Ibriɗe 10:14 - Nouveau Testament en Guidar

¹⁴ Də sazlaga təl taka kaaka'i Zezu asan ɗəf naskoɓ mambray net ɗii pakə, akpaŋgetik təstəssə ha faɗə.

Bible en Guidar

¹⁴ Vi də əzaɓ-Maŋgəlva təl taka kaka'i abbur ɗiy pakə, akkpaŋget təstəs hã faɗə.

Ibriɗe 10:14 ပူးပေါင်းရင်းမြစ်များ

Wəza net Masləŋɗe 20:32

Kakaŋ na nəppokumək ava Maŋgəlva də mbəlembəle nani. Waɓap wəɓay gukum waɓap wəgəɗ sukum zəzay də zəzay məs azaɓan viyit ɗii nan pakə.

Wəza net Masləŋɗe 26:13

Yas kan əntat aka tive tətaŋ paya, yas ləŋ nula təki babar daykiyən na paya, sə disiŋ ade, yaŋ akekeɓewa dit ɗii məs nədawmbat dənɗaŋ pakə.

Roma 15:16

ka nəsaw gən məgəɗ wəza na Zezu Krestu viyit ɗii məza Yahudiyenɗeŋ ɓa. Nəkpaŋgək məgəɗ wəza na Labara Nenek na Maŋgəlva. Vi ɗii məza Yahudiyenɗeŋ ɓa dəsoŋ gən va zəga məpsən Maŋgəlva də məŋgənən hõnyu təstəs abani də Əmpəs Salala.

1Korintus 1:2

Məslənək letər nan azet ɗii na Maŋgəlva a Korintus, məsɗetik ɗii na Maŋgəlva nadak pakə ɗiiyen salala* də Krestu, azet ɗiiyen məyet dəsoŋ gən salala, ɗii na Maŋgəlva də wəsap də Zezu Krestu, azet ɗiiyen məzuyanən iya na Daya nam Zezu Krestu, Ɗəfdaya namə gəm neti.

Efesus 5:26

Vi kaɗɗe ɗii na Maŋgəlva dəsoŋ gən təstəs aba Maŋgəlva, dərɓagan waɗɗe salala* dit iŋkile gəm də əpel nani.

Ibriɗe 10:1

Ma henziŋ net Yahudiyenɗe tay də zəga an gesiŋ gesiŋ adəvən ɓa, say foto nan kaaka'ə. Tay va zeŋgille zəga an mogon dədazani. Adəv wəsva pakə, tahəŋ wəpsənən zəga mətaw wəlan sən Maŋgəlva. Ya də zəga mətaw wəlan vas məza wətaf net ɓaŋ na, mbarmbari ma henziŋ adawɓap wəkpaŋget məzu tawən zəga nan təstəs aba Maŋgəlva di?

Ibriɗe 10:10

Zezu aɗɗak an Maŋgəlva aŋgələ, ndəni kan məskoɓum səka mambray namə də sazlaga na gəɓa zəni, məs agəɗ təl taka kaaka məki ha faɗə.

Ibriɗe 10:12

Krestu aɗɗak sazlaga təl taka vi mambray məki ha faɗə. Dərɓaga as kana ndəni asan aka va dəzəŋ na Maŋgəlva.

Ibriɗe 13:12

Vaski bo Zezu amtək ama poho na walaŋ gəla, vi kaskoɓ mambray net ɗii də mbel nani.

Ibriɗe 2:11

Zezuwi dəskoɓ mambray net ɗiiyi, ɗii məs məskoɓ mambray net van bo akpaŋgaŋgək Affit taka. Vini wil dədanən Zezu daw yet nok milmiŋgiɗwa ɓa.

Ibriɗe 7:19

Vi ma henziŋ na Moyis aɓapna kaɗɗa ɗəf təstəs ɓa, amma an məs mədaw ga adek kana, ndəni dədaw kəm gu'o də Maŋgəlva.

Ibriɗe 7:25

Vi vaski waɓap wəkoh git ɗii məs akə aza Maŋgəlva kakaŋka də an nawmbat abe ha faɗə, vi tay san madaran ha faɗə wakaman Maŋgəlva viti.

Ibriɗe 9:10

Say wənna zəga nawzəma də zəga naw saa, də wəzaɓan dəsan gən salala də tive temtemi. Aspak zəga nappakayi, atərək wəray ha gap pay məs Maŋgəlva akpaŋgan zəga pakə.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Zuda 1:1

Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.