Ibriɗe 10:24 - Nouveau Testament en Guidar

²⁴ Say məsok səm zəmə də wəbaah sit milmiŋgiɗmə də wərban sit wəŋgla də wəɗɗa wəza mogoni.

Bible en Guidar

²⁴ Məzgə səm sləma a walaŋ zəmə vi kahhaɗam addəv əŋgla gəm addivit wəzeɗe moggeti.

Ibriɗe 10:24 ပူးပေါင်းရင်းမြစ်များ

Wəza net Masləŋɗe 11:29

Gewleɗ aɗumoŋguk ko naway wəslən zəga va arah na baah sit ɗii na Maŋgəlva a Zude.

Roma 11:4

Mbarmbari Maŋgəlva azlan sən di? Apsəna: Nəpələk ɗii heret nawa, tahəŋ uzine buhul məs agakdakanən Ba'al ɓa.

Roma 12:15

Məneken zukum dit ɗii məs zit neki, məhəmə dit ɗii məzu həmaŋ.

1Korintus 10:33

Məɗɗa vanaw nədaɗɗani. Intatə sok zu əɗɗa an nanek zit ɗii pak də zəga pakə. Naw nawkay an natər su wəray ɓa, say an natər wəray sit ɗiiyi vi dəkohoŋ gəni.

1Korintus 9:22

An əntatə saw dit ɗii məs dətafən Krestu mədekti, naw bo in əkpaŋgan zu mədakwa, vi nərihi gin dəkohoŋ gəni. Va wənah na wa nəkpaŋgan zu adəv zəga pakə, viyit ɗii pakə, vi ko də tive mi pak nərah gən əkoh git ɗii meɓɓeti.

2Korintus 8:8

Nənah sukum wənnan va dawka ɓa. Amma də labara net ɗii meɓɓet nədaŋgla əsla mogon na əŋgla nokum.

2Korintus 9:2

Nəsənka munokum tat də əŋgla nabaahsiti. Nəɗiyək kikum abet ɗii na Maŋgəlva a Makedoniya bo, nənahək na: Milmiŋgiɗəm na Akaya tahəŋ əkalanən zəga nan daga dəbyaŋga. Zukum məs kəsokoŋgəŋ afɗehetik ɗii diiɗa suwaleŋti.

Galatiyen 5:13

Məlmiŋgiɗwa, Maŋgəlva ayukumək kəsoŋ gən məza balemɗe ɓa. Amma kədaw slaahanən kikum məs kərəhaŋgəŋ də wəsim zəga na gəɓa zukum ɓa, say məbaah sən zukum də wəŋgla.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

Galatiyen 6:1

Məlmiŋgiɗwa, an kərəhənək ɗəf tayəɗɗa mambray ko awandi pakə, munokum məs də Əmpəs na Maŋgəlva, məki aka tive mogoni, də wə saa'ən. Məzi zukum də wənnani. Asla zuko, vi nok bo kədawtoŋ adəv mambray ɓa.

Kolosi 3:16

Məppan labara na Krestu dəknah makrokum, mərban wənnan awlaŋ zukum, məbaah sən zukum də zəga naw səna də maɗula pakə. Məgakdakan Maŋgəlva də gəlya də wəsoko də makrokum, məyə sən gəlya an na Zabura naɗi kini də gəlya an Əmpəs apsukum.

1Tesaloniki 1:3

Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

1Tesaloniki 5:11

Vi vaski məɓɓəlan zukum də wənnəska, va kədaɗɗaŋ laŋka.

2Tesaloniki 3:9

Gesiŋ, ɗii nawrəh zəga nawzəm səvokum mənan kəta. Amma məɗɗa zəm vasna, vi wərban sukum na kəgəmən gən təlmə.

1Timote 6:18

Anahsiti, dəɗɗaŋ gən mogoni, wəza dəsan gən arya neti dəsoŋ məzuvəlaŋ, də əbaahaŋ sitin ɗii meɓɓet də arya neti.

Titus 2:4

Dərbanən sitin gil en kirni wənna wəŋgliw zilŋgiti dit kirtiti.

Titus 3:8

Aŋki wəpel an fəkat van kana. Nəŋgələk kəsok gən də wənnəska, vi ɗii məs dətafən Maŋgəlva də ganən gən wəza mogon va adaɗɗaŋ, wənnəs mogoni, watər wəray azet ɗiiyi.

Ibriɗe 13:1

Məŋglu zukum, vi məlma kənanaŋ.

Ibriɗe 13:3

Məɗumon wənnet ɗii na daŋgay, va a daŋgay kənanaŋ dənɗaŋ. Məɗum aket ɗii məzəmaŋ saha, va munokum tatə zəmaŋ saha dənɗaŋ.

Ibriɗe 3:13

Məsəɓ sən zukum pay pakə ha faɗə, va dəpaŋka. Va ɗerewel anah na: Mambray adawmbəɗokum ɓa, kədawɓoŋgoŋ ɓa.

1Yohanna 3:18

Kirin nawa, wəŋgla nam adaw san də ma ɗəf ɗarə, walla də əpel ɗar ɓa, say dəsan də wəza də an də goŋga.