Ibriɗe 1:14 - Nouveau Testament en Guidar

¹⁴ Mədəŋgaŋ maslayɗe di? Ndəɗaŋgəŋ Əmpəsɗe məzəɗɗaŋ sənən wəza sən Maŋgəlva. Maŋgəlva tay slinit dəbaahaŋ sitin gən ɗii məs dədawkohoŋ.

Bible en Guidar

¹⁴ Namna baymet pak əmpəsɗe en məzəɗɗaŋ wəza, məslinit aka wəza ammba moggon net ɗiy en nawrəhaŋ hara əkõh netiŋ ɓa sa?

Ibriɗe 1:14 ပူးပေါင်းရင်းမြစ်များ

Matiye 1:20

Adan adaɗum vaska, maslay na Ɗəfdaya adek əsine akani, anah sənək na, Zozef wətən Davit* kəgeslne dawgəmət Mari, ɗak nok ɓa, vi an dəsəɗ adəvta də gakdak na Əmpəs Salalayi,

Matiye 13:41

Wətən Ɗəf waslən maslayɗe nani, wagilgitin məs mambrayɗe pak sədəv məlĩ na Maŋgəlva,

Matiye 18:10

Məzi zukum kədawzeletin səmbet muzliyeɗ nawəŋ ko taka ɓa. Əntatə nah sukum: Maslayɗe net tahəŋ aba Affu na disiŋ ziw ziwi.

Matiye 2:13

Dərɓaga məsənaŋ zəga ambataŋgə, maslay na Ɗəfdaya adek aza Zozef də wisine apsən na: Asili, aslan wina dət mani dok a Misra, asok adak ha gap nənah suk gəni. Vi Herodə wakayan wina, kawbayən.

Matiye 24:31

Kaffon gozloro metiŋgini, waslin maslayɗe nan amba tapaslay pay poɗo pak a duniya, vi kakelet ɗiiyen aweli.

Matiye 25:34

Məlĩ wanah sit ɗiiyen naka van dəzəŋ na: Mide munokum məs Affu agəɗ sukum zəzaya, mətoŋ adəv məlĩ an məzaɓan vikum daga wətəŋ na dəlva fuŋ.

Matiye 4:11

Dəpaski Satan apan Zezu, yaŋ maslayɗe azoŋ azani aɗɗaŋ sənənək wəza.

Markus 10:17

Adan Zezu adawmbata aka tive na, ɗəf adek dənze, akdukuk abani assohonəka: Mərbə zəga mogoni, mi nədaɗɗa nəra gən zeŋgillew an nassa ha faɗ di?

Luka 1:19

Maslay azlan sənək na: Əntə Gabriyel aba Maŋgəlva nədawsawa vi kawgəɗ sən wəza. Ndən də slənwa, nəpel suk gən labara neneke.

Luka 1:23

Yaŋ pay na wəza na Zakari agrak sədəv gəla metiŋ naw zuliya, ambat keŋgili annanda.

Luka 16:22

Məs saha amtəka, maslayɗe aslanənka akanənək aza Abraham a disiŋ. Məs arya amtəka, məndəkəni.

Luka 2:13

Go'ləŋ metiŋgit net maslayɗe azoŋguk wəsapaŋ də maslay annaka, agakdakanənək Maŋgəlva, aɓɗaŋ na:

Luka 2:9

Maslay na Ɗəfdaya arbanək zənna zeti, gakdak na Ɗəfdaya awiɗik aketi, ageslne'eŋgək sawɓa.

Wəza net Masləŋɗe 11:22

Yaŋ wənnan agap azet kretiyenɗe na Zerusalem, Aslənənək Barnabas a Antakiya.

Wəza net Masləŋɗe 12:23

Vaski ləŋ maslay na Ɗəfdaya arga vi də gakdakan Maŋgəlva ɓa, tentewilgeɗ azəmənka, amtəka.

Wəza net Masləŋɗe 12:7

Yas ləŋ maslay na Maŋgəlva ade, təki babar akekeɓehik adəv gəla pakə. Maslay aɓlanək Piyer afɗaahanəka, apsən na: Asil gu'u! Vaski ləŋ ngiyamɗe apəlaŋ səza vani, abətaŋka.

Wəza net Masləŋɗe 13:2

Pay maɓɓani, tahəŋ wəzuliyaŋ sənən Ɗəfdaya, tahəŋ wə see'eŋ meme, Əmpəs Salala* apsit na: Muwel su Barnabas də Sol vi wəza məs nəyesəni.

Wəza net Masləŋɗe 16:26

Yas ləŋ dəlva fuŋ atəŋ wəɓla, daga adaɓla gəla na daŋgay aɓələk daga də gabban pakə. Madambeɗe pak akoloŋko, ngiyamɗe pak apəlaŋka.

Wəza net Masləŋɗe 27:23

Vi nadəfɗəŋ na, Ɗəfdaya Maŋgəlva məs nədawzuli sənəŋ aslənək maslay nan azawa.

Wəza net Masləŋɗe 5:19

Amma yaŋ dəfəɗ nani maslay na Ɗəfdaya ade, akoluk madambeɗe na daŋgay, agil gitik masləŋɗe apsit na:

Roma 11:14

Kuzuŋ wanərah wəsil gən kotorok azet əlfiŋgiɗwa ka nəkohgit gən ɗii meɓɓeti.

Roma 13:6

Vi vaski məfaɗ zomorgol. Vi wəza net ɗii gugiriɗ adaɗɗaŋgəŋka, tahəŋ wəɗɗanən vi Maŋgəlva'a.

Roma 15:16

ka nəsaw gən məgəɗ wəza na Zezu Krestu viyit ɗii məza Yahudiyenɗeŋ ɓa. Nəkpaŋgək məgəɗ wəza na Labara Nenek na Maŋgəlva. Vi ɗii məza Yahudiyenɗeŋ ɓa dəsoŋ gən va zəga məpsən Maŋgəlva də məŋgənən hõnyu təstəs abani də Əmpəs Salala.

Roma 15:27

Aɗumoŋgək aka wənnan kaɗɗan də mekret taka wənnan taya zet va dewle na baah sit ɗii məsaheŋɗe də zəga, vi ɗii na Maŋgəlva Yahudiyenɗe na Zerusalem awɗakanənək zəga mogon net na Əmpəsa dit ɗii məs Yahudiyenɗeŋ ɓa, ndəni tam bo ɗii na Maŋgəlva məs Yahudiyenɗeŋ ɓa, adaw ɗakanən zəga na gəɓa zə ɗəf tam dit Yahudiyenɗe.

Roma 8:17

Ya an kirtin mənan na, asna wamərah zəga an məs məzaɓan sit kirtini, zəga məs apsən Krestu wəŋ bo, wapsəmə. Vi an mərahək hara bonoy na Krestu məs azəm saha, asna wamərah haran nam səza gakdak nani.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

2Korintus 9:12

Gesiŋ məs kəɗiyaŋ wabaah sit ɗii na Maŋgəlva aza wəray neti. Amma an dədayki asna waɗaŋsənən soko sən Maŋgəlva diiɗa.

Galatiyen 3:29

An ɗii na Krestu kənanaŋ, asna kirtin Abraham kənanaŋ, asna məzəmaŋ gəla kənanaŋ va an Maŋgəlva aynani.

Galatiyen 3:7

Vi vaski: Ɗiiyen dətafaŋ pakə, ndəɗaŋgəŋ kirtin Abraham də goŋga.

Galatiyen 3:9

Abraham atafəka məgəɗ sənni zəzaya, vi vaski məs dətafaŋ pak warəhaŋ barka vanani.

Efesus 3:6

Aŋki wən maɗama vani, də wəsap də Zezu Krestuwi ɗii məs dəsənən Maŋgəlva ɓa asoŋ ɗii nawrəh haran net səza zəzay na Maŋgəlva dakadaka dit Yahudiyenɗe, wakpaŋgaŋ geɓa zə Krestu, warəhaŋ zam məs Maŋgəlva annah na wapsit Israyelɗe. As pak də labara nenek adaɗɗa.

Filipi 2:17

Ya an zəŋgiləw taya zokum va mbel na sazlaga ka meŋgeslin aka wətaf nokum aba Maŋgəlva, an vini gesiŋ na zu anneki wanəsapan wənek nokum.

Filipi 2:25

Nulak na, aslək nəmil gənə gən Epafroditus azokum, dəni mədaɗɗa wəza ndəni dədaw gay də in tamə, ndəni məs kəslənaŋ, dəki su zəga məs kəbaah suwəni atər suwək wəray nawa.

2Tesaloniki 1:7

Amma munokum məzuzəmaŋ saha, kakaŋka wəfatokum də mənamə pay sən Ɗəfdaya adazan sə disiŋ a duniya dit maslayɗe məzəɗɗaŋ saydawa aka gakdak nani.

Titus 3:7

Vi wənna Krestu məsam salala* də mbəlembəle nani aba Maŋgəlva, məsam gən ɗii nawrəh zeŋgille nasuwa ha faɗə, an məs mədaɗum akani.

Ibriɗe 10:11

Məs dəlveŋge pak tahəŋ wəɗɗanən wəza net pay pakə, tahəŋ wəpsənən zəga mətaw wəlan naka, ya zəga mətaw wəlan van bo aɓapna wəskoɓ mambray ɓa.

Ibriɗe 2:3

Mbar mbar mədawkoh kan an məsganək wəkoh metiŋginiŋ di? Ɗəfdaya sən kiyən arbanək wəkoh van dabəŋ, ɗii məs dəpprəməni, arbanenək wənani aziw gininke.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Ibriɗe 6:12

Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.

Ibriɗe 6:17

Maŋgəlva aŋgələk wərban kotak sit ɗii məs dədawrəhaŋ zəga məs aynan wənnani. Ndəni asɓan wənnan də wəsuwaya, wən məs aynəŋ apəl na ɓa.

Ibriɗe 8:6

Amma kakaŋ na Zezu arehək wəza na məs dələv day kiyən neti. Vaski bo wən məs minan akawalaŋ Maŋgəlva dit ɗiiyi, adayək ki an laŋka də sləmani, Maŋgəlva aziw gənək də wənnaman də sembe dayki laŋka.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

Yakob 2:5

Milmiŋgiɗu na makrawa, məpak sləmokum amba wəpel nawa. Maŋgəlva awelik məs saheŋɗe na zəga na duniya dəsoŋ gən məs aryeɗ də wətaf Zezu Krestu: Vi dəsoŋ gən adəv məlĩ na Maŋgəlva va an məs anah na wapsit ɗii məs dəŋgluwəni.

1Piyer 1:12

Maŋgəlva arban sitik məs kleŋɗe na, wənəs məs das kəs na, net sən kiyit awlanən na ɓa, amma wənan vikumi. Yaŋ Wən Nenek nak agapək azokum kakaŋka na. Masləŋɗe məzu pel sukumən wənnəŋka anah sukumənək wənnani. Apel sukumənək də sembe na Əmpəs Salala məs dəde sə disiŋ. Ko maslayɗe bo met tayaka wəsən wənnəŋka.

1Piyer 1:4

Məneken səm zəm vi zəga naw zəm gəla, an məs Maŋgəlva aɗi sit ɗii nani, zəga nan aŋgənna ɓa, haramba arma azan ɓa, awrayɓa, wasan ha faɗə. Maŋgəlva azaɓan a disiŋ na vikum.

1Piyer 3:7

Nokum munokum zel bo, məsoŋ dit gil nokum də wəsinit na tahəŋ də sembe va nokum ɓa, məgekdeketi, vi net bo Maŋgəlva wapsit əkoho, va apsukum, Məgəɗ vaska vi wəzuli nokum adattap ɓa.

Zuda 1:14

Anuwa, məs dəsan buhul net dəhiŋgiɗin əlfən Adam, aɗɗak kleŋ aket ɗii neti, amna: Yaŋ Ɗəfdaya wade dit maslayɗe nan məs salala* wəŋɗa net tay gabal diiɗa.

Hənhən 5:6

Yaŋ nula Botol aziwik aweleŋgit mazaŋgeɗ na məlĩya, kiyən tuwəɗ dit zigeɗ maderet poɗo gəm aweleŋgit ɗii gugiriɗe. Time van bo agilik va mətaw wəlani. Mohon bo tay buhul, haran bo buhul, ndəɗaŋgəŋ Əmpəs na Maŋgəlva buhul məs aslən aka dələv pakə.