Ibriɗe 10:10 - Nouveau Testament en Guidar

¹⁰ Zezu aɗɗak an Maŋgəlva aŋgələ, ndəni kan məskoɓum səka mambray namə də sazlaga na gəɓa zəni, məs agəɗ təl taka kaaka məki ha faɗə.

Bible en Guidar

¹⁰ Addəv əŋglaski mərah əbbur də əvəl na zə Yesu Kristu, aɗɗa təl taka ka faɗə.

Ibriɗe 10:10 ပူးပေါင်းရင်းမြစ်များ

Yohanna 17:19

Wanəpan zeŋgillewa viti vi dəsoŋ gən ɗii nok gesiŋ.

Yohanna 19:34

Amma yaŋ ɗəf taka səmbet sozeɗ aska aka təkzləmən də tulho, gu ləŋ yaŋ mbel dit iŋkile agulyoŋ.

Yohanna 6:51

Əntə dupeŋ madarani, məs dəprik sə disiŋ. An ɗəf azəməka, wasan madaran ha faɗə. Dupeŋ məs nədapsukuməŋka gəɓa zuwi. Wanəpsən vi duniya dəsan gən madaran.

1Korintus 1:30

Maŋgəlva asapokumək aza Zezu Krestu, aɗɗak Zezu Krestu ka əsən namə. De Zezu Krestuwi məkpaŋ ɗii təstəs aba Maŋgəlva, akəmək ka mə sam gən ɗii na Maŋgəlva, vi amamək səma əmta.

1Korintus 6:11

Ɗii suwalaŋkum bo, tayəɗɗaŋ veneti. Amma ya nokum na, mbrayen nokum məviyani, məwel kumi, kəsoŋ gən kana Maŋgəlva, məkpaŋgo kumi də iya na Ɗəfdaya nam Zezu Krestu, gəm də Əmpəs na Maŋgəlva.

Efesus 5:2

Say kəɗɗanən gən də əŋgla. Muɗumon va Krestu aŋgələmə, apanək ki zən vimə, ka sazlaga mətaw wəlan aba Maŋgəlva dəfok gən nek akani.

Efesus 5:26

Vi kaɗɗe ɗii na Maŋgəlva dəsoŋ gən təstəs aba Maŋgəlva, dərɓagan waɗɗe salala* dit iŋkile gəm də əpel nani.

Ibriɗe 10:12

Krestu aɗɗak sazlaga təl taka vi mambray məki ha faɗə. Dərɓaga as kana ndəni asan aka va dəzəŋ na Maŋgəlva.

Ibriɗe 10:14

Də sazlaga təl taka kaaka'i Zezu asan ɗəf naskoɓ mambray net ɗii pakə, akpaŋgetik təstəssə ha faɗə.

Ibriɗe 10:20

Akol səmək tive meleketeni, məs naw kəm atəki nawkoho, bal sən gabaga məs duɗakan təkiya, ndəni gəɓa zəni.

Ibriɗe 10:29

Yas dərəŋ kan an ɗəf azelenək Wətən Maŋgəlva*, an awlak mbel na wən minan məs dəskoɓən va zəga ɗar mekeleŋ na, an aranək Əmpəs na mbəlembəle gesiŋ na, nan wara kita məs dəday pak də tattuwãha.

Ibriɗe 10:5

Vini kana, adan Krestu go'oy wəzzan aka dəlva, apsən Maŋgəlva na: Kəŋglu na zəga mətaw wəlan ɓa, walla zəga məpsuk ɓa, amma kəɗɗa suwək zu va ɗəffa.

Ibriɗe 13:12

Vaski bo Zezu amtək ama poho na walaŋ gəla, vi kaskoɓ mambray net ɗii də mbel nani.

Ibriɗe 2:11

Zezuwi dəskoɓ mambray net ɗiiyi, ɗii məs məskoɓ mambray net van bo akpaŋgaŋgək Affit taka. Vini wil dədanən Zezu daw yet nok milmiŋgiɗwa ɓa.

Ibriɗe 2:14

Kirin net tahəŋ də gəɓa ziti dit mbeli, ndəni kan Zezu bo asan va ndəɗaŋ, agəmək gəɓa zə ɗəffa vaneti, aɗɗa vasna, vi də əmta nani adawzan ɗəffan də sembe aka əmta, ndəni Satan.

Ibriɗe 5:7

Daga Zezu adawsan aka dəlva, azulik də wəkkaman Maŋgəlva də wəhəm dit sini, vi Maŋgəlva waɓap wəkoh gən səma əmta. Maŋgəlva bo apprəmək wəkkam nani vi tay ɓəsən də gakdakan zən ɓa.

Ibriɗe 7:27

Dəgil va məs dəlveŋge meɓɓet ɓa, nan wərayən taya za wəpsən zəga mətaw wəlan pay pak ɓa, vanet adapsənən dabəŋ vi mambray neti, asna wapsənən vi mambray net ɗiiyi. Amma yaŋ nan apsən zeŋgillen ka sazlaga, ndəni sazlaga an taka, təl taka bo məkki ha faɗə.

Ibriɗe 9:12

Krestu atoŋguk adəv gəla an dəday pak də salala* təl taka taka'ə məkki ha faɗə. Dətoŋ dit mbel net məsgileɗ net gilew ɓa, dit wazliɗe megeggeɗe ɓa, amma dit mbel na ki zən atoŋgu. Vaski kan arəh səm wəkoh an məs nasan ha faɗə.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Ibriɗe 9:26

Va wagəɗ vasna, daga wətəŋ na dəlva wazəm saha təl diiɗa. Də goŋga nan na adeke arbanək zən dərɓe dərɓe kan təl taka kaaka məki ha faɗə, vi koskoɓ mambray net ɗii səka dəlva də wəpsən zeŋgilleni.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

1Piyer 2:24

Krestu sən kiyən aslanək mambray namə adəv gəɓa zəni, aka wəlaŋga məzliwrihe vi məsam gən madaram klaza wən təstəssə, asna məsam gən məmtəm klaza mambraya. Vi gəla huwa nani kərəhaŋ əmbəla.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

1Yohanna 5:6

Zezu Krestu adek dit iŋkile na baptem nani, gəm dit mbel na əmta nani. Dəde dit iŋkile kaaka ɓa, amma dit iŋkile gəm dit mbel pakə. Vi əmpəs sən kiyən asɓanək na.