Hənhən 2:2 - Nouveau Testament en Guidar

² Nəsənək wəza noko, də wəzəm saha noko, də an kədaw ɓəsa. Nəsənka kəɓap na wəɓəs wənnet ɗii mbreyit ɓa, ya kəslak wən net ɗii məzu ɗiyən zit na masləŋɗeŋ, amma masləŋɗeŋ ɓa, kərəhək wənnan na məwaŋ tepelkeŋ.

Bible en Guidar

² Nəsinik wəzaɗe noko, əzəmsahã noko gəm zuk məs kədawsoko, nəsənka kəɓap na əzi horok sit məsdarawɗe ɓa. Kəslak nazet məzunahaŋ na maslənɗeŋ ya mbaraka maslənɗeŋ ɓa, kərəhək na məwaŋ wənəŋgə.

Hənhən 2:2 ပူးပေါင်းရင်းမြစ်များ

Matiye 7:23

Naw wanənah sit na: Nəsənkum ɗaah ɓa kpakə, munokum məɗɗaŋ mambraya mədoŋgu.

Yohanna 6:6

Anah vas na vi kapprəm an Filip adawzlani, vi asənək an adaɗɗa.

Galatiyen 1:7

Gesiŋgi, Wən Nenek maɓɓan tay ɓa, amma ɗii meɓɓet tahəŋ wəmbəɗokuməni. Tayəŋglaŋ wəkpaŋganən Wən Nenek na Krestu.

Efesus 4:14

Vi məda sam dərɓagan va kirin muzliyeɗ naw rakam də wəsən na ɗəffa va səmnya dit vovolumɗe adaw kanən bəlay. An wətaf na ɗəf dəknah ɓa, asna məɗɗaŋ vurum wambəɗanən də sokene neti.

1Tesaloniki 1:3

Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

1Tesaloniki 5:21

Məsla wən pakə, mərma an mogon akokum.

2Timote 2:19

Amma Maŋgəlva atəŋgək gabban də sembe, aziwik mogon sawɓa. Apprəm məs məverin aka wənnani: Ɗəfdaya asinik ɗii nani. Ko naway dədaɗɗa saydawa aka iya na Ɗəfdaya, say dəppan wəɗɗa mambraya.

Ibriɗe 6:10

Maŋgəlva məs də goŋgayi, asgət na ki wəza nokum ɓa, walla wənna əŋgla nokum məs kərbaŋ sənən də wəbaah sit ɗii məs dətafaŋ, milmiŋgiɗ kuməŋ, munokum tatəbaahaŋsit kakaŋka'a.

1Yohanna 4:1

Bayneŋgiɗu na makrawa, kədatafən gu'ləŋ ɗəf məzu pel sukum na tay də əmpəsa ɓa, say məsla əmpəs nani, na Maŋgəlvayi sa, vi məs kleŋɗe məwaŋ tepelke tahəŋ diiɗa aka dəlva.

Hənhən 2:5

Aɗumon əza məs kəzə ki tive, apan mambray noko, adaw va məs kədaw dabəŋ. An kəzaɓan makrok ɓana, wanəzawrəhko, wanəgəm zəga naɗi pitirla nok sə gəlani say an kətubika.

Hənhən 2:6

Amma wən ana zok na, kəzelik wəza net Nikolawiɗe, va naw bo nəzel wəza net diiɗa.

Hənhən 2:9

Nəsənək bonoy noko də saha noko, amma məs arya kənani, nəsənək mbrayen net ɗii məs dədaw ɗiyən zit va Yahudiyenɗe adawpeleŋ akoko, amma Yahudiyenɗeŋ ɓa, net ɗii məsbanən Satan nəŋgə.

Hənhən 3:1

Aver aza maslay net kretiyenɗe na Sardis: Ɗəf məs dərme Əmpəsɗe na Maŋgəlva buhul dit ngərzleɗ buhul nek amna: Nəsənək an məs kədaɗɗa pakə, nəsənka istatə ɗi zuk va madarokok kənani, mbaraka na məmtuk kənani.

Hənhən 3:15

Nəsənək wəza noko, zay kənan ɓa, ya kaãh kənan ɓa'a. Nəŋgəl kətana kəsok gən zayə, walla kaãh.

Hənhən 3:8

Nəsənək wəza nok məs kədaɗɗa, nəsənka istat də sembe suɗike, də as pak kəsbanək wəpel nawa, də goŋga kənan azawa. Nəkoluk madamba aboko, ɗəf tay naw ɓap wəmpan ɓa.