Ibriɗe 1:3 - Nouveau Testament en Guidar

³ Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Bible en Guidar

³ Ndəni əkeɗeɗe na gagdaka, agilik va Maŋgəlva səɗeki, tay ərma dələv də əɓap na wəpel nani. Sə dərɓaga abbur mambraya, asanək a disiŋ aka dəzəŋ na məlĩ Maŋgəlva.

Ibriɗe 1:3 ပူးပေါင်းရင်းမြစ်များ

Matiye 22:24

Məsən zəga, Moyis anahək na: An ɗəf amtək məza əppa kirin ɓa, say məlmən dəzəm gən gəla zat guluk nani dəɗi sən gən zev ɗəf nani.

Markus 16:19

[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

Yohanna 1:29

Yaŋ vit pumpum nani, Zaŋ awlak Zezu dazan azani, amna: Andaki botol na Maŋgəlva naw gəm mambray na dəlva.

Yohanna 1:4

Səzani zeŋgille nawkoh ade, zeŋgille nawkoh nan tay ki sit təki babar sit ɗiiyi.

Wəza net Masləŋɗe 2:33

Maŋgəlva agakdakanək Zezu, aɗiyək aka van dəzəŋ. Maŋgəlva ɗəfdaya apsənək Əmpəs Salala va anah daga farə. An məs kədawlaŋ də an məs kədapprəmaŋ, Zezuwi dədaɗɗan awalaŋkum.

Wəza net Masləŋɗe 7:56

Etiyen amna: məpprəma, nulak disiŋ akolko, əntatula Wətən Ɗəf* tay ziwwe aka va dəzəŋ na Maŋgəlva.

Roma 1:16

Wil aduwənna darban Labara Nenek na Maŋgəlva ɓa, vi sembe na Maŋgəlva taya dəvən. Labara nan waɓap wəkoh git ɗii məs dətafən pakə, anet Yahudiyenɗe adawkoh git dabəŋ, asna ɗii məza Grekɗe ɓa kana.

Roma 8:34

Ɗəf tay naw ɓap uwiliyit ɓa. Vi Krestu amtək viti. An dəday ki askəmpa na, asilik səkəti əmta, tay tuŋgo akava dəzəŋ na Maŋgəlva, tay kaman Maŋgəlva vimə.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

Kolosi 3:1

Kəsilyoŋguk sətəki əmta də Krestu, kərəhaŋgək zeŋgille meleketeni. Vi wənnani məsok zukum məɗi wəɗum nokum aka zəga an na disiŋ, atəki Krestu asan aka va dəzən na Maŋgəlva.

Titus 2:14

Nan apanək kiyən vimə, vi kamam səka mambray nam pakə, də wəɗɗəm ɗii nan məs akpaŋget salala*, tay də kotorok na wəza mogoni.

Ibriɗe 1:13

Maŋgəlva dənah sən ɗaah maslay na: Asok aka vaw dəzəŋ, nəvoŋgiti gən məzuzel kun ka təki naw ɗi tulko ɓa.

Ibriɗe 10:12

Krestu aɗɗak sazlaga təl taka vi mambray məki ha faɗə. Dərɓaga as kana ndəni asan aka va dəzəŋ na Maŋgəlva.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

Ibriɗe 7:27

Dəgil va məs dəlveŋge meɓɓet ɓa, nan wərayən taya za wəpsən zəga mətaw wəlan pay pak ɓa, vanet adapsənən dabəŋ vi mambray neti, asna wapsənən vi mambray net ɗiiyi. Amma yaŋ nan apsən zeŋgillen ka sazlaga, ndəni sazlaga an taka, təl taka bo məkki ha faɗə.

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

Ibriɗe 9:16

Atəki məs məver ɗerewel na wən minani, say ɗəf dəsən gən na ɗəffan dəver wənəŋ amtəka.

Ibriɗe 9:26

Va wagəɗ vasna, daga wətəŋ na dəlva wazəm saha təl diiɗa. Də goŋga nan na adeke arbanək zən dərɓe dərɓe kan təl taka kaaka məki ha faɗə, vi koskoɓ mambray net ɗii səka dəlva də wəpsən zeŋgilleni.

1Piyer 1:21

Vi zəzay nani kərəhən ətaf Maŋgəlva, Maŋgəlva məs dəsil gən sətəki əmta, apsənək gakdaka, vi wətaf nokum də wəɗum nokum dəsan gən aza Maŋgəlva.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.

2Piyer 1:16

Də wənna labara net ɗiiyi ɗar mədarban sukum pay naziya na Ɗəfdaya Zezu Krestu məs də gakdak ɓa. Amma mulak gakdak nan də haramə.

2Piyer 1:17

Nam karami daga Maŋgəlva Affən apsən gakdak metiŋgini. Maŋgəlva məs də gakdak metiŋgin də wənah sən na: Aŋki Wətu məs nəŋgələ, dəndəni nəda neken zuwa.

1Yohanna 1:7

Amma an mənam tatə daw ara təki babara va Maŋgəlva sən kiyən asan atəki babara, asna məsappək awalaŋ zəmə, mbel na Wətən waviyanən mambray nam pakə.

1Yohanna 3:5

Kəsənənka Zezu Krestu ade a duniya na, vi kaviyan mambray nami, nan mambray taya zan ko taka ɓa.

Zuda 1:25

Ndəni Maŋgəlva taka, ndəni dəkoh gəm də Zezu Krestu Ɗəfdaya namə. Gakdak pak nani, də daya daga far farə, vaski dəpaŋka, wasan ha faɗə. Amin.

Hənhən 3:21

Ɗii məs dədayaŋ ki wənnəska, wanəpsit tive nasuwa aka mazaŋga na məlĩ naw amaŋga vawa, va nawəŋka nədayək kini, nəsawək də Affuwa aka mazaŋga na məlĩ nani.

Hənhən 4:11

Aw Ɗəfdaya namə Maŋgəlva namə, əstə kəgap nawtaf gakdak də wəɗi kiyuk də sembe. Vi əstə kəzməɗ zəga pakə, də əŋgla naki zəga pak asan madarani.