Ibriɗe 10:23 - Nouveau Testament en Guidar

²³ Say mərma səm an məs mədawgaŋka, say mərban səm wənnan də sembe. Vi məsənək lewlewi, Maŋgəlva waɗɗa an məs anahə.

Bible en Guidar

²³ məzban səm ərban əga nam məza əddak ɓa, vi məs diynan səm mani, nan akkpaŋgan man ɓa.

Ibriɗe 10:23 ပူးပေါင်းရင်းမြစ်များ

1Korintus 1:9

Maŋgəlva məs dəyukum ka kəsoŋ gən də Wətən Zezu Krestu Ɗəfdaya namə, də goŋgayi aza an adawpel pakə.

1Korintus 10:13

Wərak məs dərukum pakə, tay rəh ɗii pakə. Amma Maŋgəlva ɗəf də goŋgayi apana ərak dəday gən ki gurom nokum ɓa. An arokokumko, wapsukum gurom naɓəs ərak nani ka kəkohoŋ gəni.

2Korintus 9:13

An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə.

1Tesaloniki 5:24

Maŋgəlva məs dəyukuməŋka təstəssi, waɗɗa sukum wəza nani.

2Tesaloniki 3:3

Amma Ɗəfdaya də goŋgayi. Waɓəlokum wagukum vi Satan adasbər gukum ɓa.

Titus 1:2

Vi dəsaŋ gən də wəɗum na, zeŋgille nasuwa ha faɗə, an məs Maŋgəlva məza awa tepelke ɓa aɗiyə, daga məɓəlli wəɗɗa zigeɗ tagay ɓa.

Ibriɗe 11:11

Abraham atafək Maŋgəlva, ndəni arah sembe naawa, ko də agal zlaŋ, ɗak nan Saratu bo, ndarzlayəktə də as pak awaŋka, vi atafənək na, an Maŋgəlva anah na wagəɗ va anahə.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

Ibriɗe 3:6

Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Ibriɗe 6:18

Zəga tay sula apəl naɓa, ndəni wən minani də wəsuwaya, Maŋgəlva awəna wən dənɗaŋ ɓa. Ndəni dədasɓamə, mərma gən wən an nawga an məs apsəmə.

Yakob 1:6

Amma say də kam gən də wətafən na Maŋgəlva wapsəni, məza wəɗɗa kuzuŋ ɓa, ɗəf məs dəgəɗ kuzuŋ pak tay va vovolumɗe net iŋkile a pe'e, məs səmnya adawkan atəki məs aŋgəl pakə.

Hənhən 3:11

Wanəde go'u, aga wən məs kərah lewlewi, vi ɗəf adawzəm sembe na wəza nok ɓa.