Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hənhən 2:9 - Nouveau Testament en Guidar

9 Nəsənək bonoy noko də saha noko, amma məs arya kənani, nəsənək mbrayen net ɗii məs dədaw ɗiyən zit va Yahudiyenɗe adawpeleŋ akoko, amma Yahudiyenɗeŋ ɓa, net ɗii məsbanən Satan nəŋgə.

အခန်းကိုကြည့်ပါ။ ကော်ပီ

Bible en Guidar

9 Nəsənək tatwãh noko gəm sãhã noko, ya məsarya kənani, nəsənək wən mbərayən məs ɗiy məzuɗinən zit va mə Yudeɗ adawpeleŋ akoko, ya mə Yudeɗiŋ ɓa, net ɗiy məzbanən Satan əŋgə.

အခန်းကိုကြည့်ပါ။ ကော်ပီ




Hənhən 2:9
29 ပူးပေါင်းရင်းမြစ်များ  

Amma apsən na: Dok səzawa, Satan, appawa. Vi ɗerewel amna: Agakdakan Maŋgəlva Ɗəfdaya noko, anan katər gən kəlgəɗ sən wəza.


Vas adawsan sən ɗəffan məkalan arya sən kiyən, dəkpaŋ məs arya aza Maŋgəlva ɓa.


Əmpəs na Ɗəfdaya taya kawa, awelwəka vi nəpel gən alabara nenek sit məs saheŋɗe, aslənwəka vi nərban sit gən ɗiiyen na daŋgay wənna peti, vi kawkol sit heret deŋgerɗe, vi kawkohgit məzu zəmaŋ saha.


Adan Zezu awle gewleɗ nani, amna: Wakpaŋ azokum zəzaya, munokum məzurayɗe, vi məlĩ na Maŋgəlva nokumi.


Nənah sukum pak vasna vi kərəhaŋ gən wəsuwa zam də ina də wəsler də ina. Wakəsaŋ bonoy a duniya, amma məsok mokrokum, nədayək ki duniya.


Asɓetinik ɗii məs dətafən Zezu, asəɓaŋsitinke dəsbanən gən wətaf də makret taka. Yaŋ anah sitin na: Say də tattuwãh mədawtoŋ məlĩ na Maŋgəlva.


Ɗayɗay nədawzəm git saha adəv gəla na zuli pakə, nəgəɗsitik dewle dəppanən gən wən məs atafaŋgəŋka. Nədan sitik gidivit sawɓa, ha nəmbatək aka dələv maɓɓan nəzəm gitik saha adaka.


Məneken zukum də zəga məs kədawgaŋ, məɓəs bonoy, məsok zukum əzuli pay pakə.


Amma nok istatəɗi zuk na Yahudiyen kənani, aka ma henziŋ kəziwi, istatə gakdakan zuk də wənna Maŋgəlva noko,


An dəday van əmpa bo, mənam tatə neken zəm ko adəv wən tattuwãha, məsənka wən tattuwãh warban sən ɗəf dəɓəs gəni.


Ya an vaski na, naway naɓap uɗakam də əŋgla na Krestu di? Bonoy sa, wən tattuwãh sa, wərma mama sa, may sa, saha sa, wən mbrayen sa, walla əmta, sa?


Nənah na əpel na Maŋgəlva zəga ɗar mekeleŋgi ɓa. Amma Maŋgəlva də wel ɗii na Israyel pak ka ɗii nan ɓa.


Tay kiyaŋ səmən wən tattuwãh, amma mənam tatənan nek pay pakə. Məgilik va məs saheŋɗe, amma mənam tatəkpeŋget ɗii meɓɓet məs aryeɗ diiɗa, mənam tat va ko mi taya vam ɓa, amma gesiŋ nam na, mənam tat də zəga pak avamə.


Məslani ətaf net də bonoy diiɗa, amma tahəŋ də zit nek diiɗa sawɓa. Vini ko tahəŋ də saha zlaŋ, akkalanənək zəga məs aɗiyaŋ diiɗa.


Kəsənənək mbəlembəle məs Ɗəfdaya nam Zezu Krestu agəɗ sukum. Ko də asan məs arya zlaŋ, aɗiyək zən va məs saha vi wən nokum, vi kakpaŋgokum məs aryeɗ də saha nani.


Vi vaski bo daga məsam annokumda, dabəŋ nani, mənah sukumko, nam kawzəm gəmi saha, ndəni kan dəgəɗə, kəsənənək lewlewi.


Lahəŋ na, nəpelik mbrayen akani, nəzəm gitik saha net ɗii nani, nərretike. Amma Maŋgəlva awələk saha akawa, vi əntat də wətaf ɓa, nəsən gabba məs nədaɗɗa ɓa.


Anahsiti, dəɗɗaŋ gən mogoni, wəza dəsan gən arya neti dəsoŋ məzuvəlaŋ, də əbaahaŋ sitin ɗii meɓɓet də arya neti.


Əntə Zaŋ, məlmukum məs də sap də Zezu, əntatə daw də munokum adəv bonoy, də məlĩ namə də wəɓəsən pak məs taka də munokum. Məɗi wi aka mətuwəra məs adawyaŋ na Patmos, vi nədarban wənna Maŋgəlva də goŋga məs Zezu anahə.


Nəsənək atəki va kədaw soko, atəki na suwa na məlĩ na Satan kənani, kərmak iya nawa, kəpan wətaf məs kətafu ɓa, ko pay məbay Antipas məgəɗ saydawa akaw də goŋga awalaŋkum atəki məs Satan asani.


Nəsənək wəza noko, də wəzəm saha noko, də an kədaw ɓəsa. Nəsənka kəɓap na wəɓəs wənnet ɗii mbreyit ɓa, ya kəslak wən net ɗii məzu ɗiyən zit na masləŋɗeŋ, amma masləŋɗeŋ ɓa, kərəhək wənnan na məwaŋ tepelkeŋ.


Amma azokum munokum məs kəmbraŋ kretiyenɗe na Tiyatira, munokum məs kasbanən wən məs mərban mbraynəŋ ɓa kəŋkə, munokum məs kəsənən wəsən an kpukpum na Satan ɓaŋ ka, nənah sukum na, nəɗi sukum na zəga gakdak akokum ɓa.


Aŋki zəga məs nədawgəɗ sit ɗii na Satan, məs tepelkeɗi məɗəyən zit na Yahudiyenɗeŋ, mbaraka na Yahudiyenɗeŋ ɓa, wanəgəɗ sit dewle dəzoŋ gən wəkdukun takpret aboko də gakdokokun gəni. Wasənən na nəŋglukuko.


Nəpsən na: Ɗəfdaya nawa nisin ɓa, say is kisine. Apsuna, ndəɗaŋgəŋ ɗii məs də gulyoŋ sədəv bonoy metiŋgin məs dəskoɓən lukutɗe neti, aɗɗenin lukutɗe net baberɗe dit mbel na botol na Maŋgəlva.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ