Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ibriɗe 1:2 - Nouveau Testament en Guidar

2 Amma aza wəgrak na pay nan kana, Maŋgəlva apel səmək də ma Wətəni. Dəni Maŋgəlva azəməɗ dəlva də təki a disiŋ, Maŋgəlva awelik ka zəga pak dəsan gən kanan ha faɗə.

အခန်းကိုကြည့်ပါ။ ကော်ပီ

Bible en Guidar

2 ya aza wəgrak na pay nan kan na, Maŋgəlva apel səmək də ma Wətəni, məs aɗi aka zəga pakə, ndəndəni Maŋgəlva azəməɗ zəgeɗ pakə.

အခန်းကိုကြည့်ပါ။ ကော်ပီ




Ibriɗe 1:2
70 ပူးပေါင်းရင်းမြစ်များ  

Məzu zel dəslge ndəni Satan, pay naw bəla, ndəni pay wəgrak dəlva, məzu bəlaŋ bo maslayɗeŋ.


Yaŋ dəɓəl wəbay ma wəpel nan ɓa, yaŋ slay buwən məzu wiɗ adeke, asiritike, ɓaɓəlma adek sədəv slay buwən naka, amna: Aŋki wətu an nəŋgələ, əntatə neken zu dəndən sawɓa. Məpprəm mani.


Adan məɗɗaŋ wəza a gulyo awlanən wətəni, anahaŋgək awalaŋ ziti: Ndəni məzəm gəla aza guliŋka. Aɓɗaŋna məbay səmə guli nan dəsaŋ gən kanamə.


Amma Zezu ɓatɓati dəzlan ko wən taka ɓa. Yaŋ ɗəf daya net məs dəlveŋge apsən na: Əntat əssohoko də iya na Maŋgəlva an madaran, anah səmə an əstə Messiya* Wətən Maŋgəlva*.


Zezu adeke, apelsitke, amna: Gakdak pak məpsuwi disiŋ də dəlva fuŋ pakə.


Yaŋ wəla ade sə disiŋ amna: Aŋki wətu an nəŋgələ, əntatə neken zu dəndən sawɓa.


Apprəma va halabara nenek məs dəgəɗ aka Zezu Krestu Wətən Maŋgəlva*,


Say apəl sənək affən guli wiyən tətaka tabuwa nani. Aza wəgrak nani, aslənək wətən nak azet məzən seŋ neki, aɗumək na wagakdakanən wətuwəŋka.


Amma apeleŋgək awalaŋ ziti. Ndəni dədawzəm gəla nani, say mabay səmə, asna guli net wileŋɗe dəsan gən kanamə.


Wəpel nan taya dəv dəlva, Maŋgəlva aɗɗa dələv pak dəni, amma dələv dəsən ɓa.


Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.


Maŋgəlva aɗɗak ko mi pak də wəpel nani. Zəga tay ko taka məɗɗan məza dəndən ɓaɓa.


Zezu asənka, daga səza Maŋgəlva ade, wamil aza Maŋgəlva əmpa, Maŋgəlva apsənək sembe aka zəga pakə.


An gakdak na Maŋgəlva arbanək zən adəv Wətəni, Maŋgəlva bo warban gakdak məs Wətən arah sən kini. Vaski adaɗɗani.


Nəyukum na məɗɗəŋ wəza nawa ɓa, vi məgəɗ wəza asən na an məs daya nan adaɗɗa ɓa. Wanəyukum na beyneŋgiɗwa, vi nərban sukumək an məs nəpprəm səza Affu pakə.


Zəga na Affu pak nawi. Vini nənah na: Əmpəs wanah sukum an məs apprəm səmawa.


Kəpsənək sembe aket ɗii pakə, vi dəpsiti gən zeŋgille nasuwa ha faɗ sit ɗii məs kəpsənəŋki.


Maŋgəlva aŋgluwək duniya sawɓa. Vini apsən Wətən an taka nani. Ko naway dətaf Wətənəŋka, azə naɓa, amma warah wəkoh an nassa ha faɗə.


Ɗii meɓɓet səmbet gewleɗ na Zaŋ atəŋgaŋgək wəbay ma dit Yahudiyenɗe aka wənnasban Maŋgəlva də wənna salalan zit dit zigeɗi.


Va Affən asan də sembe nasugit medereti, vaski apsən sembe sən Wətən nawsugit medereti.


Apsənək sembe sən Wətən dətaw gən kita vi Wətən Ɗəffi*.


Məsənək na Maŋgəlva apel sənək Moyis amma nan na məsən təki ade ɓa.


Kəsəŋ gənək wən məs asləŋ sit ɗii na Israyel, arban sitik labara nenek ziti, va wənah na zam adek də Zezu Krestu Ɗəfdaya net ɗii pakə.


Maŋgəlva amna an məs dədaɗɗa pay wəgrak nani: Wanəɗi Əmpəs naw aket ɗii pakə. Kirtukum mezeŋgilleket dit mugiliŋgiti, waɗɗaŋ kleŋ. Gewleɗ nokum wawlaŋ hənhən, ɗii gugiriɗ nokum wasineŋ.


Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.


Intatərban wən məɗama na Maŋgəlva an dəɗam ama heret ɗiiyi, Maŋgəlva azaɓan səmək ka dəsan gən gakdak nam dabəŋ ki əɗɗa dəlva fuŋ.


Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.


Amma adan pay nan məs Maŋgəlva aɗi agapə, aslənək Wətəni, muwani dət gulku, aɓe sənək ma henziŋ net Yahudiyenɗe.


aɗumək wakkelet zigeɗ pak amba təl Krestu, zigeɗ na disiŋ dit zigeɗ na duniya pakə.


Nərban siti gən va Maŋgəlva adagrak əɗum nani, Maŋgəlva məs dəɗɗa zəga pak aɗɗak məɗama nan daga dəɓəl əzəməɗ təki ɓa, amma aɗamanəka.


Vi Maŋgəlva dənah sən maslay ɗaah na: Wətu kənani, nəwəkuk dəpaŋka ɓa. Dənah sən ɗaah maslay na: Wanəkpaŋ Affuko, nok bo wakəkpaŋ Wətuwa ɓa.


Amma an məs anah aka Wətən Maŋgəlva na: Mazaŋga na məlĩ noko, aw Maŋgəlva wasan ha faɗə, istatə zəm məlĩ nok də tive təstəssə.


Də wətafiyi məsən Maŋgəlva, məsən bo na də wəpel nani azəməɗ dəlva fuŋ də təki a disiŋ. An məs mədawla pakə, səza an məs maw lan ɓa ade.


Mbar mbar mədawkoh kan an məsganək wəkoh metiŋginiŋ di? Ɗəfdaya sən kiyən arbanək wəkoh van dabəŋ, ɗii məs dəpprəməni, arbanenək wənani aziw gininke.


Amma Krestuwi Wətən Maŋgəlva* məs də goŋga, Ɗəfdayayi eŋgil ana Maŋgəlva da, mənamtə gəla nani, an məppan wəsok zəm də goŋga nan ɓa, an mənam tatə gan ha pay wəgrak nani.


Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.


Amma ko vi asan Wətən Maŋgəlva* zlaŋ, ayaganək wəpprəm ma də wəzəm saha.


Ma henziŋ na Moyis awelik ɗii dəsoŋ gən məs dəlveŋge. Amma wəsuway na Maŋgəlva məs dəde dərɓaga ma henziŋ, awelik Wətəni məs təstəssə dəsan gən məs dələv ha faɗə.


Ɗəf dəsən affən, dət man ɓa, walla dəhiŋgiɗin ɓa, ɗəf dəsən pay muwan ɓa, walla pay amtə ɓa. Agilik va Wət Maŋgəlva, wasan məs dələv na Maŋgəlva ha faɗə.


Va wagəɗ vasna, daga wətəŋ na dəlva wazəm saha təl diiɗa. Də goŋga nan na adeke arbanək zən dərɓe dərɓe kan təl taka kaaka məki ha faɗə, vi koskoɓ mambray net ɗii səka dəlva də wəpsən zeŋgilleni.


Maŋgəlva awelik Krestu dabəŋ ki əzəməɗ dələv pakə, amma yaŋ kan pay dədirɓe pakə, arban wənnan vikum.


Kəsənən gən tagay na, pay wəgrak dəlva, ɗii meɓɓet wazoŋ məzə soŋ adəv əŋgla na gəɓa ziti: Wamasaŋ akokum.


Vi anah sukumənək na: An pay wəgrak na dələv agapək na: Ɗii net wazoŋ wamasaŋ akokum, wasbanən wəsim zəga mbrayenəŋka.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ