Hənhən 4:2 - Nouveau Testament en Guidar

² Go'ləŋ Əmpəs agəm wəka, akəwək a disiŋ atəki məs mazaŋga na məlĩ asani. Ɗəf tay tuŋgo aka mazaŋga vani.

Bible en Guidar

² Go'ləŋ Əmpəs agulwəka, nəwəl na, mazaŋga na məlĩ tay məɗiyən a disiŋ, ɗəf akan ɗewwe.

Hənhən 4:2 ပူးပေါင်းရင်းမြစ်များ

Matiye 22:43

Zezu apsit na: Ya an vaski na mbari Davit aya na Ɗəfdaya di? Əmpəs na Maŋgəlva arban sənəka vi vaski anah na:

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

Hənhən 1:10

Pay na Ɗəfdaya, Əmpəs adek akawa, yaŋ nəpprəm wəla ɗəf dərɓagaw dayadaya, də ɓaɓəl man va gozloro.

Hənhən 12:5

Guluk nak tuwək wiyən mizilin, məs dəda taɗ ɗii naka dələv pak də sulegere na təbəssa. Amma wətət vani, məslani məkani amaŋgava Maŋgəlva aka mazaŋga na məlĩ nani.

Hənhən 17:3

Əmpəs na Maŋgəlva agəm wəka, maslay akəwək awra. Adaki nulət guluk nakə, tat ɗewwe aka zəga mamanya peppreŋge, zən pak sərət də iya nawran Maŋgəlva məverin aza zəga mamanya naka, tay də kiyən buhul, mohon bo tay klaw.

Hənhən 19:4

Ɗii gugiriɗ kaklaw sula kiyit poɗo dit zigeɗ mederet poɗo akdukoŋguk afuŋ aba Maŋgəlva məs dəsan aka mazaŋga na məlĩya azuliyaŋ sənənka, aɓɗaŋ na: Amin! Məgakdakan Maŋgəlva!

Hənhən 20:11

Yaŋ nula mazaŋga babar na məlĩya də ɗəf məs dəsan akani. Dəlva fuŋ də disiŋ tahəŋ wənzoŋ sənəni, kawleti ɗaah əmpa ɓa.

Hənhən 21:10

Əmpəs na Maŋgəlva adek akawa, maslay nak akuwək aka gərəm məɓayən diiɗa. Arban suwək Zerusalem walaŋ gəla metiŋ, məs salala dəde səza Maŋgəlva ana disiŋ.

Hənhən 21:5

Yaŋ ɗəf məs dəsan aka mazaŋga na məlĩ amna: Intatəɗɗa zigeɗ pak meleketeti! Apsu na: Aver wənnəŋka, vi wəpel nawəŋka, goŋgay təstəssi.

Hənhən 3:21

Ɗii məs dədayaŋ ki wənnəska, wanəpsit tive nasuwa aka mazaŋga na məlĩ naw amaŋga vawa, va nawəŋka nədayək kini, nəsawək də Affuwa aka mazaŋga na məlĩ nani.

Hənhən 4:10

Ɗii gugiriɗ kaklaw sula kiyit poɗo nek akdukunək takperet aba ɗəf məs dəsan aka mazaŋga na məlĩ naka, tahəŋ wəzuliyaŋ sənən ɗəf məs nawsan ha faɗ naka. Tahəŋ wəsganən mətər kiya net aba mazaŋga na məlĩ naka, tahəŋ wənahaŋ na:

Hənhən 4:5

Səza mazaŋga na məlĩ naka, uwiɗ na buna də ɓaɓəlmani, də wəhay nani pak tay gilyan səza mazaŋga na məlĩ naka, əmpa bo, pitirleɗ buhul tahəŋ mərmet aba mazaŋga na məlĩ naka, ndəɗaŋgəŋ Əmpəs na Maŋgəlva.

Hənhən 4:9

Pay zigeɗ maderet poɗo adawyaŋ gəlya pakə, vi kaw gakdakan də wəɗi kini də wəgəɗsən soko sən ɗəf məs dəsan aka mazaŋga na məlĩ naka, nan madaran adawsan pay pak ha faɗə.

Hənhən 5:1

Nəwələk ɗerewel məktəmən taka aka van dəzəŋ, tay ɗewe aka mazaŋga na məlĩya, ɗerewel nak məverini adəvən də gəɓan pakə, yaŋ məɗɗa tampoŋ akan temtem buhul.

Hənhən 5:13

Zigeɗ məs məzəmiɗit a disiŋ pakə, dit zigeɗ məs məzəmiɗit aka dəlva məs namba dəlva fuŋ, dit məs na pe'e gəm dit məs məzəmiɗit atəki pakə: Yaŋ adawyaŋ gəlya, vi ɗəf məs dəsan aka mazaŋga na məlĩya, gəm vi botol, də wəɗi kiyən də gakdak pak də sembe pak nani pay pakə ha faɗə.

Hənhən 6:16

Annəhaŋgək na massorgeɗe dit kuneŋge məɓəsl akamə, məɗamam səba ɗəf məs dədayə məs dəsan aka mazaŋga na məlĩya, gəm səma wəda gədəv na botol na Maŋgəlva.