar

²⁹ Yas dərəŋ kan an ɗəf azelenək Wətən Maŋgəlva*, an awlak mbel na wən minan məs dəskoɓən va zəga ɗar mekeleŋ na, an aranək Əmpəs na mbəlembəle gesiŋ na, nan wara kita məs dəday pak də tattuwãha.

Bible en Guidar

²⁹ Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

Ibriɗe 10:29 ပူးပေါင်းရင်းမြစ်များ

Matiye 26:28

Vi eŋki mbel zuwəŋ ndəɗaŋgəŋ tive nawsleret ɗii də Maŋgəlva azoŋguk viyit ɗii diiɗa, mbel nawsleret ɗii də Maŋgəlvaŋgə.

Matiye 7:6

Kədapsitin zəga salala* sit kirɗe ɓa, vi ada mə'aŋ akokum kaw har kumən ɓa. Kədas getin averzleɗ nokum sit vedemɗe ɓa, vi ada ndapetin də tilit ɓa.

Markus 7:2

Awleninik gewleɗi na Zezu meɓɓet tahəŋ wəzəmaŋ way məzawɗa vet ɓa, va an arbanən sitin ɗii ɓa.

Luka 12:10

Ko naway dəpel mbrayen aka Wətən Ɗəffa warah wəviyan sən mambray nani: Amma məs dəpel mbrayen aka Əmpəs Salala arah na wəviyan mambray nan ɓa.

Yohanna 10:36

Amma nawa, Maŋgəlva awelwəka, aslənwək a duniya. Mambray kədaw nahaŋ na əntatə pel mbrayen aka Maŋgəlva di, vi nənah na Wətən Maŋgəlva* nani sa?

Yohanna 17:19

Wanəpan zeŋgillewa viti vi dəsoŋ gən ɗii nok gesiŋ.

Wəza net Masləŋɗe 7:51

Ki ɓəɓəl nokuməŋka, kəpprəmən wənnaw ɓa sa? Kəɓoŋgoŋguk dapprəm ma Əmpəs Salala vanet dəhiŋgiɗkum aɓoŋgoŋ dapprəm mani.

Roma 16:20

Maŋgəlva, məzapsən zam sən ɗəffa, wandapan Satan amba tulkum go'u. Ɗəfdaya nam Zezu Krestu dəɗɗa sukum mbəlembəle nan akokum pakə.

1Korintus 11:27

An ɗəf azəmək way na Ɗəfdaya, asək adəvət huloŋ nani, amma ya dəzi zən ɓa, asna mbrayen agəɗ aza gəɓa zə Ɗəfdaya, də azet mbel nani.

1Korintus 11:29

Vi an duɗakan gəba zə Ɗəfdaya də zəga nawzəm ɗar ɓa, waki kita aka zən vi azəma də asə.

1Korintus 15:25

Vi dewleyi an Krestu wazəm məlĩn na, say an Maŋgəlva avoŋgitik məzuzelin pak amba təlni.

1Korintus 15:27

Vi ɗerewel anahək na: Maŋgəlva avoŋ gənək zəga pak amba təlni. An anahək na: Zəga pakə, gesiŋ Maŋgəlva məs dəvoŋ gən sən na məŋɗani ɓa.

1Korintus 6:11

Ɗii suwalaŋkum bo, tayəɗɗaŋ veneti. Amma ya nokum na, mbrayen nokum məviyani, məwel kumi, kəsoŋ gən kana Maŋgəlva, məkpaŋgo kumi də iya na Ɗəfdaya nam Zezu Krestu, gəm də Əmpəs na Maŋgəlva.

Efesus 4:30

Kədawɗəkanən Əmpəs Salala na Maŋgəlva ɓa, vi dəndəni Maŋgəlva aɗi lamba nan akokum narban na, nan kənanaŋ, vi dəmokum gən sədəv pay məs dədazani.

Efesus 5:26

Vi kaɗɗe ɗii na Maŋgəlva dəsoŋ gən təstəs aba Maŋgəlva, dərɓagan waɗɗe salala* dit iŋkile gəm də əpel nani.

Ibriɗe 10:10

Zezu aɗɗak an Maŋgəlva aŋgələ, ndəni kan məskoɓum səka mambray namə də sazlaga na gəɓa zəni, məs agəɗ təl taka kaaka məki ha faɗə.

Ibriɗe 12:25

Vi wənnani, say məzi zukum kədawɓoŋgoŋ dapprəm ma məzu pel sukum wənnan kakaŋ ɓa. Məzu ɓoŋgoŋ dapprəm ma məzu pel wənna Maŋgəlva aka dəlva, akoh na səma kita ɓa. Ya mbari nam kandi, waməkoh kan an məpprəm ma ɗəf məzu pel daga sə disiŋ ɓaŋ sa?

Ibriɗe 13:20

Maŋgəlva asil gənək Ɗəfdaya Zezu suweleŋgit ɗii mimtiti, akpaŋgək məzutaɗa meteŋgini, vi wəmta nan məs amtəŋka. Dit mbel nani aziw gən wən minan ha faɗə.

Ibriɗe 2:11

Zezuwi dəskoɓ mambray net ɗiiyi, ɗii məs məskoɓ mambray net van bo akpaŋgaŋgək Affit taka. Vini wil dədanən Zezu daw yet nok milmiŋgiɗwa ɓa.

Ibriɗe 2:3

Mbar mbar mədawkoh kan an məsganək wəkoh metiŋginiŋ di? Ɗəfdaya sən kiyən arbanək wəkoh van dabəŋ, ɗii məs dəpprəməni, arbanenək wənani aziw gininke.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Ibriɗe 6:4

Mbarmbaryi ɗii məs də mulyoŋ dirɓe adazoŋ wətubiyaŋ əmpa di? Asuwaŋgək ɗaah atəki babar na Maŋgəlva, ananənək zəga məs sə disiŋ, atafənək haran net səva Əmpəs Salala*.

Ibriɗe 6:6

Yaŋ amilyoŋ dərɓe, agəɗ na ɓa, azoŋ na wətubiyaŋ ɓa. An ɗəf amilik dirɓe, tay va ɗəf adakpa' Wətən Maŋgəlva* aka wəlaŋga məzliwrihe əmpa aɗi sənək vamvi ama heret ɗii pakə.

Ibriɗe 9:13

Mbel net məsgileɗ net gilew dit məsgileɗ net wazliɗe mogeti, dit bəleteɗe məkso mbel net aket ɗii mbrayti, ndəni askoɓe aviyanək mbrayen neti.

Ibriɗe 9:20

Amna mbeliŋki, ndəɗaŋ dəɓəlanən wən məs Maŋgəlva aynan ka kəsbanən gəni.

Hənhən 1:5

Səza Zezu Krestu, məs dəgəɗ saydawa də goŋga. Ndəni dabəŋ kiyit ɗii mimtiti, ndəni məlĩ aket məlĩyeŋge naka dələv pakə. Aŋgəlməka, kawgil gəm sədəv mambray nam də əmta nani.