Hənhən 7:2 - Nouveau Testament en Guidar

² Nulak maslay maɓɓan dazan səmba pay nampum, də tampoŋ na Maŋgəlva məs madaran avani ahayək də wəlan dayadaya sit maslayɗe poɗo məs məpsit sembe nawzəm gən saha na dəlva də pe'e.

Bible en Guidar

² Nəwələk maslay maɓɓan dazzan səmmba pay nampum, də tampoŋ na Maŋgəlva madaran avani. Apelik dayadaya sit maslayɗe poɗo məs məpsit gbogboŋ nawzəmgən sãhã na dəlva gəm na pehe,

Hənhən 7:2 ပူးပေါင်းရင်းမြစ်များ

Matiye 16:16

Simoŋ Piyer azlansənəka: Əstə Messiya Wətən Maŋgəlva* madarani

Matiye 26:63

Amma Zezu ɓatɓati dəzlan ko wən taka ɓa. Yaŋ ɗəf daya net məs dəlveŋge apsən na: Əntat əssohoko də iya na Maŋgəlva an madaran, anah səmə an əstə Messiya* Wətən Maŋgəlva*.

Yohanna 6:27

Kədawgayaŋ vi way məs naŋgənaŋ ɓa, amma məgay vi way nawsan ha faɗə, napsukum wəkoh ha faɗə. Way məs Wətən Ɗəf* adapsukum, va an məs də sembe məs arah səza Maŋgəlva Affəni.

2Korintus 1:22

Aɗiyək zəga akam narban na nan mənani. Apsəmək əmpəs nan amakramə, vi məsəŋ gən gesiŋ na, azaɓan səmək zəga mogoni.

Efesus 1:13

Amma nokum bo, munokum məs kəpprəmən gesiŋ na Wən Nenek naw koh nokum, adan kətafənka, Maŋgəlva aɗi sukumək lamba azokum də Əmpəs Salala* an məs aynan wənnan na, nan kənanaŋ.

Efesus 4:30

Kədawɗəkanən Əmpəs Salala na Maŋgəlva ɓa, vi dəndəni Maŋgəlva aɗi lamba nan akokum narban na, nan kənanaŋ, vi dəmokum gən sədəv pay məs dədazani.

1Tesaloniki 1:9

Vi ndəɗaŋ sən kiti apelinik wənnam va kətaf mən annokumda, va kəkpaŋgaŋ aza Maŋgəlva də wəppan tuya, yaŋ kədasbanən Maŋgəlva an madaran gesiŋ gesiŋ.

2Timote 2:19

Amma Maŋgəlva atəŋgək gabban də sembe, aziwik mogon sawɓa. Apprəm məs məverin aka wənnani: Ɗəfdaya asinik ɗii nani. Ko naway dədaɗɗa saydawa aka iya na Ɗəfdaya, say dəppan wəɗɗa mambraya.

Ibriɗe 12:22

Amma nokum kəzoŋguk aka gərəm na Siyon, ha awalaŋ gəla na Maŋgəlva madarani, va wənah na, Zerusalem na disiŋ, dit maslayɗe nan məs ɗəf aɓapna wəŋɗet ɓa, vi diiɗa neti.

Hənhən 1:3

Zəzay aza ɗəf məzəŋɗan ɗereweləŋka, zəzay azet ɗii məzəpprəmən wənnet məs kleŋɗe də wən məs məverin adəv ɗereweləŋka, vi pay məs məɗiyən ka wənnəŋ dəgəɗ gənəŋka, go'oy.

Hənhən 10:1

Yaŋ nula maslay maɓɓan dapriken sə disiŋ də sembe. Məzəɗ slay buwən akani, də məzəɗa akani, haran bo va paya, tələn bo va anzil offo.

Hənhən 10:4

Adan wəhay na buwən buhul agrak wəpel nani, nəzaɓanək zu kawverin, yaŋ nəpprəm wəla ɗəf sə disiŋ dawnah su na: Arma wənna wəhay na buwən buhuliŋki kədaverin ɓa.

Hənhən 16:12

Yaŋ maslay maslire'it agba' ana dəv makasli nan adəv məlpa metiŋgin məs adawyaŋ na Efratis. Iŋkile na məlpa nan akpa'aŋka akəlka, ha məlĩyeŋge namba pay nampum arəhaŋgək tive nawtoŋ dədaka.

Hənhən 5:2

Yaŋ bo nulak maslay daw təl ma də wəlan dayadaya: Naway dəgap nawkol ɗerewel nan di, də wəhok tampoŋ nan di?

Hənhən 8:3

Yaŋ maslay maɓɓan ade ziw gu'o də təki nawtaw wəla zəga sən Maŋgəlva, makasli na meleŋge taya van kãwwa. Məpsəni tursan diiɗa də sapan gən də wəzuli net ɗii na Maŋgəlva dətəlsən gən Maŋgəlva, aka təki məs məɗɗan də meleŋge nawtaw wəla zəga sən Maŋgəlva aba mazaŋga na məlĩ asani.

Hənhən 9:14

Yaŋ adawnahsən maslay maslire'it məzərma gozloreɗ neki, apet maslayɗe poɗo məs minet gu'o də məlpa metiŋ na Efratis neki.

Hənhən 9:4

yaŋ mənah sit na adawkanən met aza kevile ɓa, ko azet wəleŋɗe ɓa, ko azet gaslembeɗ ɓa, ka aza zəga pak ɓa, say azet ɗii məs tahəŋ də tampoŋ na Maŋgəlva amirbizit ɓa kədaw haraŋ.