Hənhən 4:4 - Nouveau Testament en Guidar

⁴ Mazaŋgeɗ tahəŋ kaklaw sula kiyit poɗo tuwəɗ ki mazaŋga na məlĩ naka, ɗii gugiriɗ tahəŋ kaklaw sula kiyit poɗo tuŋ tuŋ aket mazeŋgeɗ neki, dit lukutɗe baberɗe azeti, də mətər kiya na meleŋge.

Bible en Guidar

⁴ Ki mazaŋga na məlĩ van tərwəsl na, məzeŋgeɗ na məlĩ tahəŋ kaklaw sula kiyit poɗo, ɗiy gugriɗ tahəŋ kaklaw sula kiyit poɗo tuŋtuŋ aket mezeŋgeɗ veti, dit lukutɗe babarɗe azeti, də mətərkiya na meleŋge aketi.

Hənhən 4:4 ပူးပေါင်းရင်းမြစ်များ

Matiye 19:28

Zezu apsit na: Gesiŋ nədawnah sukum. Pay Wətən Ɗəf* adawsan aka mazaŋga na gakdak nani aka dələv meleketeni, munokum məzəsbawən klaw kikum sulaŋ wakəsoŋ də ina aket mezeŋgeɗ na məlĩ klaw kiyit sula vi kawtaw kita aka ma əlfa net Israyelɗe klaw kiyit sula.

Luka 22:30

Wakə zəmaŋ, wakə saaŋ atəki naw saa zəga naw adəv məlĩ nawa, wakəsoŋ aket mazeŋgeɗ na məlĩya, wakə tawaŋ kita aket ma əlfa net Israyelɗe klaw kiyit sula.

2Timote 4:8

Kaakaŋ na zəga nawrəh na ɗəf məs dənzan dabəŋ tay guwa: Ndəni mətər kiya na gakdak məs Ɗəfdaya mətaw kita də goŋga adawvaya, pay nawtaw kita nani. Suwi adawvay kaaka ɓa, amma sit məzu ganən pak də wəŋgla pay məs adarban zəni.

Hənhən 11:16

Ɗii gugiriɗ kaklaw sula kiyit poɗo məs tuŋtuŋ aka mazaŋga na məlĩ aba Maŋgəlva, yaŋ akdukoŋ anisin mirbisit afuŋ azuliyaŋ sənənək Maŋgəlva.

Hənhən 14:3

Tahəŋ wəyaŋ gəlya meleketen aba mazaŋga na məlĩya, gəm abet zigeɗ madaret poɗo dit ɗii gugiriɗe. Ɗəf tay naw ɓap wəyagan gəlya nan ɓa, say ɗii uzine səkat də uzine kaklaw poɗo kiyit poɗo məs məmet səka dəlva fuŋ naka.

Hənhən 19:14

Gewleɗ naw gay sə disiŋ asbanənka apeŋgeŋgək aket pəlseŋge baberɗe, aguloŋguk lukutɗe kukuɗe, salala baberɗe.

Hənhən 19:4

Ɗii gugiriɗ kaklaw sula kiyit poɗo dit zigeɗ mederet poɗo akdukoŋguk afuŋ aba Maŋgəlva məs dəsan aka mazaŋga na məlĩya azuliyaŋ sənənka, aɓɗaŋ na: Amin! Məgakdakan Maŋgəlva!

Hənhən 2:10

Kədaw geslne'eŋ vi bonoy məs dədaw rəhkum ɓa. Apprəma, Satan wasluko wasget ɗii meɓɓet sə walaŋkum diiɗa a daŋgay hagap pay klaw. Asok də goŋga hagap wəmta noko, wapsuk mətər kiya na zeŋgille.

Hənhən 20:4

Yaŋ nula mazeŋgeɗ na məlĩya, ɗii məs dəsoŋ aket bo, arəhaŋgək sembe nawtaw kita. Nulak zeŋgillet ɗii məs məbeyit vi adarbanən goŋga məs Zezu arbanəŋka, gəm vi arbanən wənna Maŋgəlva. Dəzuliyaŋ sənən zəga mamanya ɓa, də foto nan pakə, dətafən lamba nan amirbisit ɓa, walla aza vet ɓa. Tahəŋ maderet də Krestu, tahəŋ wəzəmaŋ məlĩ dəndən gap wəsva dubu taka.

Hənhən 3:18

Naw wanəppeteko, albah təbəs na meleŋge mədan də offo səvawa, kəsok gən məs arya. Albah lukut babara kugul gən azoko, dəɗamet gən wil na zuk mekeleŋ. Vas bo kəlbaah gən miya na hara ɗəffa kəɗa gən aroko kuwəl gəni.

Hənhən 4:10

Ɗii gugiriɗ kaklaw sula kiyit poɗo nek akdukunək takperet aba ɗəf məs dəsan aka mazaŋga na məlĩ naka, tahəŋ wəzuliyaŋ sənən ɗəf məs nawsan ha faɗ naka. Tahəŋ wəsganən mətər kiya net aba mazaŋga na məlĩ naka, tahəŋ wənahaŋ na:

Hənhən 4:6

Aba mazaŋga na məlĩ naka, pe'e tayadaka, tay wiɗ va darawgal. Aka walaŋ mazaŋga na məlĩ naka, zigeɗ madereket tahəŋ poɗo tuwəɗ kini, zit pak sərət məɗi siti hereti, dərɓegeti də dəɓet pakə.

Hənhən 5:11

Nulak əmpa, nəpprəmək wəllet maslayɗe diiɗa tuwəɗ ki mazaŋga na məlĩ naka, dit zigeɗ maderet neki, gəm ɗii gugiriɗ neki, wəŋɗa net bo tahəŋ va dubu dubuɗe.

Hənhən 5:14

Zigeɗ maderet poɗo nek aɓɗaŋ na: Amin. Ɗii gugiriɗ akdukoŋguk afuŋ, azuliyaŋ sənənka.

Hənhən 5:6

Yaŋ nula Botol aziwik aweleŋgit mazaŋgeɗ na məlĩya, kiyən tuwəɗ dit zigeɗ maderet poɗo gəm aweleŋgit ɗii gugiriɗe. Time van bo agilik va mətaw wəlani. Mohon bo tay buhul, haran bo buhul, ndəɗaŋgəŋ Əmpəs na Maŋgəlva buhul məs aslən aka dələv pakə.

Hənhən 5:8

Adan ataf ɗerewel naka, yaŋ zigeɗ maderet poɗo dit ɗii gugiriɗ kaklaw sula kiyit poɗo asbraŋ aba botol naka, ko naway tay də gazamvəl avani, gəm makasli na meleŋge məknahən paah də tursan, ndəni wəzuli net ɗii salala na Maŋgəlva.

Hənhən 6:11

Yaŋ məpsit lukut babar taka taka net pakə, yas mənah sit na məffet suɗike tagay ɗa, ha wəŋɗa net milmiŋgiɗkum məɗɗaŋ wəza na Maŋgəlva məs məɓeyit venet dəgap gəni.

Hənhən 7:11

Maslayɗe pak aziweŋgək tuwəɗ ki mazaŋga na məlĩya, dit ɗii gugiriɗe gəm zigeɗ maderet poɗo, asbraŋgək aba mazaŋga na məlĩya fuŋ, azuliyaŋ sənənka,

Hənhən 7:9

Ɗərɓaga aska, nəziyək harawa, nulek ɗii diiɗa ɗəf tay naw ɓap wəŋɗet ɓa, ɗii net daga səmba dələv pakə, səza ma əlfa pakə, dit ɗii pakə, də ma temtem pakə, aziweŋgək aba mazaŋga na məlĩya gəm aba botol na Maŋgəlva, aguloŋguk lukutɗe baberɗe, dəva gugozlo aveti.

Hənhən 9:7

Zaray nan tay va pəlseŋge məzu mbataŋ ama wəgaya, mətər kiya tayaket va mətər kiya na meleŋge, haret bo va haret ɗiiyi.